Heimsmynd - 01.10.1991, Side 58

Enn eitt Kennedyhneykslið, nauðgun á ættarsetri fjöl-
skyldunnar á Palm Beach, hefur varpað skugga á
ímynd þessarar eitt sinn elskuðu og dáðu fjölskyldu.
Öldungadeildarþingmaðurinn Edward M. Kennedy,
eini eftirlifandi Kennedybróðirinn, er bendlaður við
málið en í þetta sinn er það William Smith, þrítugur
systursonur hans, sem er hinn eiginlegi sökudólgur.
Réttarhöld yfir Willie hefjast 13. janúar næstkom-
andi og þegar eru fjölmiðlar teknir að ýfa upp sárin
á gömlum hneykslismálum sem tekin voru að gróa.
Lýsingum gesta á Au bar, barnum þar sem Edward
Kennedy, eða Ted eins og hann er jafnan kallaður,
sat að sumbli ásamt Willie og yngsta syni sínum Patrick hið
örlagaríka kvöld, ber ekki fyllilega saman. Sumir segja þing-
manninn hafa verið kófdrukkinn en aðrir ekki. Þá hefur vin-
kona meints nauðgunarfórnarlambs, Anne Mercer, sem einn-
ig var á Au bar umrætt kvöld, ásakað Ted um að hafa horft á
systurson sinn fremja ódæðisverkið. Anne lét þessi orð falla
þegar hún gaf lögreglu vitnisburð sinn, en það var hún sem
sótti „fórnarlambið" á setur Kennedyfjölskyldunnar morgun-
inn eftir að nauðgunin á að hafa átt sér stað. Hver svo sem
sannleikur málsins er þykir sýnt að Palm Beach hneykslið
mun draga dilk á eftir sér. Nýleg skoðanakönnun sem gerð
var meðal kjósenda í Massachusetts fylki sýnir að 62 prósent
þeirra telja að Edward Kennedy ætti ekki að gefa kost á sér til
áframhaldandi setu sem öldungadeildarþingmaður fylkisins.
Þar með væri fjörutíu ára óslitin þingseta Kennedyanna í Mas-
sachusetts fylki á enda.
Saga Kennedyfjölskyldunnar hefur verið stórviðrasöm en
engu að síður er hún sveipuð ljóma sem engin önnur banda-
rísk fjölskylda býr yfir. Bandaríkjamenn litu á fjölskylduna
líkt og Bretar líta til konungsfjölskyldu sinnar. Hún hefur
glæsileika, peninga, völd og á sér sögu, þótt hún sé bæði stutt
og þyrnum stráð.
John Fitzgerald Kennedy var einn dáðasti forseti Bandaríkj-
anna á þessari öld. Það var bandarísku þjóðinni mikið áfall
þegar hann var myrtur í opinberri heimsókn til Dallas 22. nóv-
ember árið 1963. Robert Francis Kennedy, yngri bróðir J.F.
Kennedy, gegndi embætti dómsmálaráðherra á árunum 1961
til 1964. Hann var myrtur á kosningaferðalagi 1968, skömmu
eftir að hann sóttist eftir útnefningu Demókrataflokksins sem
forsetaefni. Yngsti bróðirinn, Edward Moore Kennedy, á sæti
í öldungadeild bandaríska þingsins. Hann sóttist án árangurs
eftir útnefningu sem forsetaefni Demókrataflokksins árið
1980. I augum almennings hefur hann alla tíð verið eftirbátur
bræðra sinna og svarti sauðurinn í fjölskyldunni. Tvo síðustu
áratugina hefur hann oftsinnis verið í sviðsljósinu vegna
sukksams lífernis, aldraðri móður sinni og bandarísku þjóð-
inni til mikils ama.
Smám saman hefur tekið að grafa undan minningu Kenn-
edybræðra og virðingu fjölskyldunnar. Alríkislögreglan FBI
og leyniþjónustan CIA hafa opinberað skýrslur um skrautleg
kvennamál forsetans fyrrverandi og fjölmiðlar hafa ítrekað
reynt að bendla þá bræður John og Robert við undirheima-
starfsemi mafíunnar og dauða leikkonunnar Marilyn Monroe.
í>á hafa gegndarlausar svallveislur, ótæpileg drykkja og eitur-
lyfjaneysla fjölskyldumeðlima ekki orðið til þess að auka
hróður Kennedyanna í augum almennings. Síðasta áfallið í
röð margra er nauðgunarákæran á hendur Willie Smith. Málið
og sú mikla umfjöllun sem það hefur hlotið í fjölmiðlum er
gífurlegur álitshnekkir fyrir Ted Kennedy og hefur orðið til
þess að vekja upp gamlan draug, Chappaquiddickhneykslið.
Ted varð þá uppvís að því að hlaupast brott frá slysstað eftir
að hann hafði ekið bíl sínum fram af brú við ánna Chappaqu-
iddick með þeim afleiðingum að ung kona, Mary Jo Kop-
echne, drukknaði. Orðstír Teddys hefur dregið dám af sögum
um taumlausa drykkju og kvennaflangs en átta ár eru liðin
síðan endanlega slitnaði upp úr hjónabandi hans og Joan sem
loks hefur sigrast á glímunni við Bakkus og er nú óvirkur
alkóhólisti. Pað var drykkja sem setti mark sitt á óheillakvöld-
ið um síðustu páska líkt og nóttina þegar Mary Jo drukknaði.
Þótt Ted hafi ekki verið sakaður um að bera ábyrgð í nauðg-
unarmálinu hafa lýsingar Michele Cassone á framferði
Teddys, sem hún segir hafa hlaupið berrassaðan um tún á
landareigninni umhverfis ættarsetrið, vakið mikla hneykslan
og síst orðið til að hrekja sögusagnir um litríkt einkalíf öld-
ungadeildarþingmannsins. Michele var gengilbeina á Au bar
og gestur Patricks á fjölskyldusetrinu þessa nótt. Þess má geta
Mörgum hefur þótt afstaða lögregluyfirvalda benda