Dagblaðið Vísir - DV - 22.02.2019, Page 25

Xxxxxxxxxxxx 22. febrúar 2019 KYNNINGARBLAÐ
Við leggjum mikla áherslu á að taka vel á móti fermingar­börnunum og foreldrum
þeirra og veita þeim góða þjón­
ustu. Þetta er mikilvæg stund á ævi
unglingsins og til dæmis eru strákar
oft að velja þarna sín fyrstu jakkaföt.
Þá þarf líka að leiðbeina þeim um
hvernig maður ber sig að, til dæmis
hvernig jakkanum er hneppt,“ segir
Sölvi Magnússon, sem er rekstrar­
stjóri hjá Galleri 17 ásamt Maríu
Einarsdóttur.
NTC rekur margar tískuvöruverslanir
á höfuðborgarsvæðinu, þar meðal
Galleri 17, sem er bæði í Kringlunni og
Smáralind. Í Galleri 17 er afar mikið
úrval af flottum fermingarfatnaði og
allir ættu að geta fundið eitthvað við
sitt hæfi.
„Fermingartískan hefur sjaldan
verið eins fjölbreytt og í ár. Hjá
strákunum er skemmtilegt samspil á
milli klassísks fatnaðar og þess sem
kallað er „streetwear“. Sumir velja
flotta fatasamsetningu en aðrir eru í
klassískum jakkafötum. Við skyrturnar
eru ýmist notuð bindi eða klútar og
svo eru rúllukragabolir að koma mjög
sterkir inn. Vinsælt er að vera í striga­
skóm við jakkafötin, til dæmis frá Nike
eða Vans. Svo eru margir sem ætla
að nýta skóna sem hversdagsskó eftir
ferminguna,“ segir Sölvi.
Að sögn Maríu hefur fjölbreytnin
aukist hjá strákunum en fermingar­
fötin á stelpurnar eru samt ennþá
fjölbreyttari:
„Samfestingar eru mjög vinsælir,
líka blúndukjólar og ýmsir stílhreinir
kjólar í ljósum litum. Úrvalið af skóm
er rosalega fjölbreytt. Sumar velja
einfalda hæla á meðan aðrar sækja
í gróf stígvél frá Dr. Martens og enn
aðrar hvíta strigaskó frá Nike eða
Buffaló­skó.“
Meðal vinsælla merkja í fermingar­
fatnaðinum eru Moss Reykjavík,
Made, Cheap Monday og SamsØe
SamsØe.
Stór stund að velja fermingarfötin
„Sumir afgreiða sitt á stuttum tíma á
meðan aðrir vilja koma oft og taka sér
tíma í að máta,“ segir Sölvi, en það
er stór stund hjá mörgum að velja
fermingarfötin og margir bregða á
leik og taka myndir við þetta tækifæri
sem notaðar eru á samfélagsmiðla
eða sýndar í veislunni.
„Starfsfólkið leggur áherslu á að
sýna krökkunum eitthvað sem fellur
að stíl hvers og eins. Mörg eru með
ákveðnar hugmyndir um hvað þau
vilja og við leggjum áherslu á að
uppfylla óskir þeirra.“
María bætir við að margir foreldrar
noti tækifærið og skoði föt fyrir sjálfa
sig enda úrvalið mikið í verslunum
NTC. Margir nýta sér þá að vera í
NTC­klúbbnum og noti vildarpunkta
þegar þeir kaupa fyrir fjölskylduna.
Í vefútgáfu greinarinnar á dv.is má
fletta fermingarhandbókinni frá
NTC en þessi glæsilegu sýnishorn
eru einungis brot af úrvalinu. Við
mælum með að komið sé við í Galleri
17 í Kringlunni og Smáralind, skoðað,
þreifað á, mátað og fengin sé góð
ráðgjöf hjá starfsfólki.
Sjá einnig vefsíðuna ntc.is
Það er vel tekið á móti
fermingarbarninu
í Galleri 17