Morgunblaðið - Sunnudagur - 25.11.2018, Blaðsíða 22

Ninna Stefánsdóttir var að senda frásér fallega bók þar sem tekið er fyrirhandverkið macramé en bókin ber
nafnið Macramé – hnútar og hengi. Ljósmynd-
irnar tekur Íris Dögg Einarsdóttir, sem vill
svo til að er mágkona Ninnu. Í bókinni er farið
yfir undirstöðuhnúta í macramé og sýnt skref
fyrir skref hvernig hægt er að hnýta bæði
vegghengi og blómahengi. Salka gefur út.
„Ég er sjálf hissa á því að ég hafi farið þessa
leið. Ég hef aldrei talið mig vera handa-
vinnukonu. Í grunnskóla prjónaði ég of fast
eða of laust eða mér tókst ekki að klára verk-
efni sem tengdust handavinnu þannig að ég
var búin að afskrifa það að ég gæti unnið svona
handverk,“ segir Ninna og útskýrir hvernig
þetta byrjaði allt saman.
„Þegar við maðurinn minn keyptum okkar
fyrstu íbúð og fórum að gera hana upp, sá ég
fyrir mér svona bóhem svefnherbergi með fal-
legu vegghengi fyrir ofan rúmið. Ég fór að
skoða þetta á Etsy og á fleiri stöðum á netinu
en þetta var allt svolítið dýrt fyrir okkur þar
sem við vorum nýbúin að kaupa íbúð og bæði í
námi,“ segir Ninna sem hugsaði með sér að
hún yrði bara að prófa að gera þetta sjálf.
„Ég ákvað bara að slá til og fór og keypti
mér eitthvert mjög gróft hampgarn og lykla-
kippuhringi og byrjaði að æfa mig. Svo varð
ekkert aftur snúið. Áður en ég vissi af var ég
komin með sigg á alla putta og búin að hnýta
ótrúlega mikið,“ segir hún.
„Ég gerði þetta á kvöldin þegar fjölskyldan
var farin að sofa og var alltaf inni í þvottahúsi
svo ég myndi ekki vekja neinn. Við vorum ekki
búin að setja opnanlegt fag á gluggann svo ég
þurfti að fara út úr þvottahúsinu reglulega til
að fá mér frískt loft,“ rifjar hún upp.
Margt hefur breyst síðan þá. „Það er skrýtið
að hugsa til þess að þetta var fyrir rúmlega
tveimur árum og svo í dag heldur maður á bók
og er búin að vera að kenna þetta á nám-
skeiðum. Þetta er búið að vera skemmtilegt
ferðalag,“ segir Ninna, sem nú er með vefsíðuna
marr.is þar sem hún selur vörur til macramé-
gerðar og hengi sem hún hefur gert en til við-
bótar stendur hún reglulega fyrir námskeiðum
Allir geta náð tökum á þessu
Hún segir að það geti allir náð tökum á þessari
handavinnu.
„Ég er búin að fá bæði krakka og eldri borg-
ara til mín á námskeið og það virðast allir geta
náð tökum á þessu. Ég held að ég hafi bara einu
sinni lent í því að þátttakandi náði ekki grunn-
hnútnum. Mér finnst alltaf gaman að segja frá
því að hann gerði samt fallegasta blómahengið.
Ég sé það ennþá fyrir mér í dag. Það eru engar
reglur, þú gerir bara það sem þú vilt. Þú lærir
grunnatriðin en þarft svo að nýta hugmynda-
flugið. Ég held að það hafi verið það sem
kveikti áhuga minn, að ég þurfti ekki að vera að
fara eftir uppskriftum heldur gat ég verið að
búa til mitt eigið,“ segir Ninna en reynsla henn-
ar frá námskeiðunum nýttist vel við bókaskrif-
in. Til viðbótar við kennslu í undirstöðuhnútum
eru í bókinni fjórar uppskriftir en líka
skemmtilegur hugmyndakafli auk upplýsinga
um praktíska hluti á borð við litun og efnisval.
Macramé helst í hendur við tískubylgju með
áhrifum frá áttunda áratug síðustu aldar í
tísku og hönnun og kallast á við notkun nátt-
úruefna og pottaplantna í innanhúshönnun.
Hún segir að macramé hafi breyst frá þess-
um tíma. „Það var mikið verið að nota þessi
hampefni, jútu, brúna, grófa kaðla og pólýes-
ter en núna er miklu meira um hráa bómull,
snúna bómull og lífræn efni.“
Ninna fór sjálf að flytja inn efnivið til lands-
ins því henni gekk illa að finna það sem hana
vantaði til hnútagerðar. „Ég komst í samband
við pólska framleiðendur sem heita Bobbiny
og er umboðsaðili fyrir þá hér á landi. Þeir eru
með 100% bómull og með vottun þannig að það
eru engin kemísk efni notuð í framleiðslunni,“
segir Ninna en vörurnar fást líka í Litlu hönn-
unarbúðinni í Hafnarfirði en þar heldur hún
jafnan námskeiðin sín.
En hvað skyldi Ninnu sjálfri finnast
skemmtilegast að gera? Hún segir að það fari
aðeins eftir efnisvali en henni finnist þó vegg-
hengin skemmtilegust. „Þegar ég hef tíma til
að nota léttsnúna bómull þá finnst mér mjög
skemmtilegt að gera vegghengi úr henni,“ seg-
ir Ninna en þó að efniviðurinn komi í mörgum
litum notar hún sjálf mest náttúrulit.
Það þarf ekki mikið til að byrja að hnýta.
„Þú getur hnýtt blómahengi án þess að hafa
neitt annað en efnið, og náttúrlega skæri! En
ef þú gerir vegghengi þarftu að hafa við-
arstöng eða trjágrein eða það sem þú átt til.
Svo er alltaf gaman að geta sett inn viðarkúlur
eða einhvers konar skraut.“
Sjálf notar hún oft fataslá þegar hún er að
hnýta. „Það er jafnvel hægt að fá þær upp-
hækkanlegar svo þú getur hækkað hana eftir
því hvar þú ert staðsett í verkinu,“ segir hún
og er þetta gert til hagræðingar við vinnuna.
Skapandi hand-
verk sem fegrar
Ninna Stefánsdóttir byrjaði að gera macramé þegar hana lang-
aði í vegghengi í svefnherbergið. Mikið vatn hefur runnið til
sjávar síðan hún fór að hnýta í þvottahúsinu heima hjá sér á
kvöldin fyrir tveimur árum en hún kennir nú þetta gamla
handverk á námskeiðum og var að senda frá sér bók.
Inga Rún Sigurðardóttir ingarun@mbl.is
Óvenjulegt hengi úr
hugmyndakaflanum.
Ninna notar oft fataslá þegar hún er
að hnýta til hagræðingar við vinnuna
en hægt er að fá upphækkanlegar slár.
22 MORGUNBLAÐIÐ SUNNUDAGUR 25.11. 2018
HÖNNUN OG TÍSKA