Skessuhorn - 10.08.2016, Síða 1
FRÉTTAVEITA VESTURLANDS – www.skessuhorn.is 31. og 32. tbl. 19. árg. 10. ágúst 2016 - kr. 750 í lausasölu
Við viljum hafa
pláss fyrir allt
Þegar þörf er á brúar Arion bílafjármögnun
bilið í bílakaupunum.
Kynntu þér kjörin og ólíkar leiðir á arionbanki.is
Fæst án lyfseðils
LYFIS
ÚTSÖLU-
LOK
1Kalmansvöllum
50 %
afsláttur
3 fyrir 2 af
útsöluvörum
Rafræn áskrift
Ný áskriftarleið
Pantaðu núna
Heimilisfólkið á Ferjubakka IV í Borgarhreppi hefur á undanförnum dögum látið vel af þresti sem gert hefur sig heimakominn á bænum. Sett var upp hús fyrir hann á
stað þar sem hann fær frið fyrir köttunum á svæðinu. Heimasætan Sunna Kristín gaf þrestinum nafnið Þröstur Leó. Hún hugsar afar vel um fuglinn; kíkir reglulega til
hans og gefur honum vatn og mat. Þá kemur hann yfirleitt til hennar og sest á hana eða hjá henni. Ljósm. Eva Rós Björgvinsdóttir.
Vestlendingar hafa getað notið blíð-
unnar undanfarinn mánuð og vel
það, enda veður verið með allra besta
móti í sumar. „Sumarið er búið að
vera sólríkt og við ættum að geta ver-
ið nokkuð sátt með veðrið vestan-
lands,“ segir Birta Líf Kristinsdóttir,
veðurfræðingur á Veðurstofu Íslands,
í samtali við Skessuhorn. Hún seg-
ir að apríl hafi verið frekar kaldur og
fyrrihluti maímánaðar bæði kaldur og
þurr. Hiti hafi verið tveimur gráðum
undir meðaltali nema í Stykkishólmi,
þar sem hiti var örlítið yfir meðallagi.
Hiti hækkaði lítið eitt seinni hluta
mánaðarins og úrkoma jókst en var
engu að síður undir meðallagi.
Þá voru sólsskinsstundir í Reykja-
vík mældar yfir meðaltali síðustu tíu
ára og einnig yfir meðaltali áranna
1961-1990. „Sólskinsstundir eru ekki
mældar á Vesturlandi en út frá fjölda
sólsskinsstunda í Reykjavík má álykta
að þær hafi einnig verið yfir meðaltali
á Vesturlandi í maí,“ segir Birta Líf.
Í júní hlýnaði enn og var meðalhiti
á Vesturlandi einnig gráðu hærri en
meðaltal síðustu tíu ára. Hlýjast var
í Stykkishólmi, en meðalhiti þar var
þremur gráðum yfir meðaltali áranna
1961-1990, en úrkoma einnig örlít-
ið meiri en vanalega. „Engu að síð-
ur voru sólsskinsstundir í júní held-
ur færri en í mánuðinum á undan.
Júní var hlýrri, með meiri úrkomu en
minni sól,“ segir Birta.
Hún segir að júlímánuður hafi ver-
ið í meðallagi heitur vestanlands mið-
að við síðustu tíu ár en um tveimur
gráðum heitari en árin 1961-1990.
Sólskinsstundir voru yfir meðallagi
og úrkoma með minnsta móti. Til
að mynda mældist úrkoma yfir 12
mm aðeins fimm daga júlímánaðar í
Stykkishólmi, fjórum dögum sjaldn-
ar en í meðalári. „En í lok mánaðar-
ins, 26. júlí, komu svakalegar demb-
ur. Úrkoma mældist til dæmis 10,2
mm á klukkustund í veðurstöðinni í
Reykjavík, sem er met. Þennan sama
dag sáust á gervihnattamyndum rosa-
legar dembur á Vesturlandi einnig
en þær virðast ekki hafa hitt á mæl-
ana. En þrátt fyrir þessar dembur í
lok mánaðarins var úrkoma í júlí mun
minni en vanalega,“ segir Birta Líf.
„Heilt yfir hefur sumrið verið sól-
ríkt og úrkomulítið, milt framan af
en hlýtt frá júníbyrjun,“ segir hún en
tekur fram að ekki sé um neitt met-
ár að ræða. „Nei, ekki metár en yfir
meðallagi gott. En úrkoma á Vest-
urlandi, sérstaklega við sjávarsíðuna,
hefur verið með allra minnsta móti í
sumar.“
kgk
Sólríkt og úrkomulítið sumar á Vesturlandi
Birta Líf Kristinsdóttir, veðurfræðingur á Veðurstofu Íslands.
Ljósm. Heiðar Lind Hansson.