Morgunblaðið - 06.12.2018, Qupperneq 35

ákveðið. Ólafur var voðalega yndis-
legur karl.“
Á tímabili hætti Raggi að syngja.
„Ég vildi gera eitthvað annað,
byrjaði með bílasölu og svo stofn-
uðum við RB-bílaleiguna. Helle
keyrði á eftir mér í mörg ár eða
þar til við seldum leiguna og ég
byrjaði aftur að syngja fyrir um 15
árum,“ segir hann. Minningin kall-
ar fram mikinn hlátur hjá þeim
báðum. „Við vorum með 34 bíla og
við fengum alla sem við þekktum,
allar stórstjörnurnar, til að þvo og
sækja þá hingað og þangað, menn
eins og Hemma Gunn og Ómar
Ragnars, Ástvald, píanóleikara og
frænda Þorgeirs Ástvalds, og ég
veit ekki hvern. Menn voru doblað-
ir vinstri, hægri. Þetta voru
skemmtilegir tímar en bílaleigan
gaf ekki mikið í aðra hönd, þrátt
fyrir mikla vinnu.“
Merkilegasta fyrirbrigðið
Þorgeir og Raggi hafa skemmt
saman um árabil, fyrst með Sumar-
gleðinni og tveir saman síðan
Raggi varð 70 ára. „Við förum um
allar trissur. Bara hringja, þá kom-
um við, eins og Silli og Valdi sögðu.
Einu sinni vorum við beðnir um að
syngja fyrir deyjandi konu á Borg-
arspítalanum. Við sungum fyrir
hana inni á stofu og uppfylltum
þannig hennar hinstu ósk.“
Raggi hefur „messað“ með Þor-
geiri og sr. Eðvarð Ingólfssyni í
Akraneskirkju 11 ár í röð. Eðvarð
hefur skiplagt söngmessuna og sú
næsta og hugsanlega sú síðasta
verður 10. febrúar nk. „Þetta hefur
verið mjög gaman og Eðvarð er al-
veg yndislegur.“
Raggi kom svokallaðri Sumar-
gleði á koppinn, hún sló í gegn og
gekk í 15 sumur.
„Sumargleðin er merkilegasta
fyrirbrigði sem hefur verið á Ís-
landi,“ segir Raggi. „Hvenær lauk
henni aftur?“ „Sumargleðin hætti
85,“ svarar Helle af öryggi. Hún
byrjaði með Hljómsveit Ragga
Bjarna og Ómari Ragnars, síðan
bættist Karl Einarsson eftirherma
við og svo fjölgaði í hópnum á
hverju sumri, þar til 14 manns voru
á sviðinu. „Ómar var algjör bjarg-
vættur og flugvélin hans kom sér
oft vel,“ segir Raggi. „Meðal ann-
ars komum við manni undir lækn-
ishendur á síðustu stundu, þökk sé
Ómari og Frúnni. Hann var stund-
um seinn af því hann var upptek-
inn í fréttatíma Sjónvarpsins en þá
var honum bara betur fagnað þeg-
ar hann kom.“
Raggi segir að skemmtunin hafi
verið mjög afslöppuð. „Þegar ég
réð Hemma vin minn Gunn, spurði
hann hvað hann ætti að gera. Það
veit ég ekki, svaraði ég. „Heitirðu
ekki Hermann Gunnarsson, get-
urðu ekki gert eitthvað, búið til
þætti, kallað fólk upp á svið?“
Sama var með Magga Ólafs, sem
var að leika Þorlák þreytta í Kópa-
vogsbíói. Farðu bara í slopp og
geispaðu, sagði ég við hann, þegar
hann kom til mín.“
Raggi segir að Sumargleðin hafi
verið óhemju vinsæl. „Það eru til
upptökur frá henni og það væri
gaman að rifja upp þessa hátíð
með sýningum frá henni í sjón-
varpi. Af nógu er að taka.“
Skemmtunina hugsaði Raggi
fyrir landsbyggðina, tveggja tíma
skemmtun og dansleikur á eftir.
„Við skemmtum meira að segja
fyrir fámennið í Hrísey og var
boðið í hangikjöt á eftir. Þá stakk
Stefán Jóhannsson, trommari hjá
mér, upp á því að við skemmtum í
Reykjavík. Ég tók hann á orðinu
og það varð allt geggjað þegar við
komum hingað, allt sprakk í loft
upp. Við skemmtum fram að jólum
ár eftir ár. Sumargleði í desember.
Hugsaðu þér!“
Ragga Bjarna
Morgunblaðið/RAX
Samhent hjón Raggi man ekki allt og þá kemur Helle, tölvan hans Ragga, eins og sonur þeirra segir, til sögunnar,
FRÉTTIR 35Innlent
MORGUNBLAÐIÐ FIMMTUDAGUR 6. DESEMBER 2018
Bláu húsin v/Faxafen • Sími 553 7355 • www.selena.is
Opið alla daga til jóla