Fréttablaðið - 02.04.2016, Qupperneq 100

Um þessar mundir stendur yfir Í Nor-ræna húsinu sýn-ingin The Weather Diaries eða Veður-dagbækurnar sem
sameinar myndir ljósmyndaranna
Cooper & Gorfer og innsetningar
eftir fatahönnuði frá Íslandi, Græn-
landi og Færeyjum. Listamenn-
irnir sem taka þátt í sýningunni auk
Cooper og Gorfer eru þau Barbara I
Gongini, Bibi Chemnitz, Guðrun og
Guðrun, Hrafnhildur Arnardóttir
aka Shoplifter, Jessie Klemmann,
Guðmundur Jörundsson, Kría,
Mundi, Najannguaq Lennert, Niko-
laj Kristensen og Steinunn Sigurðar-
dóttir.
Mótuð af veðri
Steinunn Sigurðardóttir hefur lengi
verið á meðal þekktari fatahönnuða
Íslands og í raun er hún listrænn
ráðgjafi verkefnisins hérlendis. Einn
hluti af mörgum verkefnum hvers
fatahönnuðar er að vinna með ljós-
myndara og hefur samvinna fata-
hönnuðar og ljósmyndara í gegnum
söguna leitt af sér ótrúlegt mynd-
efni. „Ég fór í Norræna húsið og hitti
stjórnanda hússins á fundi með bók
af verkum Cooper og Gorfer til að fá
þær í þetta verkefni. Ég var búin að
skoða vinnu þeirra í gegnum tíðina
því myndefni þeirra hefur snúist
meira um hugarheiminn og söguna
frekar en tísku í því formi sem flestir
þekkja. Norræna húsið samþykkti
þær sem sýningarstjóra og í fram-
haldi lögðust Cooper og Gorfer
yfir verkefnið og með sinni eigin
fagurfræði og tækni í ljósmyndun
festu þær ævintýraheim okkar fata-
hönnuðanna í hreint undraverðu
myndefni.“
Sýningin var fyrst opnuð í Hönn-
unarsafninu í Frankfurt, þaðan
fór hún í Konunglega bókasafnið í
Kaupmannahöfn, Norræna húsið í
Færeyjum, Coda-hönnunarsafnið í
Hollandi, Norræna húsið í Reykjavík,
og þaðan er hún síðan á leiðinni til
Bandaríkjanna.
Sýningin kallast The Weather
Diaries og segir Steinunn að vissulega
höfði veðurfarið sérstaklega til fata-
hönnuða á norðurslóðum. „Veðrið,
sérstaklega yfir vetrartímann, býður
kannski ekki upp á marga valkosti og
það hefur áhrif á hvernig við klæðum
okkur. Hvernig við klæðum okkur er
líka hluti af tjáningu einstaklingsins
og í gegnum söguna hafa föt oft verið
notuð sem hljóðlátt tjáningarform.
Konur hafa notað þetta tjáningar-
form meira en karlmenn og kannski
vegna þess að þær höfðu ekki jafnan
grundvöll fyrir tjáningunni. Fatnað-
ur er því stór hluti af hver við erum,
en við eigum líka í tilfinningalegum
tengslum við land og þjóð og flest
okkar á sýningunni tengdu sig við
ræturnar.“
Minn hugarheimur
Steinunn segir erfitt að meta að hve
miklum hluta verk sýningarinnar
birtist síðan í afrakstri fatahönnuð-
anna í línu þeirra. „Hvað mig varðar
þá er mitt verk mjög persónulegt en
það snýst um son minn. Verkið er stór
innsetning sem síðan var ljósmynduð
og unnið með. Ég hef tekið allt ferlið
til að búa til flík og sett það í einingar
eða „particles“, hvað er það sem gerir
flík að flík. Minn hugarheimur og
tilfinningar gagnvart syni mínum
endurspeglast þarna á margan hátt
en líka minn hugarheimur gagnvart
fatnaði. Ég nýt þessa að fara í ferðalag-
ið til tunglsins áður en framleiðslan
byrjar, þar er minn hugarheimur og
ég frjáls eins og fuglinn.“
Verkið sýnir þúsundir eininga
sem hanga úr loftinu á títuprjónum
og tvinna. Saman mynda þessar
einingar skúlptúrinn sem flestir sjá
sem kjól. Ekkert er saumað fast í
þeim skilningi en það er eins og við
horfum á flík, hún er laus í rýminu
og hangir einungis á þráðum. Verkið
er síðan tekið allt í sundur í lokin og
eftir sitja þá einingarnar einar og sér
í mörgum kössum. Ég hef sett þetta
verk upp fimm sinnum en það tekur
um viku að setja þetta upp með
fjórum til fimm aðstoðarmönnum.“
Steinunn hvetur landsmenn til
að sjá þessa sýningu því hún er
ekki hefðbundin ljósmyndasýning,
heldur frekar ferðalag til tunglsins,
en sýningin er opin alla daga frá kl.
11-17 í Norræna húsinu.
Minn hugarheiMur
og tilfinningar
gagnvart syni MínuM
endurspeglast þarna á
Margan hátt.
Ég nýt þess að fara fyrst í ferðalag til tunglsins
á sýningunni the Weather diaries í norræna húsinu gefur að líta einstakt samspil fatahönnunar
og ljósmynda en steinunn sigurðardóttir fatahönnuður er upphafsmaður verkefnisins.
Steinunn Sigurðardóttir við verk sitt The Space in Between – eða Bilið á milli. Verkið er unnið úr: silkiefni, tulle-efni, fjöðrum, skinni, tvinna og títuprjónum.
Tölvutek • Reykjavík • Hallarmúla 2 • 563 6900 • Akureyri • Undirhlíð 2 • 430 6900 • www.tolvutek.is
SMELLTUÁ KÖRFUNANETBÆKLINGUR Á WWW.TOLVUTEK.IS MEÐ GAGNVIRKUM KÖRFUHNAPP
Örþunnur Slim Bezel VA-LED skjár
með 178° True To Life sjónarhorn og
nýrri True Black tækni sem er algjör
bylting í myndgæðum og skerpu.
29.900
SKJÁR!
27”
15
ÞÚSUND AFSLÁTTURVERÐ ÁÐUR44.900
4BLS
BÆKLINGURSTÚTFULLUR AF NÝJUM SJÓÐHEITUM VÖRUM!
TRUE BLAC
K
VALED
TÆKNI ME
Ð ALLT AÐ
178° SJÓN
ARHORN
Magnús
Guðmundsson
magnus@frettabladid.is
2 . a p r í l 2 0 1 6 l a U G a r D a G U r52 M e n n i n G ∙ F r É T T a B l a ð i ð
menning