Dagblaðið Vísir - DV - 20.12.2019, Side 28

28 FÓKUS 20. desember
Eftirlætisjólasmákökur
Evu Laufeyjar og Lindu Ben
n Tveir matgæðingar og gómsætar smákökur n Jólin í miklu uppáhaldi
S
jónvarpsstjarnan Eva Laufey Kjar­
an Hermannsdóttir prófar ávallt
nýjar uppskriftir fyrir hver jól í
bland við hinar gömlu góðu sem
hún segir ómissandi yfir hátíðina. Hún
segir sörur, piparkökur og marengstoppa
alltaf njóta mestra vinsælda á heimilinu.
Eva Laufey segir smákökubakstur
órjúfanlega hefð á aðventunni enda var
hún alin upp við mikinn bakstur. Hún
minnist ljúfra stunda með mömmu sinni
og ömmu í eldhúsinu. „Mér fannst æðis­
lega gaman að fylgjast með þeim baka
loftkökur, það var mesta sportið. Ég
vissi alltaf upp á hár var kökuboxin voru
geymd þegar ég var lítil enda lunkin að
ná mér í eina og eina smáköku yfir að­
ventuna. Það er svo notalegt að baka á að­
ventunni og ég byrja yfirleitt snemma að
baka og skreyta heimilið. Ég vil helst hafa
heimilið sem lengst í jólabúningi, dagarn­
ir eru dimmir og birtan frá jólaskrautinu
gerir heilmikið fyrir huggulegheitin.“
Þegar talið berst að eftirlætisjólasæl­
gætinu nefnir Eva fyrst konfektmolann
frá Nóa Síríus með marsípanfyllingu. „Ég
elska osta og borða mikið af þeim ásamt
laufabrauði, að mínu mati er það hið full­
komna jólasælgæti. Súkkulaði með rjóma
og jólalög koma mér sömuleiðis í sann­
kallaðan jólafíling en svo horfum við fjöl­
skyldan alltaf á The Grinch sem er í miklu
uppáhaldi hjá okkur öllum. Hún er alltaf
jafn skemmtileg.“
Smákakan sem aldrei má vanta á að­
ventunni segir Eva vera söru enda séu
sörur í sérstaklega miklu uppáhaldi hjá
henni og hennar fjölskyldu. „Ég byrja yfir­
leitt á því að baka þessar kökur fyrir jólin
en það er svo gott að vera búin að því
og geta fengið sér eina og eina í desem­
ber. Það er einnig svo gott að eiga þær í
frystinum og þær geymast mjög vel. Ég
ætla að deila með ykkur uppskriftinni
sem ég geri alltaf fyrir jólin en uppskrift­
in er frá mömmu minni. Þær eru aðeins
grófari vegna þess að við notum hesli­
hnetur í botninn en auðvitað má skipta
þeim út fyrir möndlur.
L
inda Benediktsdóttir er köku­
áhugafólki vel kunn en hún
byrjaði snemma að æfa sig í
eldhúsinu. Hún, rétt eins og
Eva Laufey, minnist ljúfra stunda
með móður sinni og ömmu við
bakaraofninn fyrir jólin. Hún seg­
ist hafa sérstaklega gaman af því að
prófa sig áfram með smákökusort­
ir því útkoman sé nánast alltaf góð.
„Það er mjög mismunandi
hversu mikið við bökum fyrir jólin,
en það er eitthvað sem ég og son­
ur minn höfum alltaf gert saman.
Jólin snúast um að gera skemmti­
lega hluti saman og njóta samver­
unnar, svo mér finnst það varla
vera jólabakstur nema fjölskyldan
taki þátt saman. Sum jól höfum við
nægan tíma til að dúlla okkur í eld­
húsinu, en stundum gefst minni
tími og það er allt í lagi. Mér finnst
betra að setja ekki of mikla pressu
á okkur fjölskylduna, jólin snúast
um að hafa gaman. Jólaskapið
hellist svo yfir mig þegar ég hlusta
jólalög með með stráknum mínum
á meðan við skreytum piparkökur.“
Þegar talið berst að eftirlætis­
jólasælgætinu vefst svarið ögn fyrir
Lindu. „Ég á erfitt með að gera
upp á milli, en ætli það sé ekki
marsípanmolarnir frá Nóa og After
Eight, það kemur í það minnsta
fyrst upp í hugann. Uppáhalds­
jólamyndin er hins vegar National
Lampoon’s Christmas Vacation, á
því leikur enginn vafi.“
Kökurnar sem aldrei má vanta
á aðventunni segir Linda vera
súkkulaðismákökur og deilir hún
með lesendum DV uppskrift að
slíkum. „Þessar kökur hef ég gert
óteljandi oft, en ég lærði það fyrst í
matreiðslutíma í grunnskóla. Upp­
skriftina hef ég geymt í öll þessi ár
enda algjör gersemi.“
n 100 g smjör við stofuhita
n 1 dl púðursykur
n 1 dl sykur
n 1 egg
n ½ tsk. vanilludropar
n 3,5 dl hveiti
n ½ tsk. matarsódi
n ½ tsk. salt
n 70 gróft, brytjað súkkulaði
Setjið smjör, púðursykur og syk­
ur í skál og hrærið þar til blandan
verður létt og loftmikil. Bætið þá
egginu út í og hrærið saman við.
Bætið því næst vanilludropunum
út í. Blandið saman hveiti, matar­
sóda og salti og blandið því saman
við deigið, hrærið eins lítið og þið
komist upp með, hættið um leið og
allt hveitið hefur blandast saman
við. Skerið niður súkkulaðið og
blandið því saman við deigið með
sleikju. Setjið deigið inn í ísskáp og
kælið í 30 mínútur. Kveikið á ofnin­
um og stillið á 170°C og undir­ og
yfirhita. Útbúið kúlur úr deiginu,
ein kúfuð matskeið af deigi er ein
kaka, raðið á ofnplötu með góðu
millibili, bakið í 8–10 mínútur.
Botn:
n 4 eggjahvítur
n 230 g heslihnetur eða möndlur
n 230 g flórsykur
Hitið ofninn í 180°C. Hakkið heslihnet­
urnar eða möndlurnar í matvinnsluvél.
Stífþeytið eggjahvíturnar þar til hægt er að
hvolfa skálinni án þess að hvíturnar renni úr.
Blandið hnetunum og flórsykrinum varlega
saman við eggjahvíturnar með sleikju. Mótið
kökurnar með teskeið og setjið á pappír­
klædda ofnplötu. Bakið í 10–12 mínútur.
Krem:
n 4 eggjarauður
n 1 dl vatn
n 130 g sykur
n 250 g smjör, við stofuhita
n 2–3 msk. kakó
n ½ tsk. vanillusykur eða vanillu-extract
n 1 msk. sterkt, uppáhellt kaffi
Þeytið eggjarauðurnar. Hitið vatn og sykur
þar til það hitnar og verður að sírópi. Hellið
sírópinu saman við eggjarauðurnar í mjórri
bunu og haldið áfram að þeyta. Skerið smjör­
ið í teninga og bætið út í. Næsta skref er að
bæta kakó, vanillu og kaffi út í kremið. Þeytið
í svolitla stund eða þar til kremið verður silki­
mjúkt. Það er ágætt að smakka þetta til á
þessu stigi. Kælið kremið áður en þið setjið
það á kökurnar. Gott er að sprauta kreminu á
kökurnar með sprautupoka eða nota teskeið­
ar til þess að smyrja kreminu á þær. Það er al­
gjört smekksatriði hversu mikið af kremi fer
á kökurnar. Kælið kökurnar mjög vel, helst í
frysti, áður en kökurnar eru hjúpaðar.
Hjúpur
n 300 g súkkulaði
Bræðið súkkulaðið yfir vatnsbaði. Dýfið
kremhlutanum á sörunum ofan í súkkulað­
ið. Gott er að geyma kökurnar í frysti, takið
þær út með smá fyrirvara áður en þið berið
þær fram.
Íris Hauksdóttir
iris@dv.is