Fréttablaðið - 12.12.2002, Side 36

36 12. desember 2002 FIMMTUDAGUR
TÓNLIST
TÓNLIST Það var ekki öfundsvert
hlutverk hjá Rottweiler að þurfa
að fylgja á eftir fyrstu breiðskíf-
unni, sem sló svo rækilega í
gegn fyrir síðustu jól.
Önnur breiðskífa sveitarinn-
ar, „Þú skuldar“, olli mér von-
brigðum. Á diskinum eru 12 lög
og þrjú þeirra eiga skilið að vera
þar en restin er bara rest – upp-
fylling.
Þrátt fyrir að platan hafi á
heildina litið verið langt frá því
að uppfylla væntingar mínar, þá
verður ekki framhjá því litið að
nokkrum sinnum tekst
Rottweilerhundunum einkar vel
upp. Sérstaklega er Bent góður í
„Vaknaðu“ og þá er titillag plöt-
unnar einnig verulega gott.
Þessi tvö lög eiga það sammerkt
að undirtónninn í þeim er klass-
ískur, þar sem gítar og selló
leiða laglínuna áfram. Jihad er
einnig ferskt lag með hápólitísk-
um texta. Þetta þrennt dugir
bara ekki til að rífa plötuna upp
úr algjörri meðalmennsku.
Rappið á Íslandi er svolítið
eins og stangarstökk kvenna,
það er tiltölulega auðvelt að
bæta metið – verða bestur. En
það verður sífellt erfiðara.
Rottweiler, Móri á metið í dag og
„þið skuldið“ okkur eina góða
plötu.
Trausti Hafliðason
X ROTTWEILER:
Þú skuldar
Þið skuldið
M I Ð B O R G A R
GJAFAKORTIÐ
Allur pakkinn
í einni jólagjöf
N
O
N
N
I O
G
M
A
N
N
I |
Y
D
D
A
TÓNLEIKAR Breska rokkhjómsveitin
Coldplay hefur ákveðið að spila
fram öllum tækjabúnaði sínum á
tónleikum sínum í Laugardalshöll.
Piltarnir hafa upp á síðkastið verið
á tónleikaferð um Bandaríkin með
risaskjái og afar sérstaka sviðs-
mynd. Hún er ansi mikil í smíðum
og var því ekki búist við því að hún
myndi fylgja sveitinni hingað, aðal-
lega vegna gífurlegs flutnings-
kostnaðar til landsins.
Samkvæmt fréttatilkynningu
tónleikahaldara vildu liðsmenn gera
tónleikana sem eftirminnilegasta
fyrir áhorfendur. Þess vegna var
ákveðið að taka allan búnaðinn með
þrátt fyrir kostnað og aukið erfiði.
Góðu drengirnir í Coldplay vilja
greinilega óska landsmönnum gleði-
legra jóla.
En eru um 500 miðar eftir á tón-
leika Coldplay og Ash í Laugardals-
höll þann 19. desember. ■
Coldplay sparar ekki í tækjaflutningi:
Mæta með risaskjái í Höllina
COLDPLAY
Enn eru um 500 miðar eftir á tónleika Coldplay og Ash í Laugardalshöll
þann 19. desember.
FÓLK Jule Mark Lusman, einn þeir-
ra lækna sem útfyllti lyfseðla á
sterk verkjalyf fyrir Winonu
Ryder, hefur verið sviptur lækn-
ingaleyfi sínu. Við athugun á ferli
hans hefur komið í ljós að Lus-
man hafi oft farið í húsvitjanir til
fjölda frægs fólks í Hollywood og
nágrenni. Þar er hann ásakaður
um að hafa framkvæmt yfir-
borðskenndar athuganir og svo
fyllt út lyfseðla fyrir sterk og
ávanabindandi verkjalyf. Lus-
man er skráður sem sérfræðing-
ur í skurðaðgerðum með leysi-
geisla. Lusman sagði í blaðavið-
tali að meðferðin á sér væri
óréttlát. Þó nokkuð er um að
læknar skrifi út sterk verkjalyf
fyrir „sárþjáðar“ stjörnur í
Hollywood. ■
Winona Ryder:
Læknirinn fær
reisupassann
„SÁRÞJÁÐAR“ STJÖRNUR
Winona Ryder hafði lyfseðilsskyld
verkjalyf undir höndum er hún var
handtekin.
NICK CAVE
Óhætt er að segja að tvennir tónleikar ástralska tónlistarmannsins Nick Cave hafi vakið
mikla lukku. Hann kom fram ásamt sveitinni Dirty Three, sem vanalega sér ekki um
undirleik fyrir hann á tónleikum, og færði það tónleikunum allsérstakt yfirbragð. Cave
lék valin lög af ferli sínum en þó aðallega af plötunum „The Boatman’s Call“ og „No More
Shall We Part“. Hann laumaði þó með eldri slögurum á borð við „The Mercy Seat“,
„Stagger Lee“ og lagi frá árum sínum í The Birthday Party, „Wildworld“. Í gær skoðaði
Cave land og þjóð og skellti sér meðal annars í Bláa lónið.