Tímarit hjúkrunarfræðinga - 2016, Page 11

Fagið03/03
Víða á Norðurlöndum
hefur verið unnið markvisst
að því að fjölga karlmönnum
í hjúkrunarstéttinni og til þess
farið af stað með herferðir, þá
sér í lagi á samfélagssíðunni
Facebook. Í nýlegu tölublaði
breska hjúkrunartímaritsins
Nursing Standard er fjallað um
bandarísku herferðina „Are you
man enough ... to be a nurse?“
Herferðinni, sem er frá árinu
2002, var beint að nemendum
allt frá grunnskólum til háskóla
þvert yfir Bandaríkin og 14
árum síðar er enn verið að
setja sig í samband við fram-
kvæmdaraðilana til að fá að nota efni þeirra. Í Bandaríkjunum er
hlutfall karl-hjúkrunarfræðinga að meðaltali 7% en 12% í Oregon-
fylki, þar sem herferðinni var hleypt af stokkunum.
Félag íslenskra hjúkrunarfræðinga mun á næstunni setja upp
Facebook-síðu um karlmenn í hjúkrun líkt og gert hefur verið í
Danmörku og Noregi og og kynna þar fjölbreytt störf karlmanna sem
hjúkrunarfræðinga. Markmiðið er að kynna fyrir fólki að hjúkrunar-
fræði er spennandi kostur fyrir karla -- ekki síður en konur -- og býður
upp á fjölbreytt atvinnutækifæri hér á landi og úti um allan heim.