Morgunblaðið - 15.11.2018, Síða 33

FRÉTTIR 33Innlent
MORGUNBLAÐIÐ FIMMTUDAGUR 15. NÓVEMBER 2018
Bókið skoðunarferð til Spánar eða viðtal
í síma 699 3665 eða birna@euromarina.es
www.euromarina.com/is
Einkaviðtöl á Fasteignasölu Reykjavíkur
FASTEIGNIR
ALLT SEM ÞÚ ÞARFT AÐ VITA UM FASTEIGNAKAUP Á SPÁNI
Kynningarfundur á Nauthóli í Nauthólsvík 17. og 18. nóvember
Laugardag 17. nóvember kl.11-18 Sunnudag 18. nóvember kl.12-18
Helgi Bjarnason
helgi@mbl.is
Björgun mun nota öll sín stærri
tæki til dýpkunar í Landeyjahöfn
þegar dýpi verður ekki nægilegt
til siglinga, þegar samningur fyr-
irtækisins við Vegagerðina tekur
gildi í byrjun nýs árs. Það eru
dæluskipið Dísa, efnisflutninga-
pramminn Pétur mikli og gröfu-
pramminn Reynir. Einnig stóra
sanddæluskipið Sóley. Þessi tæki
verða aðallega notuð á vorin, þeg-
ar hreinsa þarf til eftir vetrarveðr-
in, samkvæmt upplýsingum Vega-
gerðarinnar.
Björgun átti langlægsta tilboð í
dýpkun í og við Landeyjahöfn
næstu þrjú árin í útboði Vegagerð-
arinnar sem lauk í lok september.
Eftir samanburð og mat á tilboð-
um ákvað Vegagerðin að ganga til
samninga við Björgun og hefur nú
verið skrifað undir.
Mat á tækjum og verði
Við mat á tilboðum þurfti að
taka tillit til verðs og tækjabún-
aðar bjóðenda. Óskir komu úr
Vestmannaeyjum að horft yrði til
núverandi verktaka sem þykir
hafa staðið sig vel.
Samkvæmt upplýsingum Vega-
gerðarinnar var tækjabúnaður
belgíska fyrirtækisins Jan De Nul,
sem nú annast dýpkun í Landeyja-
höfn með skipinu Galilei 2000,
metinn betri en Björgunar en það
dugði ekki til að vega á móti þeim
mikla mun sem er á verði. Vega-
gerðin telur einnig að Björgun hafi
sýnt að fyrirtækið geti dýpkað við
erfiðari aðstæður. Þá sýni reynsl-
an frá því Björgun var með verkið
á sínum tíma að höfnin var opnuð
á svipuðum tíma og hjá Belgunum.
Miðað er við að um 300 þúsund
rúmmetrum af sandi verði dælt á
hverju ári. Það er minna en nú er
gert.
Morgunblaðið/Styrmir Kári
Landeyjahöfn Sanddæluskipið Dísa, áður Skandia, hefur fimm ára reynslu af dælingu í og við Landeyjahöfn.
Björgun notar allan
flotann í Landeyjahöfn
 Björgun með langlægsta tilboð  Belgarnir með betri tæki
Leiguíbúðum á vegum sveitarfélaga
fjölgaði um 13,6% í Reykjavík og
10% í Kraganum svonefnda á ára-
bilinu 2012-2017 en fækkaði annars
á landsbyggðinni nema á Norður-
landi eystra, samkvæmt niður-
stöðum könnunar Varasjóðs hús-
næðismála á stöðu leiguíbúða sem
sveitarfélögin reka.
Svör bárust frá 44 sveitarfélögum
af 74, en í sveitarfélögunum 44 búa
tæp 90% landsmanna. Fram kemur í
skýrslunni að mest hafi leiguíbúðum
fækkað á þessu tímabili á Vest-
fjörðum eða um 26,1%, á Norður-
landi vestra um 12,5%, og 11,3% á
Austurlandi.
Umsækjendur á biðlistum sveitar-
félaganna við árslok 2017 voru sam-
tals 1.638 og er það svipuð tala og
verið hefur undanfarin ár. Umsækj-
endur eru flestir í fjölmennustu
sveitarfélögunum, Reykjavík, Hafn-
arfjarðarkaupstað, Kópavogsbæ,
Akureyrarkaupstað og Reykja-
nesbæ. Biðtími var lengstur hjá
Sveitarfélaginu Ölfusi eða 48 mán-
uðir, þá 38 mánuðir hjá Reykjavík-
urborg, 36 mánuðir hjá Reykja-
nesbæ og 29 mánuðir hjá
Kópavogsbæ.
Fram kemur í skýrslunni að vand-
kvæði vegna auðra íbúða innan
leiguíbúðakerfisins séu sem næst úr
sögunni. Á síðastliðnum áratug
höfðu um 150 íbúðir staðið auðar
lengur en sex mánuði en engin íbúð
við lok 2017. Aðeins fjórar íbúðir
voru auðar 2-6 mánuði.
Tíu sveitarfélög hafa uppi áform
um að fjölga leiguíbúðum sínum um
samtals 167 íbúðir. Mest munar um
124 íbúðir sem Reykjavíkurborg
hyggst byggja eða festa kaup á.
Fimm sveitarfélög hafa í hyggju að
taka í notkun 189 íbúðir á árunum
2018 og 2019. Þar vegur þyngst hlut-
ur Reykjavíkurborgar en reiknað er
með að 26 íbúðir verði teknar í notk-
un árið 2018 og 148 íbúðir árið 2019,
samtals 174 íbúðir.
Talsverð hækkun varð á leigu-
verði milli áranna 2016 og 2017.
Hæst er meðalleigan á höfuðborg-
arsvæðinu og innan þess var hún
hæst í Reykjavík, Seltjarnarnes-
kaupstað og Garðabæ.
Leiguíbúðum
fjölgar á suð-
vesturhorninu
 Fjölgunin nam 13,6% í Reykjavík
Morgunblaðið/Eggert
Íbúðir Tíu sveitarfélög áforma að
fjölga leiguíbúðum á næsta ári.