Fréttablaðið - 02.04.2016, Page 20

Það er alltaf betra
að hafa val
Hjá okkur getur þú valið
um VISA eða MasterCard
Kynntu þér kortaúrvalið á arionbanki.is
H
V
ÍT
A
H
Ú
S
IÐ
/S
ÍA
–
1
6
-0
6
0
8
Tónlist er menningarleg umgjörð en boðskapur kirkjunnar er bara einn. Það er gaman að blanda þessu saman,“ segir séra
Kjartan Jónsson, sóknarprestur í
Ástjarnarkirkju. Hann ásamt Matth-
íasi V. Baldurssyni tónlistarstjóra
stendur fyrir rokkmessu í Víðistaða-
kirkju á sunnudag. Þar verða flutt
klassísk rokklög með íslenskum
kristilegum textum sem hljómsveitir
eins og Guns’n’roses, U2, Janis Joplin,
Whitesnake, Bon Jovi og Nazareth
hafa gert fræg. Einnig verða fluttir
sálmar úr sálmabókinni í rokkuðum
útgáfum.
Kjartan hefur áður staðið fyrir
óhefðbundnum messum þar sem tón-
listin fær að njóta sín. „Þetta byrjaði
með U2-messu fyrir fimm árum og
við héldum hana tvö ár í röð. Síðan
höfum við mánaðarlega verið með
tilraunamessur með mismunandi
þemu.“ Kjartan segir þetta hafa mælst
vel fyrir. „Við erum að reyna að prófa
eitthvað nýtt til þess að höfða til fleiri.
Fólk er rosalega ánægt með þessar til-
raunir og það hefur verið vel mætt.“
Hann segist hafa verið spurður hvort
ekki komi til greina að halda diskó- og
rappmessur. „Það kemur vel til greina.
Ég er alveg til í að prófa mismunandi
tónlistarform. Tónlist er alltaf menn-
ingarlega skilin og engin tónlist er guði
meira þóknanleg en önnur. Ég er opinn
fyrir því að prófa þetta en slæ ekkert af
boðskapnum. Við höfum verið með
texta sem eru svo góðir að þeir eru
ekkert síðri en í sálmabókinni. Textar
með trúarlegan boðskap og tengjast
við lifað líf nútímans.“
Í messunni kemur fram kór
Ástjarnarkirkju og hljómsveit skipuð
þeim Friðriki Karlssyni, Sigurgeiri Sig-
mundssyni, Matthíasi V. Baldurssyni,
Þorbergi Ólafssyni og Þóri Rúnari
Geirssyni. Agnes M. Sigurðardóttir
biskup prédikar í messunni sem hefst
klukkan 20 á sunnudagskvöld.
Rokkað í kirkjunni á sunnudag
Sérstök rokkmessa verður haldin í Víðistaðakirkju á sunnudag þar sem einvalalið tónlistarmanna flytur þekkt
rokklög með nýjum trúarlegum textum. Agnes M. Sigurðarsdóttir, biskup Íslands, prédikar í messunni.
Messan á sunnudag verður með rokkuðu ívafi þar sem spiluð verða þekkt rokklög með trúarlegum textum. Hér má sjá hópinn sem kemur að messunni. Fréttablaðið/Pjetur
Viktoría
Hermannsdóttir
viktoria@frettabladid.is
2 . a p r í l 2 0 1 6 l a U G a r D a G U r20 h e l G i n ∙ F r É T T a B l a ð i ð
helgin