Fréttablaðið - 22.10.2015, Blaðsíða 60

frjálsar Arnar Helgi Lárusson
er mættur til Doha í Katar þar sem
hann mun taka þátt í þremur greinum
á HM fatlaðra í frjálsum íþróttum en
mótið hófst í gær. Arnar Helgi er 39 ára
gamall Njarðvíkingur.
Í dag mun Arnar Helgi keppa í 100
metra hjólastólaspretti og þremur
dögum síðar er komið að 200 metra
keppninni. Hann lýkur svo keppni
þann 27. október er hann tekur þátt í
400 metra keppninni.
„Ég er bestur í 100 metra sprettinum
þó svo ég hafi gert margt annað í stóln-
um eins og að taka maraþon. Ég hef
tekið maraþon í móti á tveimur tímum
og tveimur mínútum. Á æfingu hef ég
farið á einum tíma og 46 mínútum.“
Arnar Helgi er með auga á að kom-
ast inn á Ólympíumót fatlaðra næsta
sumar en til þess að komast þangað
þarf hann að fara metrana 100 á 16
sekúndum.
„Ég á best 17,77 sekúndur í dag en ég
hef farið undir 16 sekúndur á æfingu.
Á síðustu mótum var bleyta og annað
sem stóð í vegi fyrir því að maður næði
þeim árangri sem stefnt var að,“ segir
Arnar Helgi en veðuraðstæður ættu
þó ekki að vera honum í hag í hit-
anum í Doha.
„Það er bara spurning með vind-
inn. Hvort hann sé í bakið á manni
eða á móti. Það skiptir miklu máli.
Við erum auðvitað lélegir af stað en
við viðhöldum hraðanum mjög vel
er við komumst á siglinguna. Þetta
hefur allt verið upp á við hjá mér og
ég er alltaf að bæta mig. Markmiðið
hjá mér á þessu móti er að tryggja
mig inn á Ólympíumótið í 100 metr-
unum. Ég ætla svo að reyna að bæta
mína tíma í hinum vegalengdunum.“
Þessi metnaðarfulli íþróttamaður
á sér fleiri markmið á þessu móti en
að tryggja sér farseðilinn til Ríó.
„Ég er með lakasta tímann af þeim
18 keppendum sem tryggðu sig inn
á mótið og aðalmarkmiðið er að ná
betri árangri en einhver af þeim. Svo
skiptir alltaf máli hvernig brautin
er. Hvort hún sé hröð eða hæg. Ég
hef heyrt að hún sé ekkert sérstak-
lega hröð. Það skiptir ekki máli því
ég ætla samt að slá Íslandsmet. Ég er
alveg ákveðinn í því.“
Ólíkt eflaust einhverjum þá óttast
Arnar Helgi ekki hitann í Doha þar
sem hann segist kunna vel við sig í
miklum hita.
„Mér líkar vel við góða veðrið.
Maður stífnar síður upp í svona
aðstæðum og þetta verður bara
gaman. Ég fer út með fínt sjálfstraust
enda hef ég verið miklu stöðugri í
æfingum upp á síðkastið og nú þarf
ég bara að negla á það.“
Ætlar sér að komast á ÓL í Ríó 2016
Njarðvíkingurinn Arnar Helgi Lárusson hefur leik á HM fatlaðra í frjálsum íþróttum í dag. Hann ætlar sér stóra hluti í Doha og setur
stefnuna á að komast á Ólympíumótið í Ríó í Brasilíu á næsta ári. Arnar keppir bæði í 100 og 200 metra hjólastólaspretti á HM.
handbolti Ungverska stórliðið
Veszprém er í leit að þjálfara þessa
dagana en félagið lét þjálfara
félagsins, Antonio Ortega, róa eftir
að liðið náði aðeins jafntefli í fyrstu
umferð Meistaradeildarinnar gegn
Wisla Plock.
Við starfinu tók aðstoðarmaður
hans, Xavi Sabate, og undir hans
stjórn hefur liðið verið á mikilli
siglingu enda frábærlega mannað.
Besta lið Evrópu að margra mati.
Aron Pálmarsson er ein af stjörnum
liðsins.
Lino Cervar, fyrrverandi lands-
liðsþjálfari Króatíu, var einn af
fyrstu mönnunum til að vera
orðaður við starfið eftirsótta en
síðan fjölgaði nöfnunum. Patrekur
Jóhannesson hefur til að mynda
verið orðaður við starfið.
„Ég vil ekkert vera að tala um það
núna,“ segir Patrekur sposkur er
hann er spurður út í málið.
P a t r e ku r e r k o m i n n í
f u l l t st a r f h já a u st u r r í s ka
handknattleikssambandinu þar
sem hann þjálfar karlalandslið
þjóðarinnar.
„Það eru margir orðaðir við starf-
ið og ég sá að ég var þar á meðal. Það
er svo sem ekkert meira um það að
segja núna,“ segir Patrekur, en er
eitthvað í samningi hans við Austur-
ríkismenn sem útilokar þann mögu-
leika að hann taki við Veszprém?
„Ég hef þjálfað bæði Hauka og
Val samhliða starfinu hjá Austurríki
þannig að það er ekkert sem meinar
mér að þjálfa annað lið utan Austur-
ríkis. Ég má aftur á móti ekki þjálfa
neitt félag í Austurríki.“
Íslenskir þjálfarar hafa heldur
betur verið að gera það gott í alþjóð-
legum handbolta á síðustu árum og
Patrekur hefur náð mjög eftirtektar-
verðum árangri með lið Austurríkis
þannig að það þarf ekki að koma
á óvart að ungverska liðið sýni
honum áhuga. – hbg
Patrekur mætti þjálfa lið Veszprém
Patrekur hefur náð flottum árangri
með Austurríki. FréttAblAðið/EvA
www.netto.is Frábær tilboð!
HEIL ÖND
FROSIN - 2,1 KG
998
ÁÐUR 1.899 KR/KG
-48%
Henry Birgir
Gunnarsson
henry@frettabladid.is
Það liggur ómældur tími í
hönnun og hugsun. Smíðin
sjálf hefur tekið svona þrjár
vikur. Allir stólar í þessari
íþrótt eru sérsmíðaðir. Þetta
þarf að vera eins og skór.
Þetta þarf að smellpassa og
ég þarf að troða mér ofan í
stólinn.
Arnar Helgi
Lárusson
Aldur
39 ára
Félag
Njarðvík
besti árangur í 100 metra
spretti
17,77
sekúndur
Arnar Helgi er eini
Íslendingurinn sem hefur
keppt í hjólastólaspretti
en það hefur hann gert
síðan 2012.
2 2 . o k t ó b e r 2 0 1 5 f i M M t U d a G U r36 s p o r t ∙ f r É t t a b l a ð i ð