Fréttablaðið - 02.04.2016, Page 42

Ég er með smá
neðanbeltishúmor,
tala um klám, blæðingar
og píkuna á mér en ég
held að fólki finnist það
gróft af því að það er tabú.
.
Bylgja Babýlons
Þegar Bylgja Babýlons var í leik-
listarnámi leiddist henni klassíska
hliðin á því og reyndi að gera flest
allt fyndið. Það reyndist ekki vin-
sælt og segir Bylgja að það virð-
ist vera að grín sé ekki eins virð-
ingarvert í leiklistarheiminum.
Hún er á annarri skoðun og segir
grín vera mikilvægt. „Fólk sem
finnst ekkert fyndið er ekki fólk
sem aðrir vilja vera í kringum. Ég
þekki engan sem hlær aldrei, ég
hef heyrt að svoleiðis fólk sé til en
það hefur það örugglega ekki gott.
Mig langaði alltaf að prófa uppi-
standið og starfa við það í augna-
blikinu og finnst það voða huggu-
legt.“
Í höfuðið á biblÍupersónu
Nafnið Bylgja Babýlons er ekki
raunverulegt nafn uppistandar-
ans heldur eitthvað sem byrjaði í
gríni og festist svo við hana. Hún
vill ekki gefa upp sitt rétta nafn.
„Mér finnst gaman að fólk viti
ekki hvað ég heiti, það er svolítið
„Bubba Morthenslegt“, það kemur
þannig fílingur að ég sé merki-
legri en ég er kannski,“ segir hún
létt í bragði og bætir við að hún
sé nefnd í höfuðið á Babýlonshór-
unni úr Biblíunni. „Mér var sendur
linkur á hana einhvern tíma og þá
komst ég að því að hún er rosa svöl
pía þannig að ég tók þessu viður-
nefni fagnandi og það hefur fylgt
mér síðustu tíu árin eða svo.“
prófar alls konar
Bylgja hefur komið víða við og
prófað hin ýmsu störf en hún segir
ferilskrána sína vera um tuttugu
metra langa. „Ég var alltaf að
byrja í nýjum störfum en hætti af
því að þau voru ekki skemmtileg
en ég held að ég sé búin að finna
mig í uppistandinu, að ég geti
miðjað mig þar. En ég verð að gera
eitthvað annað með því. Ég var til
dæmis á Domino’s um daginn og
hugsaði að það væri örugglega
gaman að vinna þar. Mig langaði
að prófa og hver veit nema ég geri
það bara, mér finnst nauðsynlegt
að prófa alls konar,“ útskýrir hún.
pÍka og blæðingar
Þessa dagana flakkar Bylgja
um landið með sýninguna Fólk
er óþolandi og kemur hún fram í
kvöld á skemmtistaðnum Mæli-
felli á Sauðárkróki. Sýningin er
nokkurs konar uppskerusýning á
vinnu síðustu tveggja ára eða frá
því hún byrjaði í uppistandinu.
Þegar Bylgja er beðin um að lýsa
uppistandi sínu segir hún að það sé
ekki jafn gróft og fólk haldi. „Ég
er oft bókuð út á að ég sé gróf sem
ég er held ég ekki. Ég er með smá
neðanbeltishúmor, er að tala um
klám, blæðingar og píkuna á mér
en ég held að fólki finnist það gróft
af því að það er tabú. Við höfum
kannski ekki verið að gera nóg
grín að blæðingum,“ segir hún og
játar því aðspurð að fólki finnist
þetta fyndið sem gleðji hana ákaf-
lega því henni finnist það mjög
fyndið sjálfri.
og enginn hló
Allir uppistandarar lenda í því
einhvern tíma að enginn í saln-
um hlær að bröndurunum þeirra.
Bylgja lenti í því í fyrsta skipti
um daginn. „Það var ekki gott. Ég
hafði aldrei lent í því að bomba al-
gjörlega en vissi að það myndi ger-
ast einhvern tímann. Ég man að ég
stóð á sviðinu og heyrði í sjálfri
mér og hugsaði með mér að þetta
væri að gerast núna, móment-
ið sem ég var búin að bíða eftir.
Þetta var hræðilegt en ég gat lítið
gert, kláraði bara mitt og reyndi
að biðjast ekki afsökunar á tilvist
minni,“ segir Bylgja og hlær. „Mér
var hins vegar sagt þegar ég var
að vera mjög dramatísk yfir þessu
að líklega ætti ég eftir að muna
þetta lengur en allir aðrir sem
urðu vitni að þessu.“
Næsta uppistand Bylgju gekk þó
mjög vel. „En ég kveið því mikið af
því að ég hugsaði: „Ef þetta gerist
aftur þá er þetta bara búið, þá verð
ég að finna mér eitthvað annað,
þá verð ég bara að hringja niður á
Domino’s“,“ segir hún hlæjandi og
bætir við að þetta hafi bara gerst í
þetta eina skipti en hún geri sér þó
grein fyrir að það séu allar líkur
á að þetta gerist einhvern tíma
aftur. Í bili er hún búin að finna
sína hillu þó hún þori ekki að full-
yrða um það. „Það getur vel verið
að ég prófi að gera við reiðhjól og
fíli það og fari bara að gera það.“
liljabjork@365.is
er ekki eins gróf
og fólk heldur
Draumur leikkonunnar Bylgju Babýlons er að „gera fyndið og lifa á
því“. Segja má að hún lifi nú þann draum enda hefur hún vakið athygli
að undanförnu fyrir fyndni sína á hinum ýmsu sviðum bæjarins.
Uppistandarinn Bylgja Babýlons segir grín vera mikilvægt. „Fólk sem finnst ekkert fyndið er ekki fólk sem aðrir vilja vera í
kringum. Ég þekki engan sem hlær aldrei, ég hef heyrt að svoleiðis fólk sé til en það hefur það örugglega ekki gott. Mig langaði
alltaf að prófa uppistandið og starfa við það í augnablikinu og finnst það voða huggulegt.“ MYND/ANTON BRINK
Aðalfundur Heyrnarhjálpar
Félags heyrnarskertra á Íslandi
verður haldinn þriðjudaginn 12. apríl 2016 kl. 20.00
í Safnaðarheimili Langholtskirkju 104 Reykjavík
Dagskrá:
Venjuleg aðalfundarstörf
Önnur mál
Félagsmenn eru hvattir til að mæta og taka með sér nýja
félaga.
Rittúlkur á staðnum.
Allir velkomnir.
Stjórnin.
ER Í LOFTINU
SPRENGISANDUR
SIGURJÓN M. EGILSSON OG UMRÆÐA SEM SKIPTIR MÁLI
KL. 10:00 12:00SUNNUDAG
2 . a p r í l 2 0 1 6 l a U G a r D a G U r6 F ó l k ∙ k y n n i n G a r b l a ð ∙ X X X X X X X XF ó l k ∙ k y n i n G a r b l a ð ∙ h e l G i n