Skessuhorn - 18.03.2015, Síða 10

10 MIÐVIKUDAGUR 18. MARS 2015
Starfshópur sem innanríkisráð­
herra skipaði snemma á síðasta ári
um alþjónustu í fjarskiptum og út­
breiðslu háhraða nettenginga hér á
landi hefur skilað skýrslu. Haraldur
Benediktsson alþingismaður Sjálf­
stæðisflokksins í Norðvesturkjör­
dæmi var formaður starfshópsins
en auk hans sat Páll Jóhann Páls­
son alþingsmaður í starfshópnum
auk fulltrúa atvinnulífs og samtaka
sveitarfélaga. „Ísland ljóstengt –
landsátak í uppbyggingu fjarskipta­
innviða“ er yfirskrift skýrslunnar.
Þar er að finna útfærslu á mark­
miðum í stefnuyfirlýsingu ríkis­
stjórnarinnar sem varða byggða­
mál. Segja má að um metnaðar­
full marksmið sé að ræða, jafn­
vel á heimsvísu. Lagt er til að árið
2020 verði búið að innleiða 100 Mb
tengingu til 99,9% heimila í land­
inu. Einungis 120 heimili eða lög­
býli verða þá eftir, en að því stefnt
að þau muni fá viðunandi lausnir
með annarri tækni. „Ef þetta næst í
gegn munu Íslendingar samkvæmt
alþjóðastöðlum verða í forystu á
heimsvísu miðað við skilgreiningu
fyrir grunnþjónustu á miðlun upp­
lýsinga,“ segir Haraldur Benedikts­
son formaður starfshópsins í sam­
tali við Skessuhorn.
Í tillögum starfshópsins eru lögð
til fjögur markmið:
1. Aðgangur að háhraða fjarskipta­
tengingu verði grunnþjónusta sem
standa skal öllum landsmönnum til
boða óháð búsetu.
2. Alþjónustumarkmið eða mark­
mið í anda alþjónustu verði sett sem
100 Mb/s frá árinu 2020, ásamt til­
heyrandi gæðaviðmiðum.
3. Skilgreint verði átaksverkefni á
landsvísu til sex ára (2015–2020)
um uppbyggingu ljósleiðaraað­
gangsneta á svæðum þar sem mark­
aðsbrestur er til staðar.
4. Fjarskiptasjóður aðstoði þá staði
með sértækum aðgerðum sem fjar­
skiptafyrirtækin geta ekki veitt net­
þjónustu.
Getur skipt sköpum um
framtíð byggða
Tillögum í skýrslunni er skipt í tvo
meginþætti. Annars vegar að breyta
þurfi lögum og reglum um fjar­
skiptamarkaðinn en hins vegar um
undirstöður landsátaks í uppbygg­
ingu fjarskiptakerfa sem miða að
því að öll heimili og fyrirtæki eigi
kost á raunverulegri háhraða net­
tengingu. Haraldur Benediktsson
ritar inngang skýrslunnar og und­
irstrikar þar að megin tillaga starfs­
hópsins sé að skilgreina aðgang að
háhraða nettengingu sem grunn­
þjónustu sem standa skuli öllum
landsmönnum til boða óháð bú­
setu. „Uppbyggingin tryggir að­
gengi allra landsmanna að allri nú­
tíma og framtíðar fjarskiptaþjón­
ustu, hvort heldur er í atvinnu­
skyni, til almennra samskipta, náms
eða afþreyingar þeirra sem búa eða
ferðast um svæðin. Slík uppbygg­
ing sem hér um ræðir getur skipt
sköpum um framtíð byggða, sam­
keppnishæfni þeirra og möguleika
til vaxtar. Nú þegar hallar veru­
lega á þau fyrirtæki sem hafa byggt
starfsemi sína í dreifðum byggðum
og hafa ekki gott aðgengi að öflug­
um fjarskiptatengingum. Úr þessu
er mikilvægt að bæta,“ segir Har­
aldur.
Lögð áhersla á
lögheimili og fyrirtæki
Um næstu skref eftir að starfshóp­
urinn skilaði af sér tillögum, seg­
ir Haraldur að innanríkisráðherra
verði að leggja fram drög að fjar­
skiptaáætlun í formi þingsályktun­
artillögu. Áður en til þess komi þurfi
að ræða við alla hugsanlega sam­
starfsaðila og þ.m.t. sveitarfélögin í
landinu. Þá þurfi að kalla eftir um­
ræðum um skýrsluna og fá viðbrögð
við tillögum starfshópsins. Loks
mun ráðherra í kjölfar þess leggja
fram framkvæmdaáætlun sem þing­
ið tekur síðan til efnislegrar með­
ferðar. „Ég tel alveg fyllilega raun­
hæft að þessi markmið eigi að nást.
Mikið af ljósleiðurum eru nú þegar
til í jörðu og gerum við ráð fyrir að
með samnýtingu þeirra verði sam­
legðaráhrif sem geri þetta raunhæft
innan þess tímaramma sem nefndur
er. Það verður væntanlega byrjað á
að auglýsa eftir samstarfsaðilum og
svo auglýstir styrkir til að uppfylla
megi þær gæðakröfur um gagna­
magn og hraða sem stefnt er að.“
Haraldur segir að lögð verði áhersla
á að tengja lögbýli og þau fyrirtæki
sem eigi lögheimili í dreifbýlinu.
Treyst verður á frumkvæði heima­
manna, svo sem um val á stöðum til
að ná sem hagkvæmastri útbreiðslu
ljósleiðara. Ekki verði lögð áhersla
á sumarhúsabyggðir eða aukahús á
jörðum í fyrsta áfanga. „Hins veg­
ar munu fleiri tengjast og notk­
un fleiri þýðir væntanlega lækkun
kostnaðar við uppbyggingu dreifi­
kerfisins,“ segir Haraldur.
mm
Hörmungarástand hefur undan­
farna daga og vikur verið í netmál­
um í Eyja­ og Miklaholtshreppi en
það er Hringiða sem heldur þjón­
ustunni úti. Í síðustu viku þegar net­
ið var horfið var íbúum sagt að það
kæmist í lag í fyrsta lagi á sunnudag.
Sigurður Hreinsson bóndi á Mið­
hrauni segir að ástandið hafi ver­
ið verst í miðsveitinni; t.d. á Hótel
Rjúkanda og á næstu bæjum við sig.
Sigurður segir þetta ástand algjör­
lega óviðunandi. Þau á Miðhrauni
hafi t.d. umfangsmikinn rekstur
sem byggi á stöðugu og góðu net­
og símasambandi. Fólk sé neytt til
að fara af bæ til að greiða reikninga
og sinna ýmissi þjónustu sem ein­
ungis fer fram um netið. „Það er
eiginlega með ólíkindum að síma­
fyrirtækjunum takist ekki að koma
sér upp búnaði sem þolir þessi veð­
ur. Þrátt fyrir margar lægðir hefur
ekki verið svo hvasst að þessi tæki
ættu að þola álagið,“ segir Sigurð­
ur. Hann segir ljóst að leggja verði
mikla áherslu á að hefja lagningu
ljósleiðara um landsbyggðina. Nú­
tíma viðskiptaumhverfi, ferðaþjón­
usta og annað beinlínis kalli á tafar­
lausar úrbætur og aukið fjarskipta­
öryggi. mm
Víðtækar rafmagnsbilanir urðu á
Vesturlandi í óveðrinu sem gekk
yfir landið síðastliðinn laugardags­
morgun. Bilanir urðu t.d. á Hrúta­
tungulínu 1 sunnan við Borgarnes,
í Andakílnum rétt ofan við Vatns­
hamra, þar sem staurastæða kubbað­
ist í sundur í óveðrinu. Þegar þann­
ig háttar til verður raforkuflutnings­
kerfið enn viðkvæmara fyrir truflun­
um en ella sem jók aftur hættu á raf­
magnsleysi. Viðgerðir tóku misjafn­
lega langan tíma, en síðustu til að fá
rafmagn aftur fengu það laust eftir
miðnætti sama kvöld. Þá hafði tekist
að gera við línu að Syðri Hraundal
í Borgarbyggð. Í Skorradal brotnuð
staurar við Mófellsstaði í rokinu um
morguninn og var straumlaust fram
á kvöld í dalnum. Víða í Borgarfirði
varð einnig straumlaust, en mislengi
þó. Sömu sögu er að segja úr Döl­
um, Grundarfirði og víðar. Starfs­
menn Rarik reyndu að forgangs­
raða viðgerðum og var mikið álag á
mannskapnum. Viðgerðir gengu þó
vel, enda gekk veðrið niður eftir há­
degi og auðveldaði viðgerðaflokkum
vinnu sína. „Rarik þakkar notendum
sínum fyrir biðlundina vegna við­
gerðanna,“ segir í tilkynningu.
Viðgerðarmenn frá Rarik fengu
þó ekki langt frí eftir þessa törn. Að­
fararnótt mánudags urðu víðtækar
rafmagnsbilanir á Snæfellsnesi og
fór Snæfellsbær verst út úr því að
þessu sinni, en einnig var um tíma
rafmagnslaust í Grundarfirði.
mm
Stopult netsamband í
Eyja- og Miklaholtshreppi
Hér stendur yfir viðgerð á laugardaginn á háspennulínunni neðan
við Vatnshamra í Andakíl. Ljósm. Helga J. Svavarsdóttir.
Víða rafmagnslaust á laugardaginn
Starfshópurinn skilaði í síðustu viku
skýrslu til ráðherra.
Stefna að ljósleiðaravæðingu
landsins á fimm til sjö árum
Brotnir rafmagsstaurar í landi Mófellsstaðakots í
Skorradal. Ljósm. pd.
Laugardaginn 7. mars síðastliðinn
fór sambandsþing UMSB fram í
félagsheimilinu Logalandi í Borg­
arfirði. Ágæt mæting var á þing­
ið en það sóttu 30 fulltrúar frá að­
ildarfélögum UMSB auk gesta frá
UMFÍ og ÍSÍ. Það voru þeir Gunn­
ar Gunnarsson frá UMFÍ og Gunn­
ar Bragason gjaldkeri ÍSÍ. Ávörpuðu
þeir þingið og fluttu kveðjur frá sín­
um félögum. Auk þess kom Hrönn
Jónsdóttir úr stjórn UMFÍ á þing­
ið og sæmdi Stefán Loga Haralds­
son formann Hestamannafélags­
ins Skugga starfsmerki UMFÍ fyr­
ir óeigingjarnt starf í þágu íþrótta­
hreyfingarinnar.
Þingstörf gengu vel og voru
fundarmenn almennt jákvæðir með
uppgjör ársins 2014 og bjartsýnir á
framhaldið. Ánægja var með góða
fjárhagsstöðu UMSB en unnið hef­
ur verið markvisst í þeim málum
undanfarin ár. Auk þess þótti þing­
fulltrúum gaman að sjá hversu vel
hefur gengið að ná flestum þeim
markmiðum sem sett voru við gerð
stefnu UMSB sem samþykkt var
á sambandsþingi 2013. Samþykkt
var að setja niður ný markmið fyr­
ir UMSB á árinu 2015 og kynna á
formannafundi í haust.
Ekki urðu miklar breytingar á
stjórn UMSB á þinginu. Sigurð­
ur Guðmundsson sambandsstjóri
var kjörinn áfram í eitt ár og aðrir
í stjórn eru Kristín Gunnarsdóttir
gjaldkeri, Sólrún Halla Bjarnadótt­
ir ritari, Ásgeir Ásgeirsson varasam­
bandsstjóri, Þórhildur María Krist­
insdóttir meðstjórnandi, Jón Eirík­
ur Einarsson vara­varasambands­
stjóri, Aðalsteinn Símonarson vara­
ritari, Þórdís Þórisdóttir varagjald­
keri og Anna Dís Þórarinsdóttir
varameðstjórnandi. þá
Margt jákvætt kom fram
á ársþingi UMSB
Frá nefndastörfum á ársþingi UMSB.
Hrönn Jónsdóttir stjórnarmaður UMFÍ ávarpar þingið.