Morgunblaðið - 08.05.2019, Blaðsíða 11

FRÉTTIR 11Innlent
MORGUNBLAÐIÐ MIÐVIKUDAGUR 8. MAÍ 2019
Álfheimum 74, 104 Rvk, sími 568 5170
Verið velkomin• Kjólar
• Túnikur
• Skyrtur
• Jakkar
• Bolir
• Buxur
• Pils
• Vesti
• Peysur
NýttNýtt
Rósa Margrét Tryggvadóttir
rosamargrett@gmail.com
Tólf grunnskólar af öllu landinu keppa í úrslitum Skóla-
hreysti sem fer fram í Laugardalshöllinni í Reykjavík í
kvöld
„Við eigum von á hörkukeppni. Efstu skólarnir eru
svo jafnir. Í dag er farið að verða miklu meiri spurning
um það hver vinnur á endanum,“ segir Andrés Guð-
mundsson, sem hefur skipulagt keppnina frá upphafi, en
þetta er í fimmtánda sinn sem hún er haldin. Úrslitin
verða sýnd í beinni útsendingu á RÚV frá klukkan 20:00.
Liðsandinn skiptir máli
Andrés segir erfiðara að spá um úrslitin nú en oft
áður og spennan yfir keppninni í ár sé í takt við stemn-
inguna í fyrra þar sem ekki var hægt að segja fyrir um
sigurvegara. Segir hann að sá skóli sem hafi átt að vera
efstur þá samkvæmt spám hafi lent í sjötta sæti. „Þetta
er eins núna. Þetta er svo jafnt að það sem skiptir mestu
máli er eiginlega bara dagsformið á krökkunum, liðsand-
inn og hvernig þau ganga til leiks. Það er orðin svo mikil
spenna í þessu í dag,“ segir Andrés.
Hann segir að liðunum sé raðað í riðla eftir árangri.
„Liðin með sama árangur keppa saman. Þannig fáum við
jafnari keppni.“
Þeir tólf grunnskólar sem keppa í úrslitunum eru
Hvolsskóli, Laugalækjarskóli, Heiðarskóli, Grunnskóli
Húnaþings vestra, Grunnskóli Ísafjarðar, Lindaskóli,
Foldaskóli, Varmahlíðarskóli, Brekkuskóli, Grunnskóli
Reyðarfjarðar, Holtaskóli og Flóaskóli. Komust þeir í
úrslit af um hundrað skólum sem tóku þátt í Skóla-
hreysti í ár.
„Það sem einkennir hvert einasta ár er dugnaðurinn
í krökkunum. Þeir gefast aldrei upp og reyna sitt besta.
Það er það sem við erum svo stolt af,“ segir Andrés.
Ekki hægt að segja
fyrir um sigurvegara
Ljósmynd/Skólahreysti
Skólahreysti Keppendur fagna ásamt Andrési Guðmundssyni og Láru B. Helgadóttur sem halda keppnina.
 Tólf skólar keppa í úrslitum Skólahreysti í kvöld
Höskuldur Daði Magnússon
hdm@mbl.is
„Eins og staðan er núna er voða lítið
hægt að gera ef bílum er lagt ólög-
lega. Það er ólíklegt að lögreglan
komi til að sekta. Við viljum hafa
þann kost að geta sektað sjálf og get-
um þá nýtt starfsmenn bæjarins til
þess. Það er helst í kringum íþrótta-
miðstöðuna sem þörf er á,“ segir Sig-
rún Edda Jónsdóttir, bæjarfulltrúi á
Seltjarnarnesi.
Seltirningar íhuga nú að fylgja for-
dæmi Kópavogsbúa og stofna bíla-
stæðasjóð sem hefði það að markmiði
að sporna við því að bílum sé lagt
ólöglega í bænum. Eins og kom fram
í Morgunblaðinu á dögunum voru 1,5
milljónir króna innheimtar í sektir í
Kópavogi fyrstu þrjá mánuðina sem
bílastæðasjóður var þar starfræktur.
Í Kópavogi er ekki rukkað fyrir að
leggja í stæði heldur er aðeins lagt á
stöðubrotsgjald ef bílum er lagt ólög-
lega eða í stæði fyrir hreyfihamlaða.
Sigrún Edda segir að Seltirningar
horfi til þess hvernig haldið hefur
verið á þessum málum í Kópavogi og
fullur vilji sé meðal bæjaryfirvalda til
að ráðast í verkefnið. Tillaga þessa
efnis var lögð fram í bæjarráði fyrr á
árinu og fékk jákvæða umsögn
skipulags- og umferðarnefndar í
febrúar. Sigrún Edda kveðst þó ekki
geta fullyrt hvenær vænta megi um-
ræddra breytinga. Ekki náðist í Ás-
gerði Halldórsdóttur bæjarstjóra í
gær.
Samkvæmt upplýsingum frá Ár-
dísi Ármannsdóttur, samskiptastjóra
Hafnarfjarðarbæjar, hafa bílastæða-
mál verið í skoðun hjá bænum um
nokkra hríð. „Það hefur öllum mögu-
leikum verið velt upp og þeir greind-
ir en ekki verið tekin nein ákvörðun
um framhaldið,“ segir hún. Meðal
þeirra hugmynda sem hafa verið á
lofti er að taka upp svokölluð klukku-
bílastæði, eins og eru á Akureyri, en
þar má leggja í skamman tíma í mið-
bænum og sektað er ef farið er fram
yfir ákveðinn tíma. Eins og sakir
standa eru nokkur 30 mínútna stæði í
miðbæ Hafnarfjarðar og höfðað er til
samvisku ökumanna að virða þau
tímamörk. Ekki er sektað leggi fólk
lengur í umrædd stæði.
Á fundi umhverfis- og fram-
kvæmdaráðs Hafnarfjarðar í síðustu
viku var samþykkt tillaga um að
skammtímastæðum yrði fjölgað.
Mun hluti bílastæða við Linnetsstíg
og Strandgötu hér eftir verða 60
mínútna skammtímastæði.
Hulda Hauksdóttir, upplýsinga-
stjóri Garðabæjar, segir að ekki hafi
farið fram nein umræða um það hjá
Garðabæ að stofna bílastæðasjóð
með svipuðum hætti og er hjá Kópa-
vogsbæ. „Bílastæði í Garðabæ sem
eru á vegum bæjarins eru gjaldfrjáls
og það er ekki sektað af hálfu bæj-
arins. Á Garðatorgi í miðbæ Garða-
bæjar eru stæði sem eru ætluð við-
skiptavinum torgsins og gert ráð
fyrir að það séu skammtímastæði. Í
bílastæðakjallara á Garðatorgi er
gert ráð fyrir að bílastæði séu fyrir
fólksbíla,“ segir Hulda.
Samkvæmt upplýsingum frá Mos-
fellsbæ eru ekki innheimt bílastæða-
gjöld í bænum. „Engin vinna stendur
yfir eða er fyrirhuguð hjá Mosfells-
bæ varðandi bílastæðamál,“ segir í
svari bæjarins.
Fleiri skoða
bílastæðamál
 Hafnfirðingar fjölga skammtíma-
stæðum  Seltirningar taka upp sektir
Morgunblaðið/Hari
Sektað Bílastæðaverðir gætu kom-
ið til starfa á Seltjarnarnesi.
Mannbjörg varð þegar bátur sökk
skammt frá Hvammstanga í fyrri-
nótt. Hann var að koma af grá-
sleppuveiðum og voru þrír um borð.
Björgunarsveitin Húnar fékk
hjálparbeiðni klukkan 03:20 vegna
vélarvana báts. Haldið var af stað á
björgunarbáti og skömmu eftir það
komu skilaboð um að leki væri kom-
inn að bátnum og skipverjarnir þrír
komnir í flotgalla.
Skipstjórinn greindi frá því að
slinkur hefði komið á bátinn þar sem
hann var 3,5-4 km frá Hvammstanga
og sjór farið að leka inn um stefnið.
Veður var gott og stilltur sjór þegar
þetta gerðist og gáraði hvergi á
grynningum.
„Þegar við sjáum hann um tæpan
kílómetra frá höfninni er hann orð-
inn ansi framsiginn. Þeir reyndu að
damla sér í land. Það bjargaði því að
hann hafi ekki verið farinn á hliðina
fyrr að það var gott í sjóinn,“ sagði
Kristján Svavar Guðmundsson,
varaformaður í Björgunarsveitinni
Húnum, sem stýrði björgunar-
aðgerðum. Til að byrja með fylgdu
þeir bátnum í átt til lands og voru
dælur gerðar klárar til að dæla úr
bátnum. Þeir tóku skipverjana um
borð í björgunarbátinn og bátinn í
tog. Skömmu síðar sökk báturinn um
300 metra frá landi. „Þetta mátti
ekki tæpara standa. Þegar þeir voru
komnir í björgunarbátinn fer bátur-
inn á hliðina og hann er horfinn fimm
til tíu mínútum seinna.“
Ekkert amaði að skipverjunum
Sex björgunarsveitarmenn tóku
þátt í útkallinu og var svæðisstjórn
einnig virkjuð. Þyrla Landhelgis-
gæslunnar var kölluð út en aðstoð
hennar var afþökkuð eftir að skip-
verjarnir voru komnir heilu og
höldnu í björgunarbátinn.
Kanna á möguleika á því að ná
bátnum upp, samkvæmt heimildum
Morgunblaðsins, enda er báturinn á
grunnu vatni og skammt frá landi.
freyr@mbl.is, gudni@mbl.is
Morgunblaðið/Sigurður Bogi
Hvammstangi Báturinn sökk
skammt frá landi.
Mannbjörg varð
þegar bátur sökk