Skessuhorn - 18.03.2015, Side 22

22 MIÐVIKUDAGUR 18. MARS 2015
Bjóðum uppá matar- og kaffi-
hlaðborð fyrir fermingarveisluna.

Gamla Kaupfélagið leggur áherslu á að bjóða upp á
úrvals mat og góða þjónustu á sanngjörnu verði.
www.gamlakaupfelagid.is • sími: 431-4343 SKE
SS
U
H
O
R
N
2
01
5
Viss um hún þyrfti á
æðri mætti að halda
„Ég var viss um að ég þyrfti á æðri
mætti að halda í lífinu og fannst
því rökrétt að láta ferma mig, til
að staðfesta kristna trú mína,“
segir Thelma Karen Bjarnfinns­
dóttir. Hún var hluti af sjö barna
hópi sem fermdist 17. apríl 2014
í Borgarneskirkju. Thelmu Kar­
en fannst dagurinn vel heppnað­
ur og ánægjulegur. Hún segir að
undirbúningurinn hafi tekið sinn
tíma. „Það tók um ár frá því að ég
og mamma fórum að huga að því
að finna föt og undirbúa veisluna.
Ég fékk að koma að undirbúningn­
um og koma með hugmyndir, ef
þær voru góðar. Ef hugmyndirnar
féllu ekki í kramið hjá mömmu og
ömmu, þá fengu þær ekki að vera
inni,“ segir Thelma og brosir. Það
kom henni sjálfri á óvart hvað und­
irbúningurinn var flókinn. Það var
svo ekki fyrr en nokkrum dögum
fyrir athöfnina sjálfa sem hún átt­
aði sig á því hversu umfangsmikið
það er að fermast og halda veislu.
„Þetta var allt saman flóknara en ég
hafði ímyndað mér. Þá helltist yfir
mig stresstilfinning. Þetta væri ekki
bara að mæta í fermingarfræðsluna,
heldur athöfnin sjálf sem fjölmarg­
ir kæmu að.“ Hún segir athöfnina
hafa gengið að mestu leyti vel en
bætir við að hún hafi fengið hlát­
urskast í miðri athöfn. „Þá þurfti að
taka pásu frá athöfninni vegna þess
að ég hló svo mikið,“ segir hún.
Alltaf að bætast
við listann
Veislan sjálf var haldin í félags­
heimilinu Þinghamri á Varma­
landi. Um var að ræða stóra veislu,
því rúmlega hundrað manns lögðu
leið sína í Þinghamar til að sam­
gleðjast fermingarbarninu. „Það fór
heillangur tími í að raða upp gesta­
listanum og hann var endurskrifað­
ur minnst fjórum sinnum. Það voru
alltaf að bætast við ættingjar. Við
vorum með litaþema í veislunni og
ég valdi þá liti sem mér þykir fal­
legastir, grænan og appelsínugul­
an.“ Borð voru því dekkuð í þess­
um litum og stíllinn þannig að öllu
var blandað saman og blóm í vös­
um á hverju borði. Salurinn var því
mjög litríkur og fannst Thelmu það
koma mjög vel út. Það sem stakk
mest í stúf var hún sjálf, enda valdi
hún allt annan lit á fermingarkjól­
inn. „Ég valdi mér fjólubláan kjól
og pantaði hann með góðum fyrir­
vara af erlendri vefsíðu, til þess að
vera ekki eins og allar hinar stelp­
urnar,“ útskýrir Thelma.
Guggnaði á ræðunni
Thelma var búin að skrifa ræðu og
ráðgerði að halda tölu fyrir veislu­
gestina. Raunin varð þó önnur, því
þegar á hólminn var komið var ræð­
an aldrei flutt, þrátt fyrir að heil­
mikill tími hefði farið í skrifin. „Ég
guggnaði á því að halda ræðuna því
ég var svo stressuð. Mér fannst at­
hyglin óþægileg þennan dag þrátt
fyrir að finnast venjulega sjálfsagt
mál að vera miðdepill athyglinn­
ar.“ Thelma segist hafa fengið mik­
ið af fermingargjafir. Þær opnaði
hún í veislunni. „Mér fannst það
samt vandræðalegt. Besta gjöfin var
helmingur upp í tólf daga ferð til
enskunáms í Bretlandi. Ég fer í þá
ferð í sumar og hlakka mikið til,“
segir Thelma Karen.
Var rosalega stress-
aður en allt gekk vel
Kristmundur Hallur Steindórs­
son fermdist einnig á skírdag 2014,
við sömu athöfn og Thelma. Krist­
mundur, sem jafnan er kallað­
ur Mummi, lýsir deginum sem
ánægjulegri upplifun. „Það var
gaman að fermast, að fá pening og
gjafir. Dagurinn var alveg æðis­
legur. Öll nánasta fjölskyldan kom
í kirkjuna og þó að ég hafi verið
rosalega stressaður gekk athöfnin
vel,“ segir Mummi en bætir því við
að smá misskilningur annars ferm­
ingardrengs hafi orðið til þess að
allir fóru að hlæja.
Fengu borð frá
nágrönnunum
Fermingarföt Mumma voru svört
jakkaföt, hvít skyrta og grá þver­
slaufa. „Svo var ég með snilld­
ar hatt og í Converse skóm, bæði
grátt í stíl við þverslaufuna. Ég fékk
að ráða sjálfur fatavalinu en fékk
aðstoð frá mömmu og pabba,“ út­
skýrir Mummi.Að öðru leyti fannst
honum hann líka vera hafður með
í ráðum í fermingarundirbúningn­
um, þetta hafi verið svona „50/50“.
Fermingarveislan var haldin heima.
„Allur óþarfi, sem ekki þurfti að
notast við á fermingardaginn, var
settur í eitt herbergið, sem var bók­
staflega fyllt. Svo fengum við borð
að láni frá nágrönnunum.“ Veislan
var fjölmenn, um 80 manns komu
og var veislutíminn í rýmra lagi svo
að veislugestir myndu dreifast jafn­
ar yfir daginn. Boðið var uppá tvær
gerðir af súpu sem móðurbróðir
Mumma sá um að framreiða ásamt
allskyns brauði og svo voru kökur í
eftirrétt. Ekkert eiginlegt þema var
í veislunni en turkísblár var ráð­
andi og skreytt með þeim lit.
Fermingargjöfin
kom á óvart
Foreldrum Mumma tókst að koma
honum verulega á óvart með ferm­
ingargjöfinni, en hann vissi ekki
fyrirfram hvað leyndist í pakkan­
um. Honum þótti því eftirminni­
legast þegar hann fór með for­
eldrum sínum að sækja fermingar­
gjöfina upp á Landflutninga. „Þau
voru búin að segja mér að ég fengi
sófa frá þeim í fermingargjöf. Það
var nokkuð augljóst að það var
ekki draumagjöfin en ég var búin
að sætta mig við að fá sófa, þó mér
þætti það skrýtin fermingargjöf.“
Andlitið datt því af fermingar­
drengnum þegar í ljós kom að gjöf­
in var 125 kúbika (cc) krossari. „Ég
áttaði mig ekki á að ég hafði feng­
ið draumagjöfina fyrr en ég var
kominn heim,“ segir hann og hlær.
Mummi segist hafa fengið margar
aðrar góðar gjafir. Vélhjólið hafi
þó staðið uppúr. „En ég fékk líka
nýtt rúm, mótorhjólabók, spariúr
og mikinn pening,“ segir Mummi
sem notaði aurana meðal annars til
að kaupa sér búnað fyrir vélhjóla­
sportið í Nítró.
eha
Fermingardagurinn reyndist góður þrátt fyrir stressið
Á síðasta ári fermdust tæplega tvöhundruð ungmenni á
Vesturlandi. Í þeim hópi voru Borgnesingarnir Thelma Karen
Bjarnfinnsdóttir og Kristmundur Hallur Steindórsson, sem
bæði fermdust á skírdag. Þeim fannst fermingardagurinn
eftirminnilegur og góður og lýsa hér upplifun sinni af deg-
inum sjálfum og undirbúningnum fyrir hann.
Thelma Karen var viss um að hún þyrfti á æðri mætti að halda í lífinu og fannst því
rökrétt að fermast. Thelma Karen fór í fermingarmynda-
töku. Hér er hún ásamt yngri bræðrum
sínum.
Mummi við veisluborðið á fermingardaginn.
Mummi að prófa fermingargjöfina frá
foreldrum sínum.
Börnin sem fermdust 17. apríl 2014, ásamt sr. Þorbirni Hlyni Árnasyni. Thelma
Karen stendur fremst til vinstri en Mummi er í aftari röðinni, lengst til hægri.