Morgunblaðið - 01.09.2018, Side 4

Skúli Halldórsson
sh@mbl.is
K
ristján Þór Júlíusson sjáv-
arútvegsráðherra segir
fiskistofna á Íslands-
miðum almennt hafa ver-
ið að styrkjast og að ráð-
gjöfin frá Hafrannsóknastofnun
gefi efni til ákveðinnar bjartsýni í
þeim efnum.
„Það er full ástæða til að gleðjast
þegar vel gengur og sömuleiðis er
það mikið fagnaðarefni að þingið sé
búið að taka þessa langþráðu
ákvörðun um að smíða nýtt rann-
sóknaskip, sem er fyrir löngu orðið
tímabært,“ segir Kristján.
Eigum hæft fólk á öllum sviðum
„Hins vegar er það áhyggjuefni að
aflaverðmæti hefur verið að drag-
ast saman. Það hefur verið sam-
dráttur í loðnuafla en botnfisk-
urinn er sambærilegur og hann
hefur verið,“ segir hann.
„Þetta kallar á það að menn séu
alltaf á tánum og reiðubúnir að
takast á við nýjar áskoranir hvar
svo sem þær kunna að felast, hvort
sem það er í framþróun veiða og
vinnslu eða uppbyggingu vísinda
og þekkingar. Við eigum sem betur
fer, á öllum þessum sviðum, mjög
hæft fólk sem í mörgum efnum
vinnur algjörlega frábært starf,
bæði til sjós og lands.“
Engin ástæða til að hvika frá
Ráðgjöf Hafrannsóknastofnunar
um aflaheimildir nýhafins fisk-
veiðiárs var ekki langan tíma á
borði ráðherrans áður en hann af-
greiddi hana án breytinga. Spurður
hvort til greina hafi komið að víkja
frá ráðgjöfinni segir hann að það
komi alltaf til greina hverju sinni.
„En þessi ráðgjöf er mjög vel
rökstudd og við höfum fylgt ráðum
okkar færasta fólks á þessu sviði í
nokkuð langan tíma. Við gefum
okkur út fyrir það að nýta með
sjálfbærum hætti fiskistofnana í
hafinu í kringum landið og sú
stefna sem við höfum haft hefur
skilað okkur á þann stað sem við
erum á í dag. Ég sé því enga
ástæðu til að hvika nokkuð frá
henni.“
Strandveiðarnar gengið vel
Fyrirkomulagi strandveiða var
breytt töluvert með lögum frá Al-
þingi í vor, þar sem öllum bátum á
strandveiðum voru heimilaðir tólf
dagar til veiða í maí, júní, júlí og
ágúst. Þó var ráðherra fengin
heimild til að stöðva veiðar ef sýnt
þætti að heildarafli færi umfram
það sem ætlað væri til strandveiða
á árinu. Svo fór ekki að þessu sinni.
Einnig var í frumvarpinu ákvæði
sem heimilað hefur strand-
veiðibátum að landa ufsa án þess
að hann teljist til viðmiðunar í há-
marksafla til strandveiða.
Kristján segir breytingarnar
hafa reynst vel, þrátt fyrir
óánægjuraddir í vor. „Veiðarnar
virðast hafa gengið ágætlega og
flestum þeim markmiðum, sem fólk
setti sér við gerð þessara breyt-
inga, virðist hafa verið náð,“ segir
hann og bætir við að sér sýnist sem
aflamagnið á svæðunum fjórum
hafi dugað til að flestir bátar hafi
náð sínum tólf dögum. „Það ættu
flestir að geta unað við þessa
stöðu.“
Í vetur hefst undirbúningsvinna
við nýja löggjöf um strandveið-
arnar, að fenginni reynslu þessa
bráðabirgðaákvæðis í sumar. „Þá
horfum við til reynslunnar í ár og
komum fram með á næsta vori nýtt
frumvarp um framhald strand-
veiða,“ segir Kristján en aðspurður
segir hann engar aðrar sérstakar
breytingar fyrirhugaðar að sinni.
„En gert er ráð fyrir því í stjórn-
arsáttmálanum að við förum yfir
þennan þátt fiskveiðistjórn-
unarkerfisins, sem snýr að pott-
unum svokölluðu, og ég hyggst
leggjast í þá vinnu í vetur.“
Endurspegli ekki afkomuna
Frumvarp atvinnuveganefndar Al-
þingis, um endurútreikning veiði-
gjalda hjá litlum og meðalstórum
útgerðum, varð ekki að lögum í vor
eftir töluverðan vandræðagang á
þinginu. Spurður hvort frumvarpið
verði sett aftur á dagskrá í haust
segist Kristján heldur ætla að
leggja fram frumvarp að nýjum
heildarlögum um veiðigjöld
„Við smíðina á því frumvarpi
hyggst ég meðal annars taka mið
af þeim athugasemdum sem fram
komu við frumvarp atvinnuvega-
nefndar, og þeim sjónarmiðum sem
þar komu fram. Vissulega voru það
ákveðin vonbrigði að ná ekki sam-
komulagi um breytingar á veiði-
gjöldunum í vor, þar sem vísbend-
ingar eru um það að kerfið í
núverandi mynd endurspegli ekki
nægilega vel afkomu grein-
arinnar,“ segir Kristján.
Samfélagssátt
um veiðigjöldin
„En það breytir því ekki að kerfið
var sett á og við þurfum að vinna
samkvæmt því þangað til því verð-
Hyggur á nýtt frumvarp um veiðigjöld
Von er á nýju frumvarpi
að heildarlögum um
veiðigjöld að sögn sjáv-
arútvegsráðherra sem
gerir upp stöðuna í ís-
lenskum sjávarútvegi í
samtali við 200 mílur.
Hann segist hafa búist
við uppbyggilegri við-
brögðum við drögum að
frumvarpi um hert eft-
irlit með veiðum.
Ljósmynd/Þröstur Njálsson
Framfarir „Geta fólksins til að
búa til verðmæti vex ár frá ári og
það er ákaflega gleðilegt.“
Leyfilegur heildarafli (tonn)
Heimild: Hafrannsóknastofnun
Tegund 2018–19 2017–18 2016–17
Þorskur 262.000 257.600 244.000
Ýsa 56.700 41.400 34.600
Ufsi 79.092 60.200 55.000
Gullkarfi 39.240 50.800 52.800
Litli karfi 1.500 1.500 1.500
Djúpkarfi 13.012 11.800 12.900
Grálúða 13.271 24.000 24.000
Skarkoli 7.132 7.100 7.300
Sandkoli 500 500 500
Langlúra 1.100 1.100 1.100
Þykkvalúra/sólkoli 1.565 1.300 1.100
Steinbítur 9.020 8.500 8.800
Blálanga 1.520 1.900 2.000
Langa 5.200 8.600 9.300
Keila 3.100 4.400 3.800
Gulllax 7.603 9.300 7.900
Skötuselur 722 900 700
Ísl. sumargotssíld 35.186 38.700 63.000
Morgunblaðið/Kristinn Magnússon
Kerfi „Við gefum okkur út fyrir það að
nýta með sjálfbærum hætti fiskistofnana í
hafinu í kringum landið og sú stefna sem
við höfum haft hefur skilað okkur á þann
stað sem við erum á í dag,“ segir Kristján
Þór Júlíusson.
4 MORGUNBLAÐIÐ LAUGARDAGUR 1. SEPTEMBER 2018
ÁRAMÓT Í SJÁVARÚTVEGI