Heimsmynd - 01.12.1993, Side 93

Jóladagur er sjálfsagt helgasti
fjölskyldudagur ársins á íslandi.
Jóladagsmorgun vakna fæstir með
aðrar áætlanir í huga en að vera
heima hjá sér í faðmi fjölskyld-
unnar. Flestar fjölskyldur hafa
sínar jólahefðir sem hafa oft gengið í
erfðir kynslóða á milli. Steinunn
Bergsteinsdóttir textílhönnuður og
veitingamaður gaf HEIMSMYND kost á
að kynnast þeim hefðum sem hún og
fjölskylda hennar hafa á jóladag.
Steinunn rekur veitingahúsið Bú-
mannsklukkuna á Bernhöftstorfunni
með frænku sinni Onnu S. Jóhannes-
dóttur. Búmannsklukkan er í húsi sem
var upprunalega byggt árið 1838 og þar
hafa þær frænkur búið sér og gestum
sínum einstaklega fallegt og hlýlegt
umhverfi. En Búmannsklukkan er ekki
eini veitingareksturinn sem Steinunn er
viðriðin því hún ræður einnig ríkjum á
kaffihúsinu Tíu dropum á Lauga-
veginum.
Aðspurð hvernig jólahefðir fjölskyld-
unnar eru tilkomnar segir Steinunn: „Eg
er alin upp í Reykjavík en foreldrar
mínir eru bæði utan af landi. Mamma er
úr Eyjafirðinum og pabbi er frá Vestur-
Skaftafellssýslu. Ég er því vön að blanda
ólíkum jólasiðum saman. A jóladag
borðum við alltaf kalt, helst heimareykt,
hangikjöt. Með því er laufabrauðið
ómissandi. Mamma er snillingur í laufa-
brauðagerð og hún bakar líka þykkar og
góðar hveitikökur sem pabbi var vanur
af Síðunni. Þær borðum við með miklu
smjöri, hangikjötinu og rauðrófum. Ég
vil líka hafa með þessu kartöflusalat
með eplum, lauk og sýrðum rjóma. Heit
lifrakæfa og síld er oft á jóladagsborðinu
hjá okkur og reykt skinka með
hunangssinnepi. Með matnum er haft
jólaöl. í eftirrétt borðum við Riz á
l'amande, grjónagraut með þeyttum
rjóma og möndluflögum, ættaðan frá
Danmörku þrátt fyrir franskt nafnið. Ut
á grautinn höfum við heita sólberjasósu.
A endanum fáum við okkur síðan heitt
súkkulaði, sem ég ber fram í gömlu
súkkulaðikönnunum hennar Steinunnar
ömmu heitinnar, með konfekti og
smákökum. Annars erum við nú svolítið
löt á jóladag, viljum helst vera í rúminu
með jólabækurnar og njóta þess að gera
ekki neitt. Þannig að þessi hádegis-
verður vill nú dragast fram eftir degi."
Þeir sem hafa hug á að bragða hátíðamat
að hætti Steinunnar geta farið á
Búmannsklukkuna í desember, en þá
verður boðið uppá jólahlaðborð bæði í
hádeginu og á kvöldin.
DÁSAMLEGT KARRÝBRAUÐ
KARRÝ SÍLD
U.þ.b. þrjú flök af marineraðri síld skorin í litla
bita.
100 gr. majones
1/2 bolli sýrður rjómi
I tsk. dijon sinnep
1/2 saxaður laukur
I -2 tsk. madras karrý
I saxað epli og örlítið af kurluðum ananas
Hrærið allt vel saman og bætið svo síldinni út í.
1 kg. hveiti
3 pakkar ger
2/3 bolli púðursykur
2 tsk. salt
2 msk. madras karrý
150 gr. brætt smjörlíki eða matarolía
Venjuleg gerbakstursaðferð er notuð við baksturinn.
Deigið er mjög meðfærilegt og þarf að hefast vel áður en
það er hnoðað upp og skipt í tvennt. Síðan er hvorum
helmingi skipt upp í 3-4 hluta og rúllaðar úr lengjur og
fléttaðar saman í fléttubrauð. Það er penslað með rjóma og
möndluflögum stráð yfir. Látið hefast á plötu og bakað í
u.þ.b. 1/2 klst. við 180 °C. Þetta brauð er mjög gott að
rista daginn eftir og verður það þá alveg eins og nýtt.
Heimsmynd
Desember
9 3