Dagblaðið Vísir - DV - 09.08.2019, Blaðsíða 4

4 FRÉTTIR

9. ágúst 2019
Svarthöfði
Það er
staðreynd að…
Ef þú þjáist af dentófóbíu stendur þér
stuggur af tannlæknum.
Að meðaltali gleypir hver manneskja
þrjár köngulær á ári.
Það eru til fleiri en þrjátíu þúsund
tegundir af rósum.
Moskítóflugur eru með 47 tennur.
Japanski þjóðsöngurinn er elsti
þjóðsöngur í heimi.
Hver er
hún?
n Hún er fædd árið
1957.
n Hún stundaði nám
við Laugalækjarskóla
og Verzló.
n Eftir menntaskólaárin gerðist
hún flugfreyja.
n Hún hefur sungið í kántríhljóm-
sveit og fjórum sinnum tekið þátt
í undankeppni íslensku söngva-
keppninnar.
n Hún er þekkt fyrir ýmis barna- og
jólalög.
SVAR: HELGA MÖLLER
Svarthöfða hreinlega leiðist
fordómafólk, þótt hann vilji taka
sér það bessaleyfi að segjast vera
sjálfur með grimma fordóma
gagnvart fordómafólki. Hann er
hreinlega kominn með upp í kok
af fólki sem misbýður LGBT+
samfélagið og líferni þess.
Trans- eða hómófóbískt
fólk finnst víða og finnst mörg-
um hreinn viðbjóður að hugsa
til kynleiðréttinga eða sam-
ræðis samkynhneigðra – svo
mikið að enn eru óskiljanlega
framdir glæpir gegn hópum að
tilefnislausu árið 2019!
Þarna vaknar eingöngu upp sú
gamla spurning: Hvern er verið
að særa? Hvernig hefur það áhrif
á þinn dag, þinn heimavöll eða
þína tilvist?
Tökum Rússland sem dæmi.
Það var ekki fyrr en árið 1993 að
samkynhneigð var afglæpavædd
þar, en ofsóknir gegn hópum eru
enn afar ríkjandi og fordómar
gríðarlegir. Þú kennir auðvitað
ekki gömlum hundi að sitja, en
ef þú getur ekki kennt honum að
halda kjafti, þarf þá því miður að
svæfa hann.
Svarthöfði leyfir að vísu ekki
kyni að skilgreina sig, en á móti
er hann í engri aðstöðu til þess að
setja út á hátterni annarra þegar
hann er sjálfur umlukinn svörtum
glansfatnaði af lífsnauðsyn og
hrukkótt, miðaldra mannfýla
undir yfirborðinu. En hann þekk-
ir sínar mannfýlur úr fjarska og
veit vel hvenær sótt er í að dreifa
hatri og bulli og afsaka það sem
leið til að hlífa börnunum und-
an einhverju meintu afbrigðilegu
„normi“ í samfélaginu. Börnin
okkar verða alltaf betri en við
sjálf og umburðarlyndi skiptir
ætíð meira máli heldur en
vafasöm gildi eldri kynslóða
sem þola hvorki samkynhneigð
né breytilegar skilgreiningar á
kynjum.
Svarthöfði lifir eingöngu eftir
þeirri lífsreglu að aðrir megi gera
nákvæmlega það sem þeir vilja,
svo framarlega sem þeir skaða
ekki Svarthöfða á neinn máta.
Aðeins ein undantekning verður
til úr þessari reglu og það er þegar
floti uppreisnarmanna reynir að
velta nústandandi valdapýramída
um koll eða reynir að eyðileggja
allt það flotta dót sem Svarthöfði
á. Þetta er að vísu meira prinsipp
heldur en undantekning.
Félagslegu „normin“ sem
öfgakennda fordómafólkið
básúnar hljómar í eyrum
Svarthöfða eins og meiri fantasía
en nokkurn tímann Mátturinn
eða loðbangsar á tveimur fótum.
Í því samhengi eigum við einmitt
að taka öllum bangsasamfélög-
um opnum örmum, ekki skjóta
þau niður. Svarthöfði var ekki á
þessari skoðun fyrir nokkrum
áratugum, en heilabúið breytt-
ist. Hann er gamli hundurinn
sem breytti sínum brögðum, þótt
hann eigi enn eftir að læra það
trix að sitja á skoðunum mínum.
Svarthöfði verður nefnilega
alltaf svolítið argur á Hinsegin
dögum, ekki síður þegar illa
gengur hjá náunganum að vera
hýr í garð annarra.
Argur á Hinsegin dögum
H
insegin dagar standa nú
yfir í Reykjavík en hátíðin
fagnar 20 ára afmæli í
ár. Að venju boðið upp á
fjölda viðburða í boði á hverjum
degi. Hápunkturinn er að sjálf-
sögðu Gleðigangan fræga og úti-
hátíð sem fer fram laugardaginn
17.ágúst næstkomandi.
Hátíðin var sett í gær þegar mál-
aðar vori gleðirendur í miðborg
Reykjavíkur. Regnbogi Hinsegin
daga er að þessu sinni málaður á
Klapparstíg á milli Laugavegar og
Grettisgötu. Sá hluti Klapparstígs
verður göngugata meðan á hátíð-
inni stendur og mun auk þess að
fá hið nýja nafn Gleðigata.
Með því að mála regnboga á
þennan hluta Klapparstígs fær
eitt hýrasta svæði borgarinnar
loks verðskuldaðan regnboga
en hinsegin næturlíf á sér ríflega
30 ára sögu á Laugavegi 22, sem
stendur á horni Laugavegar og
Klapparstígs.
Gunnlaugur Bragi Björnsson,
formaður Hinsegin daga, og Dag-
ur B. Eggertsson borgarstjóri
ávörpuðu setningargesti áður
en málningarvinnan hófst. Ljós-
myndari DV var á staðnum þegar
setningarhöfnin fór fram í gær og
fangaði stemninguna.
Upplýsingar um Hinsegin daga
og viðburði næstu daga má finna á
hinsegindagar.is. n
Myndir: Eyþór Árnason