Dagblaðið Vísir - DV - 21.12.2018, Blaðsíða 72

21. desember 2018
49. tölublað 108. árgangur Leiðbeinandi verð 995 kr. dv.is/frettaskot askrift@dv.is Sími 512 7000
 Suðurnes
 Reykjavík
 Suðurnes
Sími 845-0900 • cargoflutningar@gmail.com • Finndu okkur á facebook

Tvisvar
á dag!
milli Suðurnesja og
höfuðborgarsvæðis
cargoflutningar.is
Flutningaþjónusta
Ike A er ekki
nógu fínn
hönnuður!
Sanddæling úr Landeyjahöfn hefur kostað yfir 2,6 milljarða
Í
slenska ríkið hefur þurft að
greiða rúma 2,6 milljarða ein­
göngu fyrir sanddælingu
úr Landeyjahöfn frá opnun
hafnarinnar í júlí 2010. Það gera
rúmlega 300 milljónir á hverju
ári. Þá hafa ýmsar rannsóknir
við höfnina kostað 277 milljónir
króna. Samandregið er heildar­
kostnaður vegna byggingar og
rekstrar Landeyjahafnar, ásamt
kostnaði við rekstur Herjólfs, rúm­
lega 11 milljarðar króna.
Ein aðalforsendan fyrir
byggingu Landeyjahafnar á sín­
um tíma var að ný ferja, sem hent­
aði betur við þessar aðstæður, yrði
smíðuð. Útboð fyrir byggingu ferj­
unnar tafðist og var að endingu
ekki auglýst fyrr en árið 2016.
Kostnaður á hönnun þeirrar ferju
var síðan 147 milljónir króna.
Áætlanir gera ráð fyrir að kostn­
aður við smíði nýs Herjólfs séu um
3,8 milljarðar króna. Það verð mun
þó eflaust hækka því gera þarf
ýmsar breytingar á ferjunni.
Gert er ráð fyrir að smíði nýrr­
ar ferju ljúki í mars á næsta ári og
siglingar hefjist stuttu síðar. Upp­
runalega átti að afhenda skip­
ið á þessu ári en áðurnefndar
breytingar urðu til þess að smíð­
in tafðist. Nýja ferjan verður með
mun meiri burðargetu en gamla
skipið og verður að auki rafknúin
að hluta. Samningur hefur verið
gerður á milli Vestmannaeyja­
bæjar og Vegagerðarinnar um
að bærinn sjái alfarið um rekstur
ferjunnar fyrstu tvö árin. Áætlað
er að ferðum á mill Eyja og lands
muni fjölga um sex hundruð ferð­
ir árlega. Um mikla samgöngubót
verður því að ræða fyrir Eyjamenn
þó að kostnaður sé hár. Gert er ráð
fyrir að afsláttur á miðum í ferjuna
muni hækka úr 40% í 50%. Þá mun
störfum einnig fjölga vegna fleiri
ferða. Gamli Herjólfur verður svo
til taks sem varaskip ef eitthvað
kemur upp á.
Landeyjahöfn
RÚV keypti
húsgögn á
11 milljónir
R
ÚV festi kaup á nýjum
húsgögnum fyrir rúmar
ellefu milljónir króna
nú í haust. Samkvæmt
heimildum DV komu kaupin
mörgum starfsmönnum á óvart
þar sem þeir töldu húsgögnin
sem voru fyrir ekki vera í slæmu
ásamkomulagi og því ekki þörf
á endurnýjun. Yfirmenn sem
taka ákvarðanir um kaup af
þessu tagi voru þó greinilega á
annarri skoðun og munu sér­
staklega gömlu stólarnir hafa
verið þyrnir í augum starfs­
manna. Kaupin munu hafa far­
ið fram í september síðastliðn­
um. DV hafði þá samband við
RÚV símleiðis og kannaðist þá
enginn við kaup á húsgögnum.
DV sendi í kjölfarið formlega
fyrirspurn og barst svar skyndi­
lega núna, rétt fyrir jól.
Anna Bjarney Sigurðar­
dóttir, framkvæmdastjóri
rekstrar, fjármála og tækni hjá
RÚV, segir í svarinu að það
stemmi að RÚV hafi fest kaup á
húsgögnum. Kostnaðurinn var
alls 10.980.000 króna. „ Kaupin
voru liður í verkefni við að
opna vinnuaðstöðuna og um
leið þurfti að endurnýja hluta
af skrifstofuhúsgögnum, aðal­
lega skrifborðum ásamt ýms­
um hirslum og húsgögnum í
fundarrými sem voru orðin
gömul,“ segir Anna Bjarney.
Ekki kemur fram í svarinu
hvaðan húsgögnin voru keypt
eða hversu mörgum einingum
var fjárfest í. Þess má til gam­
ans geta að ef miðað er við verð
í IKEA þá mætti kaupa 80 upp­
hækkanleg skrifborð af dýrustu
gerð, fjóra sófa af dýrustu gerð
og 20 skápa af dýrustu gerð fyr­
ir sömu upphæð.