Skessuhorn - 18.03.2015, Page 40

40 MIÐVIKUDAGUR 18. MARS 2015
Þrátt fyrir að flest ungmenni á Ís­
landi kjósi að láta ferma sig í kirkju á
það ekki við um alla. Ekki aðhyllast
allir kristna trú og börn á fermingar­
aldri eru engin undantekning þar á.
Þeir sem vilja sleppa því að fermast
á kristinn hátt hafa þó aðra valkosti.
Hér á landi stendur meðal annars
til boða taka siðmálum að heiðnum
sið. Að sögn Jóhönnu Harðardóttur
Kjalnesingagoða munu 22 einstak­
lingar taka siðmálum í vor og hef­
ur verið metaðsókn í siðfræðsluna í
vetur. „Flestir sem hyggja á siðmála­
athöfn eru á unglingsaldri, sem er
ekki undarlegt í ljósi þeirrar hefð­
ar í samfélaginu að smala ungling­
um í trúarathafnir. Þetta eru því
80­90% börn á fermingaraldri en
svo eru eldri einstaklingar líka,“ seg­
ir Jóhanna. Siðfræðslan fer að mestu
leyti fram í spjallformi. Þar er rætt
um goðin og heiðna lífssýn, velt
fyrir sér heilræðum Hávamálanna
og ýmsum siðfræðilegum og heim­
spekilegum álitamálum sem fullorð­
ið fólk stendur frammi fyrir. Þegar
fræðslunni er lokið er haldin Sið­
málaathöfn fyrir þá sem það vilja.
„Í þessum athöfnum hjá okkur er
engin krafa um trúarjátningu, held­
ur aðeins að viðkomandi er að opin­
bera að hann ætli að hafa heiðinn
sið að leiðarljósi í lífinu, þ.e. ábyrgð,
heiðarleika og drengskap,“ segir Jó­
hanna.
Ísak Reyr Hörpuson var einn
þeirra sem tók siðmálum í fyrra, í
stað þess að fermast í kirkju. Sið­
málaathöfnin hans fór fram 17. maí
2014 en Ísak hefur verið heiðinn frá
2012. Móðir Ísaks hefur verið heiðin
frá 2007, en þau eru þau einu í fjöl­
skyldunni sem eru ásatrúar. Skessu­
horn heyrði í Ísaki og fékk að for­
vitnast um stóra daginn hans í fyrra.
Vígsla inn í fullorðinna
manna tölu
Ísak segir siðmálaathöfnina vera
vígslu að hætti ásatrúarmanna inn í
fullorðinna manna tölu. Að því leit­
inu til sé hún sambærileg ferming­
arathöfn kristinna manna. En ólíkt
fermingarathöfninni eru siðmál tek­
in úti í náttúrunni og er aðeins einn
aðili í hverri athöfn. „Það er byrjað
á því að Goðinn helgar staðinn, lýsir
sáttum og griðum og að því loknu er
farið með inngang að athöfninni,“
útskýrir Ísak Reyr. Hann tók sið­
málum hjá fossinum við Andakíls­
árvirkjun en þá staðsetningu valdi
hann sökum þess hvað honum þyk­
ir fallegt þar. „Það var Kjalnesinga­
goði, Jóhanna Harðardóttir frá Hlé­
sey, sem framkvæmdi athöfnina. At­
höfnin fer fram með þeim hætti
að eldur er kveiktur í keri og stað­
ið í hring, ásamt goðinu sem býður
Æsi velkomna. Svo er lesið upp úr
Hávamálum og sá sem tekur siðmál­
um dreypir á drykk úr horni,“ seg­
ir Ísak Reyr. Drykkurinn umræddi
er óáfengur mjöður með eplum og
hunangi. Drukkin er heillaskál og
hráefnið sem notað er í mjöðinn er
hollt og gott. Drykkurinn er þann­
ig tákn fyrir góð lífsgæði, verið er að
færa fólki allt það besta í lífinu.
Lamb fæddist í
miðri veislu
Þegar Ísak er spurður að því hvers
vegna hann hafi valið að taka sið­
málum svarar hann því til að hon­
um hafi fundist það áhugaverðara
en venjuleg ferming. „Allir studdu
mig og bekkjarfélögum fannst þetta
bara skemmtilegt. Það eru ekki all­
ir í bekknum mínum kristinnar trúar
og flestum fannst siðfestan spenn­
andi,“ útskýrir hann. Eftir athöfnina
var haldin venjuleg veisla að sögn
Ísaks, boðið var upp á mat og hann
fékk gjafir. „Ég fékk Ipad, föt, bæk­
ur, lampa og eitthvað af peningum.
Reyndar voru tilmæli um klæðaburð
fremur óvenjuleg, en gestir voru
beðnir um að koma í ullarpeysum,
lopasokkum og gúmmískóm sem og
allir hlýddu,“ segir hann. Veislan var
haldin í reiðskemmu heimilisins en
Ísak Reyr býr að Syðstu­Fossum í
Andakíl sem er um 13 kílómetra frá
Borgarnesi. Boðið var uppá kjötsúpu
og kransakökur í eftirrétt og skemm­
an skreytt með víkingadóti móð­
ur hans. Veislan var harla óvenjuleg
því í henni miðri bar ær í fjárhúsinu
sem er staðsett við hlið reiðskemm­
unnar. „Þangað kíktu auðvitað all­
ir veislugestirnir þangað og lamb­
ið vakti mikla lukku. Það má reynd­
ar alveg búast við slíku í viðburðum
sem haldnir eru í útihúsum,“ segir
Ísak Reyr að endingu.
eha/grþ
Ísak Reyr tók siðmálum að hætti ásatrúarmanna
Með ömmu og afa, Magnúsi Óskarssyni og Þuríði Jónsdóttur.
Ísak Reyr Hörpuson ásamt Jóhönnu Harðardóttur Kjalnesingagoða í Sið-
málaathöfninni.
Ókeypis heimsendingaþjónusta!
Opið alla daga ársins
Smiðjuvellir 32 - 300 Akranes - Sími 431 5090 - Fax 431 5091 - www.apvest.is
Óskum öllum fe
rmingarbörnum

á Vesturlandi til
hamingju
með merkan áf
anga

Afgreiðslutímar:Virka daga 9–18Laugardaga 10–14Sunnudaga 12–14