Dagblaðið Vísir - DV - 08.11.2019, Page 41

PRESSAN 418. nóvember
sögunnar myndi það draga mjög
úr tekjum þeirra og þess utan
myndu margir læknar og vísinda­
menn standa uppi verkefnalausir.
Það er auðvitað ljóst að stóru lyfja­
fyrirtækin eiga ekki upp á pall­
borðið hjá mörgum en engin gögn
hafa komið fram sem styðja þessa
samsæriskenningu og ólíklegt
verður að teljast að hægt væri að
halda tímamótauppgötvun sem
þessari leyndri því þúsundir ef
ekki milljónir manna yrðu að taka
þátt í að leyna henni. Þá má einnig
hugleiða að það er eiginlega meira
vit í því að selja lækninguna við
krabbameini en leyna henni því
það myndi eflaust gefa meira í
aðra hönd en það sem fæst með
núverandi meðferð við krabba­
meini. Í umfjöllun Forbes um
málið er einnig bent á þá athyglis­
verðu staðreynd að vísindamenn
séu manneskjur og að manneskj­
ur geti ekki þagað yfir leyndarmál­
um og því væri ekki hægt að leyna
uppgötvun á borð við þessa, ekki
einu sinni í einn mánuð.
Geimverur í Stonehenge
Steinarnir í Stonehenge og upp­
röðun þeirra hefur löngum heill­
að fólk og valdið heilabrotum.
Þeir hafa að vonum verið gjöf­
ul uppspretta samsæriskenn­
inga. Ein áleitnasta spurningin í
tengslum við þá er hvernig þeir,
sumir allt að 50 tonn, voru flutt­
ir til Stonehenge og raðað upp á
þann hátt sem þeir standa enn
þann dag í dag. Hjólið var ekki
fundið upp fyrr en um fimm öld­
um eftir að talið er að Stonehenge
hafi verið komið upp og því eru
engin augljós svör við hvern­
ig þessir stóru og þungu steinar
voru fluttir. Margt af því sem vís­
indamenn vita um Stonehenge
er byggt á upplýstum ágiskunum
og rannsóknum sem eru sífellt í
þróun. Niðurstöður einnar þeirr­
ar nýjustu eru að steinarnir hafi
alltaf, að meira eða minna leyti,
verið þar sem þeir eru í dag. En ef
vísindamenn lesa bækur á borð
við „Chariots of the Gods?“ eft­
ir Erich von Däniken þá komast
þeir í kynni við kenningar um að
margar fornar minjar á borð við
Stonehenge, höfuðin á Páskeyju
og pýramídana í Egyptalandi
hafi verið byggðar með tækni og
kunnáttu sem geimverur, sem
líktust guðum, létu mannkyn­
inu í té. En af hverju geimverurn­
ar létu mannkyninu í té upplýs­
ingar um hvernig átti að reisa
steinana í Stonehenge en ekki
upplýsingar um hjólið og gagn­
semi þess er hins vegar stóra
spurningin sem enn hefur ekki
verið svarað af samsæriskenn­
ingasmiðum.
Eðluelítan
„Eðlukenningin“ gengur út á
að eðlur, sem eru í mannslíki,
lifi meðal okkar og hafi það að
markmiði að hneppa okkur í
ánauð og gera okkur að þrælum.
Því hefur verið haldið fram að
bandaríski skemmtikrafturinn
Bob Hope, breska konungsfjöl­
skyldan og George W. Bush og
Bill Clinton, fyrrverandi Banda­
ríkjaforsetar, tilheyri eðlufólk­
inu. Það er sagt vera af ættflokki
Anunnaki sem hafi komið til
jarðarinnar í leit að verðmætum.
Karl Bretaprins er vampíra
Til eru samsæriskenningar sem
ganga út á að Karl Bretaprins
sé vampíra. Ekki kemur fram
hvernig það fer saman við að
tilheyra eðlufólkinu sem hann
hlýtur að gera ef samsæriskenn­
ingin, sem var nefnd til sögunnar
hér á undan, á við rök að styðjast.
En hvað um það. Kenningin um
vampírutengsl Karls á að vissu
leyti sögulegar rætur og byggir
á smávegis staðreyndum. Talið
er að Karl sé afkomandi Vlads
staksetjara sem var fyrirmynd
Drakúla í sögu Brams Stoker.
Prinsinn getur rakið ættir sín­
ar til Vlads staksetjara í gegnum
langalangömmu sína.
Í næstu viku höldum við áfram
umfjöllun okkar um undarlegar
samsæriskenningar. n
Nokkrar af undarlegustu samsæriskenningum síðari tíma – fyrri hluti
n Leyniþjónustan bjó til AIDS n Eðluelítan og dauðdagi Pauls McCartney „Paul is
dead,
miss him,
miss him“
Paul McCartney Sprelllifandi eins og sést.
Getur þetta staðist? Geimverurnar hefðu getað sagt
okkur mikið meira en bara hvernig ætti að raða upp grjóti.