Heimsmynd - 01.10.1991, Side 66

meiri hugsjónamaður en forsetinn. Að
áliti flestra var það Bobby en ekki John
sem var stoð og stytta fjölskyldunnar.
Hann lagði sig í líma við að vernda orð-
stír bróður síns. Sem dómsmálaráðherra
komst hann fyrstur að tengslum Judith
Campbell Exner við mafíuforingjann
Sam Giancana og tókst að sannfæra
bróður sinn um hættuna sem honum
stafaði af Exner. Blessunarlega komst
bandaríska þjóðin ekki að sambandi
þeirra fyrr en löngu eftir dauða Johns.
Bobby kom því einnig til leiðar að for-
setinn batt enda á vináttu sína við Frank
Sinatra.
Bobby Kennedy ákvað að feta í fót-
spor bróður síns og sóttist eftir útnefn-
ingu Demókrataflokksins árið 1968.
Hann var myrtur á kosningaferðalagi í
Los Angeles 5. júní sama ár, daginn eftir
að hann vann forkosningarnar í Kali-
forníu. Dauði hans var demókrötum
mikið áfall því Bobby var talinn mjög
sigurstranglegur sem forsetaefni flokks-
ins. Eftir morðið lýsti Jackie því yfir að
hún fyrirliti Bandaríkin og barna sinna
vegna sagðist hún vilja yfirgefa landið.
Það gerði hún líka og giftist gríska skipa-
kónginum Aristoteles Onassis árið 1968.
Bobby hafði vitað af sambandi hennar
og skipakóngsins í nokkurn tíma en þau
höfðu kynnst meðan hún var forsetafrú.
Jackie, sem alla tíð samdi vel við mág
sinn, studdi duglega við bak hans í kosn-
ingabaráttunni og kom því meðal annars
til leiðar að Onassis lagði fram mikla
peninga í kosningasjóð hans.
Þegar hér var komið sögu hafði ætt-
móðirin, Rose Kennedy, þurft að sjá á
eftir fjórum af níu börnum sínum. Jos-
eph P. yngri lést árið 1944 þegar flugvél
hans var skotin niður yfir Þýskalandi í
síðari heimsstyrjöldinni. Kathleen dó í
bílslysi, tveir synir hennar, John og
Robert, voru myrtir. Við það bættist að
dóttirin Rosemary fæddist þroskaheft.
Nú var aðeins Teddy, sá yngsti af fjórum
sonum, eftirlifandi. Sem eðlilegt var
bundu margir demókratar vonir við
hann.
Honum kippti í kynið og á endanum
voru það kvennamálin og hið ljúfa líf
sem eyðilögðu framavonir hans.
Hneykslið við Chappaquiddick árið 1969
vakti mikla athygli og andúð. Vangavelt-
ur um ábyrgðarleysi þingmannsins fengu
byr undir báða vængi. Hefði hann hugs-
anlega getað bjargað lífi stúlkunnar ef
hann hefði kallað á hjálp í stað þess að
flýja vettvang? Hvers vegna var Ted ekki
heima hjá konu sinni, Joan, þessa nótt
en hún var að því komin að eiga barn?
Ted Kennedy virtist ekki hafa sömu
persónutöfra og bræður hans tveir, John
og Bobby. Hann sóttist án árangurs eftir
útnefningu Demókrataflokksins sem for-
Framhald á bls. 92
Kennedykonur
Eina vonin?
Flestir eru hættir að líta til Kennedyanna í leit að nýju forsetaefni, að
minnsta kosti þeir sem aðeins geta séð karlmann í því hlutverki. Ný
kynslóð Kennedykvenna, sem ólíkt mæðrum sínum virðist ekki heft
af ímynd konunnar sem skuggi eiginmannsins, er komin fram á sjón-
arsviðið. Óhræddar og óbugaðar hafa þær sótt fram hver á sínum
vettvangi. Með þeim hefur hugtakið Kennedykonur fengið nýja
merkingu.
Pær hafa ekki liðið eins fyrir leit almennings og ættarinnar að
verðugum arftaka og bræður þeirra og frændur. En eins og Victoria
Lawford, dóttir Patriciu og Peters Lawford, bendir á hefur heldur
aldrei verið jafn mikill samkeppnisandi og öfund milli stúlknanna.
„Auðvitað vildi Karólína vera fallegri en frænka hennar Maria og
Kara grennri en Sydney. En þetta voru smámunir og ekkert sem skipti okkur
raunverulega máli. Auk þess sem engin okkar er þannig gerð að hún vilji eiga í
útistöðum.“ Ólíkt sonunum voru dæturnar rólegri í tíðinni og kom jafnan vel
saman. Meðan þeir máluðu bæinn rauðan og skreyttu síður slúðurblaðanna
vegna eiturlyfjanotkunar og svalls, héldu þær sig utan við sviðsljósið og stund-
uðu námið.
Karólína Kennedy Schlossberg, forsetadóttirin, er sennilega sú barnabarn-
anna sem hvað minnst hefur sig í frammi.
Hún stundaði lögfræðinám við Concord
Academy í Harvard háskólanum, þar sem
hún þótti skara fram úr. Karólína giftist 28
ára gömul Ed Schlossberg, menntamanni
af gyðingaættum, og á með honum dæturn-
ar Rose og Tatiana. Hún er ólík móður
sinni sem þykir ein allra best klædda kona
veraldar. Karólína gengur um götur New
Yorkborgar í peysu og æfingabuxum og
lætur fara lítið fyrir sér. Nýverið hefur hún
gefið út bók ásamt vinkonu sinni úr skóla,
In Our Defense: The Bill of Rights in
Action. Bókin hefur fengið góða dóma og
er sögð vel skrifuð. Framtíðaráform Karó-
línu eru óljós en hún hefur þó látið í veðri
vaka að hugur hennar standi frekar til
bókaútgáfu en lögfræðistarfa, að minnsta
kosti að svo stöddu.
Frænka hennar, Maria Shriver, einka-
dóttir Eunice og Sarge Shrivers, hefur gert
garðinn frægan sem stjórnandi þriggja mis-
munandi þátta hjá NBC sjónvarpsstöðinni
og nú stjórnar hún nýjum þætti sem nefnist
First Person with Maria Shriver. Hún vill
gera sem allra minnst úr ætterni sínu og
hefur þráfaldlega neitað viðtölum ef ætlun-
in er að varpa upp mynd af henni sem
einni af Kennedyunum. Maria er þó lík-
lega sú þekktasta þeirra, bæði starfs síns
vegna og þess að hún er gift Hollywood-
leikaranum Arnold Schwarzenegger.
Dætur Bobbys og Ethel Kennedy eru
hins vegar mun pólitískari og jafnframt
meðvitaðari um tengslin við ættina. Kat-
hleen Kennedy Townsend, sem varð fertug
Framhald á bls. 92
©
Fjölskyldumynd tekin árið 1975.
©
Kerry Kennedy Cuoma, „sú sem faðlr okkar
hefði verið stoltastur af,“ segir bróðir hennar,
Robert F. yngri.
©
Frænkurnar og vinkonurnar Karólína Kennedy
og Maria Shriver.
©
Kerry og Courtney, dætur Bobbys Kennedy,
standa fyrir mótmælum.
©
Maria Shriver með dóttur sína, Katherine, á
hundrað ára afmæli ættmóðurinnar, Rose.
©
Karólína ásamt manni sínum, Ed Schloss-
berg, á gangi í New York.
©
Ethel og Joan Kennedy; eldri kynslóð Kenn-
edykvenna leit fyrst og fremst á sig sem eig-
inkonur og mæður.
©
Kathleen Kennedy Townsend, elst barnabarna
Rose og Joes Kennedy.
©
Maria Shriver giftist Hollywoodleikaranum
Arnold Schwartzenegger árið 1986._
Lýsíngu gesta á Au bar ber ekki saman. Sumir segja þingmann