Læknablaðið - nov. 2018, Side 38

518 LÆKNAblaðið 2018/104
Það á ekki að vera hlutverk heilbrigðis­
starfsmanna að tilkynna óskráða innflytj­
endur, segir sérfræðingur í málefnum
þeirra.
Gerðu vinnustaðinn þinn að öruggu
svæði fyrir óskráða innflytjendur, hvatti
Alyna Smith til. Hún er ráðgjafi hjá PIC­
UM sem eru frjáls félagasamtök sem
vinna að því að auka virðingu fyrir mann­
réttindum óskráðra innflytjenda í Evrópu.
Umræða um heilbrigðisþjónustu fyrir
óskráða innflytjendur fór fram í Kaldalóni
undir stjórn Andrésar Magnússonar lækn­
is á öðrum degi ráðstefnunnar og voru
þrjú í pallborði. Auk Alynu, Tomas Linden
frá sænska læknafélaginu og Ulrich Clever
frá því þýska.
Tomas Linden sagði að aldrei ætti að
velja lakari meðferð fyrir þá sem standa
verr í samfélaginu. „Við eigum alltaf
að velja bestu mögulegu lausnina fyrir
einstaklinginn, óháð lagalegri stöðu hans.“
Clever benti á að Jórdanía, Líbanon
og ríki í kringum Venesúela væru í meiri
vandræðum vegna innflytjenda en Þýska­
land eða önnur Evrópuríki. „En Þýskaland
hefur tekið við flestum vegna Sýrlands­
stríðsins.“ Það hafi verið afar krefjandi
að taka á móti einni milljón flóttamanna
á einu bretti árið 2015. Aldrei höfðu fleiri
sótt til landsins, ekki einu sinni vegna
stríðsins í Júgóslavíu. Reglur voru aðlag­
aðar svo flóttamenn sem þurftu heilbrigð­
isþjónustu gætu sótt sér aðstoð.
Alyna greindi frá því hvernig ýmis
evrópsk stjórnvöld hefðu á síðustu árum
reynt að fá heilbrigðisyfirvöld til þess að
tilkynna ef óskráðir innflytjendur nýttu
þjónustuna. Skýrasta dæmið hefði verið í
Bretlandi. Fjölmargir læknar hefðu mót­
mælt þessu hlutverki.
„Þú hefur rödd og það sem þú gerir
skiptir máli,“ sagði Alyna og benti á að
ekki þyrfti að standa úti á götu til þess að
mótmæla slíku athæfi. Fjöldi leiða væri
innan hverrar heilbrigðisstofnunar til að
berjast gegn slíku hlutverki. Hún gaf heil­
ræði, meðal annars:
• Verndaðu heilbrigðisgeirann fyrir því
að vera handbendi yfirvalda gegn inn­
flytjendum.
• Settu þig í samband við samtök sem
þekkja hvernig komið er í veg fyrir að
óskráðir innflytjendur njóti heilbrigð­
isþjónustu og finndu út úr því hvað þú
getur gert í því.
• Bentu yfirvöldum á skuldbindingar
sínar á sviði mannréttinda og lýðheilsu,
sem og læknisfræðilegrar siðfræði og
samfélagsleg gildi.
• Veittu örugga þjónustu með því
að vernda friðhelgi einkalífsins og
persónuupplýsingar viðkomandi.
Óskráðir innflytjendur
í skjóli innan heilbrigðiskerfisins
Alyna Smith með Tomas Linden frá sænska læknafélaginu á vinstri hönd og Ulrich Clever frá því þýska á hægri.
Mynd/gag
■ ■ ■ Gunnhildur Arna Gunnarsdóttir
Jóhanna Jónsdóttir hjúkrunarfræðingur
hugar að flóttamönnum í leiðangri sendi-
fulltrúa Rauða kross Íslands á Miðjarðarhafi
í nóvember 2016. Mynd/Rauði krossinn