Morgunblaðið - 01.09.2018, Side 51

LAUGARDAGUR 1. SEPTEMBER 2018 MORGUNBLAÐIÐ 51
Eitt sinn þegar Drangey var að leggja úr
höfn á Króknum kom upp bilun í olíu-
verki aðalvélarinnar. Það var rifið úr í
hvelli og farið með það inn á vélaverk-
stæði Kaupfélags Skagfirðinga. Valli
Jóns vélvirki rauk í verkið og vann
hratt. Var hann niðursokkinn í vinnu
sína og hélt stilliskrúfu einni á milli var-
anna. Þá kom verkstjórinn aftan að
honum, klappaði á öxl hans og spurði:
„Hvernig gengur, Valli minn?“
Valla dauðbrá og hrökk hann í kút
með þeim afleiðingum að stilliskrúfan
hrökk ofan í hann og varð Drangeyjan
að fresta veiðiferðinni um einhverja
daga, eða þar til skrúfan skilaði sér nið-
ur af honum!
Afdrifarík
bilun
Gísli Bergs, lengi útgerðarmaður í Nes-
kaupstað, var einn þeirra sem notuðu
aldrei númer þegar þeir hringdu innan-
bæjar. Hann þurfti auðvitað stundum
að hringja heim til sín og sagði þá
gjarnan við talsímastúlkuna:
„Heyrðu, gæskan, viltu gefa mér
samband við sjálfan mig – heima hjá
mér.“
Notaði
aldrei númer
Kristján Mikkelsen hitti um árið sjó-
manninn Leif Þormóðsson – Leibba
Manna – í Hótelteríunni á Húsavík. Að
venju var spurt um aflabrögð og Leibbi
sagði að þeir væru komnir með um 100
tonn.
„Og er það brúttó eða nettó?“ spurði
Mikkelsen.
„Hvorugt,“ svaraði Leibbi. „Þetta er
mestan part ufsi.“
Brúttó eða
nettó?
Morgunblaðið/Ólafur K. Magnússon
Silfur Bátar í Reykjavíkurhöfn smekkfullir af síld. Í kringum síldveiðarnar hafa spunnist margar góðar sögur sem gerðust bæði úti á sjó og í landi.
Þeir bræður Ragnar og Gunnar Helga-
synir, kenndir við Kamb, reru á báti sín-
um Hjalta í fjölda ára frá Siglufirði.
Einu sinni sem oftar voru þeir við
veiðar á Héðinsfirði og gekk mikið á því
báðir bræðurnir féllu fyrir borð í þess-
um túr, þó ekki samtímis, og tókst þeim
að bjarga hvor öðrum úr sjónum.
Þegar bræðurnir sigla Hjalta fyrir
Siglunesið á heimleiðinni og bærinn
þeirra blasir við segir Ragnar við bróð-
ur sinn:
„Hvað heldur þú að mamma hefði
sagt ef Hjalti hefði komið einn til
baka?“
Féllu báðir
fyrir borð
Oddur spekingur Helgason, ættfræðingur og lengi sjómað-
ur, hefur orðið:
Eitt sinn réði ég mig á Narfa RE 13 sem vanan neta-
mann. Ekki var hæfni mín á þessu sviði þó alveg í takt við
sannleikann – kannski ekki svo ýkja langt frá honum samt
– en mig bráðvantaði vinnu og Óli Koll, loftskeytamaður á
skipinu, studdi frásögn mína.
Svo gerðist það í fyrsta túrnum að trollið kom upp rifið.
Helgi skipstjóri taldi sig heppinn að hafa svona vanan
netamann um borð, en einmitt þegar til átti að taka kom
á mig hik, enda vissi ég ekkert hvernig ætti að lagfæra
þetta.
„Hvað er þetta, maður, vannstu ekki á netaverkstæði?“
kallaði skipstjórinn þá reiðilega til mín.
„Jú,“ svaraði ég og það var alveg sannleikanum sam-
kvæmt.
„Hvað gerðirðu eiginlega þar?“ kallaði skipstjórinn á ný.
„Ég ... ég var sendill.“
Vanur á verkstæðinu
Fengur Aflinn úr veiðitúr Þrastar RE 64 borinn að bryggju. Margt hefur breyst síðan þessi mynd var tekin.
Fjölbreytt úrval af gæða viftum frá Vent-Axia fyrir eldhúsið, baðherbergið, skrifstofuna,
verkstæðið eða hesthúsið. Við aðstoðum ykkur við rétta valið.
Lo-Carbon Silhouette 125 Centrif-duo Silent
12in Wall fan Hi-line Sabre Plate
DALVEGI 10-14 | 201 KÓPAVOGI | SÍMI 540 7000 | FALKINN.IS
Hreint loft og vellíðan
Það borgar sig að nota það besta
VENT–AXIA VIFTUR