Dagblaðið Vísir - DV - 05.11.2018, Blaðsíða 62

62 fólk 11. maí 2018
Ef þú þyrftir að breyta, hvað myndirðu
vilja heita annað en Selma eða vera annað
en leikstjóri, söngkona eða leikkona? Væri
til í að heita Ísadóra Lóa og vera barnalæknir.
Hverjum líkist þú mest? Ég á þrjár systur
en ég líkist Birnu og Hrafnhildi, systrum
mínum, mest. Guffa og ég erum meira líkar
með húmor frekar en í útliti
Hvað halda margir um þig sem er alls
ekki satt? Að ég sé köld og fráhrindandi,
sem mínir bestu kannast alls ekki við og
finnst ég einmitt vera viðkvæmt og um-
faðmandi blóm.
Í hverju finnst þér þú vera betri en aðrir?
Að halda stutta og effektífa fundi. (Hata
langa og leiðinlega, tilgangslausa fundi)
Hvað finnst þér að eigi að kenna í
skólum sem er ekki kennt þar núna?
Að þú sért ekki heimskur þótt þú eigir við
námsörðugleika að stríða, út af tauga- eða
geðröskunum sem þú fæddist með.
Ef þú þyrftir að eyða 100 þúsund kalli
á klukkutíma, í hvaða verslun færirðu?
Vá, svo margar búðir koma upp í hugann,
Louis Voitton, Chanel, en ef við eigum að
halda þessu á eyjunni okkar, þá tekur enga
stund að eyða 100.000 krónum í Geysi eða
Farmers market.
Hvað viltu að standi skrifað á legstein-
inum þínum? Vil engan legstein, vil láta
brenna mig og dreifa minni ösku yfir mína
uppáhaldsstaði. En sloganið mitt verður
alltaf: HÚN LIFÐI LÍFINU LIFANDI!
Sex ára barn spyr þig hvort jólasveinninn
sé til. Hvernig svarar þú? Já, elsku barn.
Ég hef hitt þá alltof marga í lífinu.
Ef þú mættir velja eitt lag sem yrði alltaf
spilað um leið og þú gengir inn í herbergi
allt þitt líf, hvaða lag myndirðu velja?
Who run the world? girls með Beyoncé.
Hvaða bíómynd hefurðu séð oftast?
„Shit“ hef horft á margar býsna oft en ég
held að Grease hafi vinninginn.
Hvað var í tísku þegar þú varst yngri en
er það ekki lengur? Herðapúðar.
Borðarðu mat sem er kominn fram yfir
síðasta söludag? Að sjálfsögðu!
Hverju laugstu síðast? Að það væru 5
mínútur í mig.
Um hvað geta allir í heiminum verið
sammála? Að bros getur dimmu í dagsljós
breytt.
Ef þú mættir bæta við ellefta boðorðinu,
hvernig hljómaði það? Æi, mér finnst
trúarbrögð vera úrelt. Tek undir með Ricky
Gervais sem sagði: „There have been nearly
three thousand gods in the universe. None
of them are real… except yours… yours
is real.“ Er nefnilega trúlaus eftir mikla
rannsókn í mörg ár og útskrifast sem
athafnastjóri Siðmenntar vonandi í byrjun
sumars. Get þá farið að gefa saman fólk
og stjórna nafngjafarathöfnum. Hlakka
mikið til.
Hvað í hegðun hins kynsins ruglar þig
mest? Leikir. Skil ekkert í þeim og kann
ekki.
Hvaða áhugamál myndirðu ekki sætta
þig við að maki þinn stundaði? Barrölt.
Á hvern öskraðirðu síðast? Sennilega son
minn, fyrir að öskra á Playstation partner-
inn sinn. Skil þetta stöff ekki.
Hvaða einstakling finnst þér þú þekkja,
þótt þú hafir aldrei hitt hann? Madonnu.
Hvaða hljóð fer mest í taugarnar á þér?
Klór í krítartöflu.
Hvaða frægu persónu leistu upp til en
sérð eftir því í dag? Bill Cosby. Elskaði
fyrirmyndarföðurinn en gubbaði upp í mig
eftir síðustu fréttir.
Hver er versta vinnan sem þú hefur
unnið? Unglingavinnan þar sem ég þurfti
að sópa götur en var með rykofnæmi.
Um hvað varstu alveg viss þangað til
þú komst að því að þú hafðir rangt fyrir
þér? Að maður ætti alltaf að trúa því besta
upp á fólk.
Hvert er þitt stærsta líkamlega afrek í
lífinu? Að fæða börnin mín!!!!!!
Hvað verður orðið hallærislegt eftir 5
ár? Að drekka vín.
Ef þú yrðir handtekin án skýringa, hvað
myndu vinir þínir og fjölskylda halda að
þú hefðir gert af þér? Logið einhverju til að
bjarga vini úr veseni.
Hvaða teiknimyndapersónu myndirðu
vilja eiga sem vin? Marge í Simpsons,
hefðum margt að fara á trúnó yfir.
Hvað ættu allir að prófa að minnsta
kosti einu sinni í lífinu? Að elska!
Hvað myndirðu segja ef Guð hnerraði?
Noh, ertu þá til?
Nú labbar mörgæs með kúrekahatt
inn um dyrnar hjá þér. Hvað segir hún
og af hverju er hún þarna? HÆ, hvenær
koma Selma og Miðnæturkúrekarnir með
„comeback“! Og svo myndi hún að sjálf-
sögðu biðja um diskinn Alla leið til Texas,
áritaðan.
Selma Björnsdóttir söngkona hefur tekið þátt í Eurovision tvisvar, leikið
og sungið og dansað í yfir 20 sýningum á vegum Þjóðleikhússins og Borg-
arleikhússins, en frá árinu 2007 mest megnis verið að leikstýra um allan
heim meðal annars í Royal Shakespeare Company í Stratford, Noregi,
Svíþjóð, Boston, og Toronto. Selma sýnir lesendum DV á sér hina hliðina.
„Þurfti að sópa götur en er með rykofnæmi“
hin hliðin
Í spennutrylli með Ian
McKellen og Helen Mirren
Jóhannes Haukur
J
óhannes Haukur Jóhannes­
son fer með hlutverk í
spennutryllinum The
Good Liar eftir Óskarsverð­
launahafann Bill Condon, leik­
stjóra Chicago, Dreamgirls og
Beauty and the Beast. Tökur á
myndinni eru hafnar og fara
að mestu fram í Bretlandi, en
einnig í Þýskalandi. Sjá stór­
leikararnir Helen Mir­
ren og Ian McKellen um
burðarrullurnar.
Condon er einnig
einn framleiðandi
myndarinnar og hef­
ur áður unnið með
McKellen að mynd­
unum Mr. Holmes
og Gods and Mon­
sters, en Condon vann
Óskars verðlaun fyr­
ir árið 2000 í flokki
besta handrits
byggðu á
áður út­
gefnu
efni.
Leik­
stjórinn naut einnig mikillar
velgengni með lokamyndum
Twilight­seríunnar og halaði
Beauty and the Beast inn rúman
milljarð í Bandaríkjadölum á
heimsvísu, þar með tekjuhæsta
kvikmynd síðasta árs.
The Good Liar er byggð á
samnefndri skáldsögu eftir
Nicholas Searle og skrifuð af
handritshöfundi Mr. Holmes,
þar sem Ian McKellen fór einnig
með aðalhlutverkið. Að þessu
sinni leikur McKellen glæpa­
mann sem ætlar að setjast í
helgan stein eftir eitt lokasvindl.
Áætlunin er að vinna sér inn
traust dularfullrar ekkju og stela
peningum hennar, en stigmagn­
andi vefur lyga reynist hafa
ófyrir sjáanleg áhrif á þau bæði.
Kvikmyndavefurinn IMDb
staðfestir að Jóhannes fari með
hlutverk persónu að nafni Vlad
og verður The Good Liar frum­
sýnd á næsta ári, á svipuðum
tíma má einnig búast við vestr­
anum The Sisters Brothers, þar
sem Jóhannes er í kominn í
hóp með mönnum á borð
við Jake Gyllenhaal, John C.
Reilly og Joaquin Phoenix. n
tomas@dv.is
lítt þekkt
ættartengsl:
Forstjórinn
og stór-
söngvarinn
Svanhildur Konráðsdóttur,
forstjóri Hörpu, hefur verið á
hvers manns vörum undan­
farna viku vegna launamála
sinna. Fréttablaðið greindi
frá því að laun hennar hefðu
hækkað um 20% á sama tíma
og lægst settu starfsmenn tón­
listarhússins voru látnir taka á
sig launalækkun. Ekki sér fyrir
endann á deilunni en nýjustu
fregnir herma að á þriðja tug
starfsmanna Hörpu hafi sagt
störfum sínum lausum.
Færri vita að Svanhildur
kemur af söngelsku
fólki norðan
heiða.
Þannig er
föðurbróðir
hennar stór­
söngvarinn
Kristján
Jóhannsson.