Skessuhorn - 10.08.2016, Side 16
MIÐVIKUDAGUR 10. ÁGÚST 201616
Um síðustu helgi réri átján manna
hópur úr Kayakklúbbnum út í Ak-
urey á Breiðafirði. Lagði hópur-
inn af stað seinnipart föstudags en
leiðin er um sjö kílómetrar og tók
róðurinn um tvær klukkustund-
ir. Hópurinn hélt til í tjöldum í
tvær nætur úti í eyjunni. „Ferð-
in var mjög vel heppnuð, frábær-
lega tekið á móti okkur í Akurey.
Auk þess sem við fórum um Hrút-
eyjar, Skarðseyjar og í kringum
Akureyjarnar var þetta líka ákveð-
in afslöppun. Við fórum í sjósund,
stunduðum yoga æfingar og nut-
um þess að upplifa eyjarnar,“ segir
Lárus Guðmundsson, einn skipu-
leggjandi ferðarinnar í samtali við
tíðindamann Skessuhorns. „Það
eru allir held ég í skýjunum með
ferðina, fyrir mig var þetta sér-
staklega gaman,“ segir Lárus sem
sjálfur er ættaður úr Akurey. „Það
er skemmtilegt þegar það er vont
veður en miklu skemmtilegra þeg-
ar veðrið er svona gott,“ en veðr-
ið var einstaklega gott þegar hóp-
urinn kom að landi um miðjan
sunnudag, hæg og hlý vestan gola
og bjart.
Farið hefur verið tvær svona úti-
leguferðir út á land auk næturróð-
urs út í Akurey við Reykjavík. Þetta
var í fjórtánda skipti sem klúbbur-
inn heldur á Breiðafjörð en ferðin
er árleg og hefur hópurinn reynt
að fara sem víðast í ferðum sínum.
„Við höfum alls staðar mætt vel-
vilja. Þetta er svona stærsta og síð-
asta ferð sumarsins. Í svona sporti
munar líka miklu að það sé hægt að
fara með öðrum, menn fara ekk-
ert einir á svona staði,“ segir Lár-
us. Klúbburinn leggur mikið upp
úr því að fyllsta öryggis sé gætt og
að engin sjánleg ummerki séu eftir
ferðir þeirra í náttúrunni.
Kayakklúbburinn hefur aðstöðu
við Geldinganes í Reykjavík og er
róið einu sinni í viku allt árið en
auk þess hefur hann fengið að-
stöðu í Laugardagslauginni til æf-
inga á tækniatriðum. Lárus seg-
ir að félagsmenn geti nánast alltaf
leitað uppi þær aðstæður sem þeir
vilji, skjól eða vind og læti og þar
fram eftir götum. Um 100 virkir
meðlimir eru í klúbbnum, fleiri yfir
sumarið en veturinn. „Menn nota
þetta sem líkamsrækt, virkja græju-
delluna og svo er þetta frábær fé-
lagsskapur.“ Þá segir hann að einn-
ig sé einstakt að nálgast náttúruna
á þennan hátt og fara á staði þar
sem lítið er af ferðamönnum og
hægt að njóta umhverfisins í róleg-
heitum frá öðru sjónarhorni.
Texti og myndir: Steinþór Logi
Arnarsson
Kayakklúbburinn á ferð í Akurey á Breiðafirði
Hópurinn að koma að fjöru eftir sjö kílómetra róður á sunnudaginn.
Meðlimir Kayakklúbbsins í fjörunni við Fagradal á Skarðsströnd að lokinni ferð.
Guðni Th. Jóhannesson var settur
í embætti forseta Íslands við hátíð-
lega athöfn í Alþingishúsinu fyrsta
dag ágústmánaðar. Mikill fjöldi
fólks lagði leið sína á Austurvöll og
hyllti Guðna og Elizu Read, eigin-
konu hans, af svölum Alþingishúss-
ins.
Frelsi og fjölbreytni þjóðfélags-
ins skipuðu stóran sess í innsetn-
ingarræðu forsetans. Málefni inn-
flytjenda vógu nokkuð þungt í máli
Guðna, sem setti innflytjendaum-
ræðu í sögulegt samhengi. „Gleym-
um ekki fjölmenningu landnáms-
aldar og þeim nánu tengslum við
útlönd sem lögðu grunn að afrek-
um á sviði bókmennta og verkleg-
um framförum síðar meir,“ sagði
hann. „Við játum ólík trúarbrögð,
stöndum sum utan trúfélaga, við
erum ólík á hörund, við getum heit-
ið erlendum eiginnöfnum, þúsund-
ir íbúa þessa lands eiga sér erlend-
an uppruna og tala litla eða enga ís-
lensku en láta samt gott af sér leiða
hér. Við lifum tíma fjölbreytni og
megi þeir halda áfram þannig að
hver og einn geti rækt sín sérkenni,
látið eigin drauma rætast en fund-
ið skjól og styrk í samfélagi manna
og réttarríki hér á landi,“ sagði
Guðni.
Forseti skal stuðla
að einingu
Samfélagsumræðan var Guðna
einnig hugleikin í innsetningarræð-
unni og sagði hann að forseta bæri
að stuðla að einingu og bera virð-
ingu fyrir skoðunum annarra. „Eitt
gildir þó um allar þjóðir, þá íslensku
sem aðrar: Það sem sameinar þær
verður að vega þyngra en það sem
sundrar og hér hefur þjóðhöfð-
inginn hlutverki að gegna. Forseta
ber að stuðla að einingu, bera virð-
ingu fyrir skoðunum annarra, var-
ast að setja sig á háan hest,“ sagði
hann. Þó væri ekki þar með sagt að
hann mætti ekkert mæla á forseta-
stóli nema það sem full samastaða
ríkti um, enda væri slíkt ómögu-
legt. Forseti sagði að ólík sjónar-
mið yrðu að heyrast og að mál-
efnalegur ágreiningur væri til vitnis
um þroskað samfélag. Þá umræðu
setti hann í samhengi við kosning-
ar til Alþingis og kom skýrt fram í
máli hans að forseti gerir ráð fyrir
því að kosið verði í haust. „Ég vona
einmitt að við stöndumst það próf
þegar við kjósum nýtt þing í haust.
Í kosningum er tekist á um ólík-
ar stefnur og markmið en að þeim
loknum verða þingmenn að vinna
saman, finna lausnir, sýna sanngirni
og beita þeim aðferðum sem auka
virðingu þeirra sjálfra og hinnar
aldagömlu stofnunar, Alþingis.“
Stjórnmálamenn
setja lögin
Þá gerði Guðni stjórnarskrána að
umtalsefni og áréttaði að það væru
stjórnmálamennirnir sem settu lög-
in og bæru stjórnskipulega ábyrgð.
Það væri þeirra hlutverk að svara
kalli þjóðarinnar um breytingar
á stjórnarskrá. „Þeirra er ábyrgð-
in og þeir setja lögin, þau breyt-
ast í tímans rás. Það á líka við um
stjórnarská okkar, grunnsáttmála
samfélagsins. Geti þingið ekki svar-
að ákalli margra landsmanna og yf-
irlýstum vilja stjórnmálaflokka um
endurbætur eða endurskoðun er
úr vöndu að ráða,“ sagði Guðni
og minnti í því samhengi á gildi
áfangasigra og málamiðlana.
Meðal samfélagsmála sem Guðni
snerti á var heilbrigðisþjónustan.
Hann sagði að alltaf væri hægt að
gera betur á einhverjum sviðum og
að hag margra þyrfti að bæta. „Fólk
á Íslandi á ekki að þurfa að líða
sáran skort. Góða heilbrigðisþjón-
ustu má gera enn betri og tryggja
ber að landsmenn njóti hennar
jafnt, óháð búsetu eða efnahag,“
sagði Guðni.
Þá ræddi hann umhverfismál og
sagði að íslenska náttúru bæri að
nýta á ábyrgan og sjálfbæran hátt.
Það væri vandasamt en við sem
nú göngum um landið ættum að
skila því til næstu kynslóða þannig
að þær fengju notið gæða þess og
gagna jafn vel og við.
Vonbjört framtíð
á nýrri öld
Lokaorð innsetningarræðunnar
báru með sér jákvæðan tón þar sem
Guðni áréttaði meðal annars mik-
ilvægi fjölbreytileikans. „Góðir Ís-
lendingar. Við þurfum ekki að vera
vera tortryggin eða óttaslegin um
hag okkar á nýrri höld, hún er von-
björt og full af fyrirheitum. Vissu-
lega geta ógnir leynst víða. Það
sanna dæmin, því miður. Vissulega
er gott að vera á varðbergi og hart
þarf að mæta hörðu þegar nauðsyn
krefur. En trú á hið góða verðum
við að varðveita,“ sagði hann. „Ég
endurtek að lokum þá ósk mína
að við stöndum saman um fjöl-
breytni og frelsi, samhjálp og jafn-
rétti, virðingu fyrir lögum og rétti.
Stöndum saman um þessi grunn-
gildi góðs samfélags, vongóð og full
sjálfstrausts. Megi sú verða gæfa
okkar um alla framtíð,“ voru loka-
orð Guðna Th. Jóhannessonar for-
seta Íslands. kgk
Fjölbreytileiki og frelsi áberandi í ræðu nýs forseta