Morgunblaðið - 01.09.2018, Blaðsíða 42

42 MORGUNBLAÐIÐ LAUGARDAGUR 1. SEPTEMBER 2018
Ásgeir Ingvarsson
ai@mbl.is
E
ftir að hafa siglt yfir hálfan
hnöttinn frá skipa-
smíðastöð í Kína kom
Breki VE til heimahafnar í
Vestmannaeyjum í maí síð-
astliðnum. Þá hófst vinna við að inn-
rétta millidekkið með vinnslubúnaði
frá vélaverkstæðinu Þór og Skag-
anum 3X og hélt Breki fyrst til veiða
24. júlí.
Breki kom í stað Jóns Vídalíns VE
og Gullbergs VE í flota Vinnslu-
stöðvarinnar. Jón Vídalín var seldur
til Írans fyrir nokkru og Gullberg til
Noregs í fyrra.
Guðni Ingvar Guðnason, umsjón-
armaður viðhalds fasteigna og skipa
Vinnslustöðvarinnar, segir að fyrstu
túrarnir hafi gengið vonum framar.
„Alltaf má reikna með því að eitt-
hvað komi upp á sem taki tíma að
bregðast við þegar nýtt skip er tekið
í notkun. Þar gilda önnur lögmál en
á skipi sem komin er reynsla á og
menn þekkja. Með Breka hafa slíkar
truflanir verið í algjöru lágmarki og
ekkert komið upp á sem haldið hefur
skipinu frá veiðum.“
100 kör á einni vakt
Áhöfnin lætur vel af Breka, enda
þykir skipið hafa góða sjóhæfni og
vel fer um mannskapinn, að sögn
Guðna: „Allur aðbúnaður er mjög
góður, hver maður í áhöfn hefur eig-
in klefa með sturtu og salerni og öll
vinnuaðstaða er eins og best verður
á kosið. Vinnslubúnaðurinn um borð
er afar fullkominn og afkastamikill.
Þannig tókst til dæmis í síðasta túr
að taka 100 kör af karfa niður í lest á
einni 8 klukkustunda vakt, sem telj-
ast mikil afköst.“
Guðni segir rekstur Breka ganga
vel og að skipið brenni minni olíu og
nýtir orkuna mun betur en stjórn-
endur útgerðarinnar þorðu að vona.
Breki og systurskipið Páll Pálsson
ÍS eru með óvenjustóra skrúfu, 4,7
metra í þvermál, sem snýst hægt en
skilar miklum togkrafti.
„Það var einfaldlega rökrétt
ákvörðun að hafa skrúfuna stóra,
enda alkunna að eftir því sem skrúf-
an er stærri, þeim mun færri hestöfl
þarf til að ná ákveðnum togkrafti.
Svo verður skrokkslag skipsins auð-
vitað að taka mið af stærð skrúf-
unnar.“
Gott eftirlit með smíðinni
Guðni segir að útgerðir Breka VE
og Páls Pálssonar ÍS hafi skipulagt
mjög öflugt eftirlit með skipasmíð-
unum í Kína frá upphafi til enda. Það
hafi heldur betur skilað sér.
„Við störfuðum náið með Hrað-
frystihúsinu Gunnvöru, eiganda Páls
Pálssonar ÍS, og réðum Finn Krist-
insson sem yfireftirlitsmann verk-
efnisins. Hann er gamalreyndur tog-
arakarl, með langan feril sem
yfirvélstjóri og hefur verið til sjós á
togurum alla sína tíð. Finnur veit ná-
kvæmlega hvernig hlutirnir eiga að
vera og fylgdi því eftir af röggsemi
að Kínverjar skiluðu verkum eins og
um var samið. Svo héldu vélstjórar
beggja útgerða til Kína þegar byrjað
var að koma fyrir vélbúnaði skip-
anna. Skipstjóri og stýrimaður
Breka voru sömuleiðis á vettvangi
síðasta árið.“
Guðni segir reyndar eiga við um
skipasmíðaverkefni yfirleitt að það
borgi sig að hafa góðar gætur á öll-
um þáttum í framkvæmdaferlinu:
„Eftir því sem eftirlitið er meira og
nákvæmara, því betra verður skipið.
Þetta gildir alls staðar, og kannski
enn frekar í Kína en víða annars
staðar vegna ákveðins hugs-
unarháttar sem stafar af stjórn-
skipulaginu þar í landi.“
Finnur Kristinsson var í Kína í
rösklega þrjú ár og hafði með sér
eiginkonu sína, Guðbjörgu Ólafs-
dóttur, en Rúnar Bogason starfaði
líka með honum í framkvæmdaeft-
irlitinu ytra allan tímann. „Þau þrjú
voru ómetanlegar hjálparhellur okk-
ar í verkefninu, það var auk þess
alltaf notalegt að koma til Kína á
framkvæmdatímanum og hitta fyrir
þessa landa okkar sem gegndu þar
sendiráðshlutverki fyrir Hraðfrysti-
húsið Gunnvöru og Vinnslustöðina,“
segir Guðni.
Truflanir hafa verið í algjöru lágmarki
Öflugt eftirlit var með
smíði Breka VE og Páls
Pálssonar ÍS austur í
Kína og virðist það hafa
skilað sér í mjög litlum
byrjunarörðugleikum við
veiðar. Risastór skrúfan
hefur sannað gildi sitt
og er olíunotkun minni
en stjórnendur höfðu
þorað að vona.
Aðhald Á meðan á smíði Breka og systurskipsins stóð, austur í Kína, hafði Finnur Kristinsson eftirlit með smíðinni og bjó þar í landi í þrjú ár með konu sinni. Saman voru þau ígildi sendiráðs fyrir útgerðirnar.
Yfirsýn Skipstjórinn er umkringdur stórum upplýsingaskjám í brúnni.
Fjársjóður Netin dregin um borð, sneisafull af fiski sem verka þarf með hraði.
Ró Gott er að hvílast í hægindastól, fyrir og eftir átökin enda vinnan slítandi.
Næring Gott pláss er fyrir áhafnarmeðlimi til að setjast og fá sér snæðing.