Dagblaðið Vísir - DV - 09.08.2019, Blaðsíða 35

Dagblaðið Vísir - DV - 09.08.2019, Blaðsíða 35
KYNNING „Hverri kistu fylgir ákveðin tilfinning“ Litla trésmiðjan, líkkistu­vinnustofa og trésmiðja var stofnuð á Akureyri í janú­ ar árið 2010. Flestar kisturnar eru seldar í gegnum Útfarar­ stofu Kirkjugarða Akureyrar, en einnig selur Litla trésmiðjan út fyrir Akureyri. Fólk kemur til Litlu trésmiðjunnar til að skoða og segir eigandi hennar það alltaf góða tilfinningu. „Ég er aðallega að smíða lík­ kistur,“ segir Sigurður Óli Þórisson, trésmiður og eigandi Litlu trésmiðj­ unnar. „Einnig smíða ég glugga og opnanleg fög í eldra húsnæði og stundum hurðir. Svo eru húsgagna­ viðgerðir hluti af starfseminni, bæði á nýjum og svo eldri húsgögnum.“ Sigurður Óli flutti 17 ára til Akureyrar, lærði húsasmíði og fékk meistararéttindi og hefur unnið við trésmíðar meira og minna allt sitt líf, eins og hann segir sjálfur. Eftir hrun hannaði hann, ásamt Sæ­ mundi Friðfinnssyni, líkkistuna sem fyrst var framleidd hjá Tréborg á Akureyri. Árið 2010 ákvað Sigurður Óli að halda einn áfram með lík­ kistusmíðina og hefur hann starfað við það síðan. Umræðan um andlát orðin opnari frá því sem áður var „Það er opnari umræða í dag, andlát og útfarir voru lítið rædd á almannafæri áður fyrr. Nú er fólk opnara fyrir þessum hlutum. Það er betra að það sé þannig. Eftir fæðingu verður dauðinn ekki umf­ lúinn. Hins vegar eru endalokin ekki alltaf tímabær því miður.“ Íslensk hönnun smíðuð af kostgæfni Líkkisturnar eru aðallega smíð­ aðar úr MDF­plötum og spraut­ aðar hvítar. „Í gamla daga voru líkkisturnar svartar, þá voru þær bikaðar. Síðan urðu þær hvítar, en ég hef einnig sprautað þær í lit eftir óskum hverju sinni. Við hönnun fórum við aftur í tímann með form­ ið og fólki finnst vel hafa til tekist. Maður er ánægður og stoltur,“ seg­ ir Sigurður Óli. „Maður er einn að vinna við smíðina, þannig að hún er íslenskt handverk og hönnun, ekki verksmiðjuframleiðsla. Ég vinn hverja kistu alveg frá upphafi til enda, ég smíða krossa, alla fylgi­ hluti og bólstra kistuna. Gæða­ eftirlitið er þannig, að þegar ég er orðinn ánægður með handverkið má afhenda kistuna. Ein kista er gott dagsverk. Stærri kistur eru meiri vinna og því aðeins dýrari. Samt stenst Litla trésmiðjan allan verðsamanburð. Innflutningur er stærsti keppinauturinn.“ LITLA TRÉSMIÐJAN: Litla trésmiðjan er að Austursíðu 2, Akureyri. Síminn er 898-7686 og heimasíðan er kistur.is.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.