Skessuhorn - 10.08.2016, Qupperneq 34
MIÐVIKUDAGUR 10. ÁGÚST 201634
Þórður Þórðarson óskaði nýver-
ið eftir því að láta af störfum þjálf-
ara meistaraflokks kvenna hjá ÍA
af persónulegum ástæðum. Ágúst
Valsson aðstoðarþjálfari Þórð-
ar mun einnig láta af störfum á
sama tíma. Gengið hefur verið frá
samningum við Kristinn H. Guð-
brandsson og Steindóru Steins-
dóttur um að taka við þjálfun liðs-
ins út keppnistímabilið.
Kristinn er 46 ára íþróttafræð-
ingur með UEFA - A gráðu í þjálf-
un. Kristinn var reynslumikill leik-
maður á sínum tíma. Hann lék
lengst af með Keflavík og á að baki
115 leiki með liðinu í efstu deild.
Auk þess varð hann bikarmeist-
ari með liðinu árið 1997. Krist-
inn hefur víðtæka reynslu af þjálf-
un, en hann var aðstoðarþjálfari
hjá Keflavík og síðar Fylki í efstu
deild. Auk þess hefur hann þjálf-
að meistaraflokka Víðis í Garði og
Víkings Ó. Undanfarin ár hefur
hann þjálfað yngri flokka hjá ÍA.
Steindóra er 44 ára íþrótta-
fræðingur. Hún lék á sínum tíma
yfir 100 leiki fyrir ÍA í efstu deild.
Steindóra á að baki sex A-landsleiki
fyrir Ísland og fjóra fyrir 20 ára
landsliði Íslands. Hún hefur starf-
að lengi við kvennaknattspyrnu hjá
ÍA, bæði sem þjálfari yngri flokka
en einnig hefur hún aðstoðað við
þjálfun meistaraflokks.
„Stjórn KFÍA vill nota tækifærið
og þakka Þórði fyrir gott sam-
starf og framúrskarandi störf fyrir
KFÍA. Ágúst fær sömuleiðis þakkir
fyrir góð störf. Stjórn óskar nýjum
þjálfurum til hamingju með nýja
starfið og hlakkar til samstarfsins,“
segir í tilkynningu.
Undirbúningur að ráðningu
framtíðarþjálfara meistaraflokks
kvenna er hafinn í samráði við Jón
Þór Hauksson yfirþjálfara félags-
ins.
kgk
Steindóra og Kristinn taka við ÍA
F.v. Kristinn H. Guðbrandsson og Steindóra Steinsdóttir ásamt Sævari Frey
Þráinssyni varaformanni KFÍA.
Nýverið náðu Skagamenn og Fjöln-
ir samkomulagi um að Guðmund-
ur Böðvar Guðjónsson myndi klára
tímabilið á lánssamningi hjá Skaga-
mönnum. Guðmundur Böðvar er
27 ára gamall og hóf að leika með
ÍA árið 2006. Hann lék alls 155 leiki
fyrir Skagamenn áður en hann færði
sig yfir til Fjölnis árið 2013 en hann
aðstoðaði félagið að komast upp í
efstu deild það árið. Guðmundur er
fjölhæfur leikmaður sem getur leik-
ið í öllum stöðum varnar auk þess að
spila á miðjunni. Guðmundur spilaði
sinn fyrsta leik með gamla liðinu sínu
gegn FH, en fékk ekki að spila leik-
inn við Fjölni vegna lánsins þaðan.
bþb
Guðmundur
Böðvar aftur í ÍA
Körfuknattleiksdeild Skallagríms
hefur samið við Flenard Whitfield
um að leika með liðinu í Domino’s
deild karla á vetri komanda. Flen-
ard er 26 ára gamall Bandaríkja-
maður, rúmir tveir metrar á hæð,
eitt hundrað kíló að þyngd og leik-
ur stöðu framherja. Hann kemur
frá Detroit í Michigan-fylki og lék
með Western Michigan háskólan-
um á námsferli sínum þar sem hann
skoraði ellefu stig og tók sex fráköst
á lokaári sínu. Á sínum atvinnu-
mannaferli hefur hann meðal annars
leikið í Kanada og Ástralíu. Síðast
lék hann með Orangeville A’s í kan-
adísku deildinni þar sem hann skor-
aði að 13,1 stig og tók 5,8 fráköst að
meðaltali í leik.
Í tilkynningu frá kkd. Skalla-
gríms segir að Flenard sé mikill
íþróttamaður sem geti varist mörg-
um stöðum. Hann hafi einkar góða
fótavinnu og sé skotmaður góður.
Hann er væntanlegur í Borgarnes
um miðjan september.
„Við bjóðum Flenard Whitfield
velkomin í Borgarnes og vænt-
um mikils af samtarfinu við hann á
komandi leiktíð,“ segir í tilkynningu
Skallagríms.
kgk
Bandarískur framherji
í Skallagrím
Flenard Whitfield er nýjasti leikmaður karlaliðs Skallagríms.
Í ágúst og september mun íslenska
karlalandsliðið í körfubolta leika
í undankeppni fyrir Evrópumótið
sem fram fer á næsta ári. Íslending-
ar lentu í riðli með Belgíu, Sviss og
Kýpur í undankeppninni en hópur-
inn sem mun leika leikina sex í und-
ankeppninni var tilkynntur á dög-
unum. Það eru sextán körfubolta-
menn sem munu taka þátt í verk-
efninu og meðal þeirra er Vest-
lendingurinn Hlynur Bæringsson.
Hlynur hefur verið fastamaður hjá
landsliðinu síðustu ár svo það ætti
að koma fáum á óvart að þessi frá-
bæri körfuboltamaður sé í lands-
liðshópnum. Ísland komst í fyrsta
sinn á Evrópumótið í fyrra og er
stefnan sett á að endurtaka leikinn
að þessu sinni. bþb
Hlynur Bæringsson í
landsliðshóp Íslands
Bakvörðurinn Árni Elmar Hrafnsson
hefur skrifað undir eins árs samning
við Snæfell og mun leika með Stykk-
ishólmsliðinu í Domino‘s deild karla
í körfuknattleik á vetri komanda.
Árni er fæddur árið 1998 og uppalinn
hjá Fjölni í Grafarvogi. Hann flytur
í Hólminn og mun nema við FSn í
Grundarfirði meðfram körfuboltan-
um.
Á sama tíma og Árni gekk til liðs
við Snæfell samdi Austin M. Bracy
við Tindastól og mun því ekki leika
með Snæfelli á næstu leiktíð. Austin
átti gott tímabil með Snæfelli á síð-
ustu leiktíð en hann spilaði alla leiki
liðsins og skoraði að meðaltali 16.3
stig. Austin er þriðji leikmaðurinn
sem yfirgefur Snæfell en áður höfðu
þeir Stefán Karel og Sigurður Þor-
valdsson fært sig um set.
Þá tilkynnti Óli Ragnar Alexand-
ersson fyrir helgi að hann myndi ekki
leika með Snæfelli á komandi leik-
tíð þar sem hann hefur ekki náð sér
af meiðslum sem hann hlaut í desem-
ber síðastliðnum. Hann mun flytjast
brott úr Hólminum ásamt unnustu
sinni, Ernu Hákonardóttur, sem und-
anfarin ár hefur leikið með kvenna-
liði Snæfells og varð m.a. Íslands-
og bikarmeistari með liðinu á síðasta
ári. Erna hefur samið við Keflavík og
mun leika körfuknattleik suður með
sjó á næsta vetri. kgk
ÍA nældi í mikilvægt stig í botnbar-
áttu Pepsi deildar kvenna í knatt-
spyrnu þegar liðið gerði jafntefli við
Þór/KA á sunnudag. Leikurinn var sá
ellefti í sumar og fór fram á Akranes-
velli. Var þetta jafnframt fyrsti leikur
Skagakvenna undir stjórn hjónanna
Steindóru Steinsdóttur og Kristins H.
Guðbrandssonar, en þau tóku nýver-
ið við þjálfun liðsins af Þórði Þórðar-
syni.
Gestirnir frá Akureyri byrjuðu af
krafti en það voru Skagakonur sem
fengu betri færin á upphafsmínútum
leiksins. Þær áttu góðan skalla eftir
hornspyrnu og skoruðu mark sem var
réttilega dæmt af vegna rangstöðu.
Fyrsta mark leiksins kom á 25. mín-
útu og það voru gestirnir sem skor-
uðu það. Sandra María Jessen skall-
aði boltann laglega fyrir Söndru Gu-
tierrez í vítateignum sem gerði engin
mistök og kláraði færið.
Leikurinn datt aðeins niður eftir
markið og fátt markvert gerðist fram
að leikhléinu. Í síðari hálfleik færð-
ist aukin harka í leikinn. Tvisvar var
brotið á Skagakonum svo þær þörfn-
uðust aðhlynningar sjúkraþjálfara en
spjöld dómarans voru nægilega þung
til að hann hefði þau ekki á loft.
Eftir að Þór/KA hafði verið held-
ur sterkara liðið framan af síðari hálf-
leik jöfnuðu Skagakonur á 58. mín-
útu. Megan Dunnigan fékk sendingu
inn fyrir vörnina og sendi boltann í
netið. Markið kveikti í liðsmönnum
ÍA sem voru mun hættulegri í sínum
sóknaraðgerðum en gestirnir allt til
leiksloka. Þeim tókst hins vegar ekki
að stela sigrinum og 1-1 jafntefli því
niðurstaðan á Akranesvelli.
ÍA situr í botnsæti deildarinnar
með fimm stig eftir ellefu leiki, einu
stigi á eftir KR í sætinu fyrir ofan.
Næst mætir ÍA liði Selfoss á útivelli
miðvikudaginn 17. ágúst.
kgk
Unglingalandsliðsmaður
til Snæfells
Gunnar Svanlaugsson, formaður kkd.
Snæfells, ásamt Árna Elmari eftir undir-
ritun samninga.
Ljósm. Snæfell.
Megan Dunnigan jafnaði metin fyrir ÍA í
leiknum gegn Þór/KA. Hún hefur skorað
fjögur af fimm mörkum liðsins í deildinni
í sumar. Ljósm. gbh.
Skagakonur náðu í mikilvægt stig
Kári sigraði
Vængi Júpíters
Kári spilaði sinn tólfta leik í
þriðju deild karla í knattspyrnu
síðastliðinn föstudag gegn liði
Vængja Júpíters. Kári sigraði
leikinn 3-1 og skoruðu Marinó
Hilmar Ásgeirsson, Sverrir Mar
Smárason og Atli Albertsson
mörk Kára. Kári er eftir leikinn í
fjórða sæti deildarinnar með nít-
ján stig en möguleikar liðsins um
að komast upp um deild eru afar
takmarkaðir þar sem sex leikir
eru eftir og ellefu stig upp í annað
sætið. Næsti leikur Kára er laug-
ardaginn 13. ágúst á Dalvík gegn
liði Dalvíkur/Reynis. -bþb
Skallagrímur
tapaði gegn ÍH
Í B-riðli fjórðu deildar karla í
knattspyrnu mætti Skallagrímur
efsta liði riðilsins, ÍH, á Skalla-
grímsvelli síðastliðinn föstudag.
ÍH sigraði leikinn nokkuð sann-
færandi 3-0. Skallagrímur sit-
ur enn í þriðja sæti eftir leik-
inn. Næsti leikur Skallagríms er
í kvöld klukkan 19:15 gegn Snæ-
felli á Skallagrímsvelli. -bþb
Martraðarleikur
Snæfells
Lítið sem ekkert hefur gengið
hjá liði Snæfells í sumar og situr
liði í neðsta sæti B-riðils fjórðu
deildar karla í knattspyrnu með
ekkert stig. Liðið mætti Ern-
inum síðastliðinn sunnudag og
var sá leikur martröð fyrir leik-
menn Snæfells. Leikurinn end-
aði með 14-1 sigri Arnarins en
mark Snæfells skoraði Andri
Freyr Arnarsson. Næsti leik-
ur Snæfells er gegn Skallagrími
í kvöld klukkan 19:15 á Skalla-
grímsvelli. -bþb
Spennan
magnast í fyrstu
deild kvenna
Víkingskonur hafa spilað virki-
lega vel það sem af er tímabili.
Þær sigruðu lið KH í elleftu
umferð A-riðils fyrstu deildar
kvenna í knattspyrnu 3-2 síðast-
liðinn laugardag. Samira Sulem-
an skoraði tvö mörk og Lovísa
Margrét Kristjánsdóttir skoraði
eitt fyrir Víking Ó. Spennan í A-
riðli er virkilega mikil. Nú eru
aðeins þrír leikir eftir og Vík-
ingur í þriðja sæti riðilsins með
jafn mörg stig og HK/Víkingur
sem er í öðru sæti en með betri
markatölu. Annað sæti riðils-
ins gefur sæti í umspili um sæti í
Pepsi deild kvenna að ári. Næsti
leikur Víkings er á heimavelli
gegn liði HK/Víkings í kvöld
klukkan 19:00. Búast má við
spennuþrungnum leik þar sem
mikið er í húfi. -bþb
Kristinn Pétur
lánaður til Sindra
Kristinn Pétur Magnússon leik-
maður Víkings Ó. hefur verið
lánaður til liðs Sindra á Höfn í
Hornafirði. Sindri leikur í ann-
arri deild og er í sjötta sæti sem
stendur. Kristinn Pétur hefur
fengið fá tækifæri með Víkingi í
sumar og aðeins leikið þrjá leiki í
Pepsi deildinni. Búast má við að
Kristinn Pétur fái að spila meira
með Sindra en hann var í byrj-
unarliði Sindra sem gerði jafnt-
efli við Magna Grenivík í nýlið-
inni viku. -bþb