Dagblaðið Vísir - DV - 13.09.2019, Page 60

60 FÓKUS - VIÐTAL 13. september 2019
Brýtur blað í íslenskri
kvikmyndasögu
n Steindi Jr. með „gay vampírumynd“ í pípunum n Frumsýnir „vonandi“ í
október n Tökur ekki hafnar
S
kemmtikrafturinn Stein-
þór Hróar Steinþórsson,
Steindi Jr., vinnur hörð-
um höndum um þessar
mundir að sjónvarpsseríunni
Góðir landsmenn. Það sem
grínarinn átti þó ekki von á var
að annað verkefni bærist honum
í hendur á sama tíma; kvikmynd
í fullri lengd. Myndin ber heitið
Þorsti og lýsir Steindi henni sem
„gay vampíru sprautuklámmynd
með trúarlegu ívafi“. Áætlað er
að frumsýna þessa kvikmynd í
næsta mánuði ef allt gengur vel.
Kynningarefni fyrir myndina er
allt komið í farveg og fór í vinnslu
áður en stafur var skrifaður í
handritið. En fyrst þarf að ýta á
„REC“-takkann.
Verkefnið er unnið í sam-
starfi við áhugamannaleikhóp-
inn X og Hjört Sævar Steinason,
sem hefur verið virkur í jaðarleik-
hússenunni í Reykjavík. Steindi
auglýsti nýverið á samfélagsmiðl-
um eftir leikstjóra til að leikstýra
myndinni og gekk leitin vel að
sögn grínarans.
„Ég er búinn að leita að leik-
stjóra og það er ein stelpa sem
heitir Kristín sem vann hjá Fróni,
hún hefur mikinn áhuga á þessu.
Hún hefur ekki mikla reynslu en
hefur allavega séð fjölda hryll-
ingsmynda, þannig að ég held
að hún setji svolítið ferskan blæ
á þetta.“
Steindi segist þó vera þræl-
vanur að vinna undir álagi og seg-
ir ferlið ekki vera neitt nýtt hjá sér,
þó svo að yfirvofandi frumsýning
sé á tæpasta vaði. „Við fórum til
Sambíóanna og þeir gáfu okkur
dagsetningu. Það var 25. október
og ég veit að það er ógeðslega
stutt í þetta. Við erum ekki með
„trailer“ og við erum ekki með
myndina, enda ekki búnir að
ýta almennilega á „REC“ ennþá.
Það er allt í gangi og allt á millj-
ón. Þetta er mjög mikið stress. Ég
á fyrst og fremst að vera að
einbeita mér að sjón-
varpsseríu,“ segir
hann.
Skuldadagar
kvikmyndabransans
Kveikjan að Þorsta kom frá því
að búa til verkefni fyrir áhuga-
mannaleikhópinn X og ekki síst
Hjört Sævar, sem að sögn Steinda
á trúlega ekki langt eftir ólifað.
Þorsti kynni að verða hans fyrsta
og síðasta mynd.
„Þau í hópn-
um eru búin
að vera
aukaleikar-
ar í meira
en tíu ár og
örugglega
búin að
leika í fleiri
myndum
saman-
lagt en allir
leikarar á
Íslandi.
Þau fá
sjaldnast línur og eru hópur af
aukaleikurum,“ segir Steindi.
„Þau eru búin að gera ýmis-
legt saman og tóku meira að segja
upp heila sjónvarpsseríu. Serían
heitir Hótel hamingja. Þau fóru
með þættina upp á Stöð 2, upp
á RÚV, út um allt og fengu alltaf
hart nei. Allar dyr eru alltaf lok-
aðar hjá þessu fólki. Ég ætl-
aði bara að gera minn
viðtalsþátt og þá hitti
ég þennan aukaleikara
og hann sagði mér frá
þessu. Ég fór og talaði
við Þórhall Gunnars-
son, forstjóra Sýnar
og minn yfirmann, og
ég spurði hann hvort
hópurinn hefði sótt
um hjá þeim og það
stemmdi allt.
Ég spurði hvort ekki
væri hægt að koma þeim
fyrir á morgnana, eftir
miðnætti eða
eftir barna-
tímann. Það gæti hafa verið smá
vitleysa í mér að hafa lofað Hirti
að ég gæti reddað þessu. Ég ákvað
þá að gera með honum og leik-
hópnum hans heila bíómynd.
Mér finnst kvikmyndabransinn
á Íslandi hreinlega skulda þessu
fólki tækifæri, línur og aðalhlut-
verk.“
Þá segir Steindi að áhuga-
mannaleikhópurinn sé í fullum
undirbúningi núna að æfa text-
ana sína. „Hjörtur á mjög erfitt
með að læra texta og leggja hann
á minnið. Svo var ég mjög þakk-
látur fyrir að fá Kristínu þarna
inn,“ segir hann.
Lofar „ógeðslega“ miklu blóði
Steindi lýsir Hirti sem æðislegum
manni með ótrúlega sögu. „Hann
lenti í bílveltu fyrir þónokkuð
mörgum árum og eftir það hefur
hann átt erfitt með að muna texta.
Hann er að glata vondum minn-
ingum og líka þessum góðu, enda
almennt með slæmt minni,“ segir
hann.
„Ég veit að ég á bara að einbeita
mér að þessum sjónvarpsþætti,
en það er eitthvað í mér sem segir
að ég verði að klára þessa mynd
fyrir félaga minn. Ég hefði verið
til í að hafa hana mikið seinna, en
við fengum þessa dagsetningu og
þurfum að standa við hana.“
Steindi viðurkennir þó að Þorsti
sé ekki kvikmynd sem sé ætluð
hverjum sem er, enda „gay-vam-
pírumynd“ og sú fyrsta sinnar
tegundar á Íslandi.
„Þetta er „splatter“-mynd og
ég get lofað ógeðslega miklu af
blóði. Ég myndi persónulega ekki
vilja að amma mín horfði á þessa
mynd. Hún verður alltaf bönnuð
innan 16, alveg 100 prósent. Það
kæmi mér í rauninni ekkert á óvart
ef hún yrði bönnuð yfirhöfuð,“
segir Steindi.
Við erum ekki að elta kvik-
myndahátíðir með þessari mynd.
Þetta á að vera hreinræktað popp-
-og-kók bíó. Þetta er mynd fyrir
fólk sem elskar að horfa á bíó og
vera skíthrætt. Ég held að hvert
einasta barn á Íslandi verði skít-
hrætt við Hjört eftir að hafa horft
á þessa mynd. Hann er óhugnan-
legur fyrir.“
Þá bætir grínarinn við að
myndin sé alls ekki dýr, þvert á
móti afar ódýr og krefst þá fram-
leiðslan sniðugra lausna við hvert
horn. „Ég veit ekki hvort ég eigi
að þora að segja töluna en það
er alveg pottþétt hægt að kaupa
þónokkra bragðarefi í miðstærð
fyrir þennan „budget“-pening,“
segir hann og krossleggur fingur
fyrir að frumsýning náist í tæka tíð.
„Ég er þannig, að ef ég byrja á
einhverju þá verð ég að klára það
og ég ætla að klára þessa mynd!
Hún kemur í bíó í næsta mánuði,
sama hvað og hvernig hún verð-
ur, þótt ég þurfi að skjóta endinn
á henni á Samsung-símann
minn.“ n
Tómas Valgeirsson
tomas@dv.is
„Það er ein stelpa sem
heitir Kristín og vann
hjá Fróni, hún hefur mikinn
áhuga á þessu.
Varningurinn kominn. Næst
þarf bara að hefja tökur.
Hjörtur Sævar Steinason.
M
Y
N
D
: A
Ð
SE
N
D
M
Y
N
D
: A
Ð
SE
N
D