Skessuhorn - 10.08.2016, Side 14
MIÐVIKUDAGUR 10. ÁGÚST 201614
Lilja Rafney Magnúsdóttir þing-
maður hefur gefið kost á sér til að
leiða áfram lista Vinstri grænna í
Norðvesturkjördæmi í forvali VG
fyrir Alþingiskosningar í haust. „Þau
sjö ár sem ég hef setið á Alþingi
hafa verið miklir og lærdómsríkir
umbrotatímar í lífi þjóðarinnar. Sú
reynsla sem ég hef hlotið á þessum
tíma hefur nýst mér vel og mun ég
nota hana áfram eins og hingað til á
uppbyggilegan hátt í baráttunni fyr-
ir réttlátara samfélagi fyrir alla,“ seg-
ir hún. „Ég þekki hinn pólitíska slag
og er reiðubúin til að berjast áfram
með Vinstri grænum í hinni góðu
baráttu fyrir jöfnuði og velmegun
um land allt.“
Lilja Rafney er fædd á Stað í Súg-
andafirði og er búsett á Suðureyri.
Hún tók sæti á Alþingi fyrir VG í
Norðvesturkjördæmi árið 2009. „Ég
hef alltaf tekið og mun alltaf taka
slaginn fyrir þá sem minna mega sín
í samfélaginu. Barátta mín á Alþingi
hefur einkum snúist um að koma
fram breytingum á fiskveiðistjór-
nunarkerfinu, stuðla að innviðaupp-
byggingu á landsbyggðinni, öflugum
landbúnaði, jafnrétti til náms, nátt-
úruvernd og endurreisn heilbrigðis-
og velferðarkerfisins þar sem hags-
munir aldraðra, öryrkja og unga
fólksins eru tryggðir. Það er vissu-
lega mikilvægt að hafa góðar hug-
sjónir en það er ekki síður mikilvægt
að fylgja þeim eftir og tala fyrir þeim
við hvert tækifæri. Aukinn jöfnuður
er lykilatriði í þeim breytingum sem
ég vil gera á samfélagi okkar. Við
eigum öll að hafa sömu tækifæri til
lífs og þroska, við berum öll ábyrgð
og skyldur gagnvart samfélagi okkar
og okkur ber að hafna sérhagsmuna-
gæslu og spillingu afdráttarlaust,“
segir hún. kgk
Lilja Rafney vill leiða
lista VG áfram
Lárus Ástmar Hannesson í Stykkis-
hólmi kveðst í yfirlýsingu sem hann
hefur sent frá sér að hann bjóði sig
fram í 1. - 2. sætið á lista í forvali
Vinstri hreyfingarinnar græns fram-
boðs í Norðvesturkjördæmi, fyrir
komandi alþingiskosningar. „Ég hef
tekið virkan þátt í starfi VG um ára-
bil og verið varaþingmaður frá 2013.
Ég hef setið í bæjarstjórn Stykkis-
hólms í tíu ár, verið forseti bæjar-
stjórnar í fjögur ár, um tíma formað-
ur bæjarráðs og bæjarstjóri í lok síð-
asta kjörtímabils. Ég er búfræðingur
og kennari að mennt,“ segir Lárus.
Auk þess hefur hann frá 2014 ver-
ið formaður Landssambands hesta-
mannafélaga og formaður Lands-
móts ehf einnig frá 2014.
Lárus er fæddur í Stykkishólmi
1966 og hefur búið þar mestan hluta
ævinnar. Hann er giftur Maríu Ölmu
Valdimarsdóttur rekstrarfræðingi
hjá Sæferðum. María er frá Akranesi
og eiga þau fjögur börn. „Ég hef
mikinn áhuga á samfélagsmálum og
þá ekki síst málefnum landsbyggð-
arinnar og að hún fái tækifæri að
nýta þá möguleika til uppbyggingar
sem á hverju svæði eru og þjónusta
við íbúana sé eins og best verður á
kosið,“ segir Lárus Ástmar Hannes-
son í Stykkishólmi. mm
Lárus gefur kost á sér í
forystusæti í forvali VG
Aðalsteinn Orri Arason hefur til-
kynnt að hann sækist eftir fjórða
sæti á lista Sjálfstæðisflokksins í
Norðvesturkjördæmi í komandi
prófkjöri. Aðalsteinn Orri er 25
ára og er frá Varmahlíð í Skaga-
firði. Hann er stúdent og húsa-
smiður frá Fjölbrautaskóla Norð-
lands vestra, búfræðingur frá Land-
búnaðarháskóla Íslands og starf-
ar sem landbúnaðar- og bygginga-
verktaki. Hann kveðst í tilkynn-
ingu til fjölmiðla hafa brennandi
áhuga á stjórnmálum og málefnum
líðandi stundar og segir markmið
sín skýr: „Huga þarf að jaðarsvæð-
um þar sem byggð stendur höll-
um fæti. Bættar samgöngur, öflug-
ar tengingar og dreifikerfi. Grunn-
þjónusta svo sem menntun og heil-
brigðisþjónusta þarf að vera góð.
Jöfn tækifæri allra til náms, starfa
og athafna. Stöðuleiki atvinnulífs í
kjördæminu. Frelsi fólks til nýsköp-
unnar. Nýting lands og sjávar sam-
hliða verndun. Skapandi greinar
að ógleymdum vaxandi tækifærum
í ferðaþjónustu. Svona mætti lengi
telja. Ég vona að ég hitti sem flesta
og fái að heyra mismunandi sjónar-
mið sem brenna á fólki svo farsæla
niðurstöðu sé hægt að fá í sem flest-
um málum,“ segir Aðalsteinn Orri í
tilkynningu.
mm
Sækist eftir fjórða sæti á
lista Sjálfstæðisflokksins
Jónína Erna Arnardóttir hefur
ákveðið að gefa kost á sér í annað
til þriðja sæti í prófkjöri Sjálfstæðis-
flokksins í Norðvesturkjördæmi fyr-
ir alþingiskosningar í haust.
Jónína Erna er búsett í Borgar-
nesi og starfar sem tónlistarkennari
við Tónlistarskóla Borgarbyggðar.
Undanfarin sex ár hefur hún setið í
sveitarstjórn Borgarbyggðar og situr
í stjórn Sambands íslenskra sveitar-
félaga, auk þess að hafa gegnt ýms-
um trúnaðarstörfum fyrir Sjálfstæð-
isflokkinn. „Þessi reynsla ætti að
nýtast mér vel við störf á Alþingi og
þau málefni sem ég vil leggja áherslu
á eins og t.d. vegamál, en vegir inn-
an kjördæmisins eru víða í slæmu
ástandi og þarf að gera mun betur
þar. Einnig þarf að hraða ljósleið-
aravæðingu kjördæmisins og reynd-
ar landsins alls. Mikilvægt er líka að
hlúa að grunnþjónustu eins og heil-
brigðisþjónustu og menntakerfinu,“
segir Jónína Erna. „Ég tel að þetta
og ótal margt annað getum við gert
án þess að skattar séu í hæstu hæð-
um ef atvinnulíf fær að blómstra og
þar með hagur allra. Ég hlakka til að
hitta sem flesta á næstu vikum til að
kynna mig og heyra hvað er kjós-
endum í kjördæminu efst í huga,“
segir hún. kgk
Jónína Erna stefnir á 2.-3. sætið
Hafdís Gunnarsdóttir hefur ákveð-
ið að gefa kost á sér í prófkjör Sjálf-
stæðisflokksins í Norðvestur-kjör-
dæmi sem haldið verður 3. septem-
ber næstkomandi. Hún mun sækj-
ast eftir 3. sæti á listanum. „Ástæð-
an fyrir því að ég býð mig fram er að
ég sé ótal tækifæri til að efla svæðin
í þessum víðfeðma kjördæmi og vil
með þessum hætti ganga beint til
verka,“ segir Hafdís í tilkynningu.
„Ég tók nýverið við starfi for-
stöðumanns liðveislu hjá Ísafjarð-
arbæ, en hef síðastliðin þrjú ár
gegnt starfi ráðgjafa hjá barnavernd
á norðanverðum Vestfjörðum. Þar
áður vann ég sem kennari frá árinu
2004. Ég hef verið virkur félagi í
Sjálfstæðisflokknum í Ísafjarðarbæ
í mörg ár og gegnt margvísleg-
um trúnaðarstörfum fyrir flokkinn.
Ég er formaður fulltrúaráðs Sjálf-
stæðisfélaganna í Ísafjarðarbæ og
varaformaður umhverfis- og sam-
göngunefndar Sjálfstæðisflokks-
ins. Ég er 36 ára gömul, gift Shiran
Þórissyni fjármálastjóra og eigum
við tvo syni. Ég er fædd og uppal-
in á Ísafirði en bjó í Reykjavík á ár-
unum 2000-2004 á meðan ég nam
iðnrekstrarfræði við Tækniháskóla
Íslands. Að því loknu flutti ég aftur
til Ísafjarðar og lagði stund á fjar-
nám frá Háskólanum á Akureyri.
Ég útskrifaðist þaðan árið 2008
með B.Ed. í grunnskólakennara-
fræði. Mér finnst það vera forrétt-
indi að búa með fjölskylduna mína
út á landi og er tilbúin til að vinna
fyrir kjördæmið mitt,“ segir Hafdís
Gunnarsdóttir.
mm
Hafdís gefur kost á sér í þriðja
sæti á lista Sjálfstæðisflokksins
Hafdís Gunnarsdóttir.
Kennarar án kennsluréttinda voru
5,4% starfsfólks við kennslu í grunn-
skólum landsins haustið 2015. Frá
þessu er greint á vef Hagstofunnar.
Lægst var hlutfall kennara án kennslu-
réttinda í Reykjavík, 2,4% og 3,9% á
höfuðborgarsvæðinu utan Reykjavík-
ur. Hlutfallið er hæst á Vestfjörðum,
16,9% og Suðurnesjum, 14,5%. Á
Vesturlandi lækkaði hlutfall kennara
án kennsluréttinda frá árinu á undan.
Körlum heldur áfram að fækka í
hópi grunnskólakennara. Frá árinu
1998 hefur hlutfall þeirra lækkað
úr 26 prósentum niður í 18,1 pró-
sent. Haustið 2015 voru 112 konur
starfandi skólastjórar í grunnskólum
landsins en voru 68 árið 1998. Á sama
tíma hefur körlum fækkað í skóla-
stjórastéttinni úr 125 í 61.
Meðalaldur grunnskólakennara
heldur áfram að hækka, eins og ver-
ið hefur frá árinu 2000. Þá var með-
alaldur kennara 42,2 ár en var 46,6
ár haustið 2015. Meðalaldur kennara
með kennsluréttindi hefur á öllu tíma-
bilinu verið töluvert hærri en þeirra
sem kenna án réttinda. Haustið 2015
var meðalaldur kennara með kennslu-
réttindi 47 ár en 39 ár hjá þeim sem
ekki höfðu kennsluréttindi.
Nemendum fjölgar
Á sama tíma hafa nemendur í grunn-
skólum ekki verið fleiri síðan kennsla
hófst á haustmánuðum 2007. Í fyrra
voru þeir 43.760 og fjölgaði um 624
nemendur frá árinu á undan. Síðasta
haust stunduðu auk þess 94 nemend-
ur nám í fimm ára bekk, en það eru 20
færri en haustið 2014.
Grunnskólanemendum með erlent
tungumál að móðurmáli hefur sömu-
leiðis fjölgað ár frá ári frá því Hagstof-
an hóf að safna þeim upplýsingum.
Síðasta haust höfðu 3.543 nemendur
annað tungumál en íslensku að móð-
urmáli, eða 8,1% nemenda sem er
fjölgun um 0,6 prósentustig frá haust-
inu 2014. Algengast erlendra móður-
mála var pólska, 1.282 nemendur, þá
filippeysk mál, 336 nemendur og síð-
an enska, 240 nemendur. kgk
Kennurum án kennsluréttinda fjölgar
Hér má sjá grunnskólanema af Vesturlandi etja kappi í stærðfræði. Ljósm. úr safni.