Hugur og hönd - 01.06.1985, Side 19

sem þar hangir uppi, á meðan hún sagði
frá:
„Eftir að leitað var til mín og ég beðin
um mynd,“ segir Rúna, „fór ég að velta
fyrir mér hvers konar mynd hæfði best
þessum saumi. Eftir að ákveðið hafði
verið að Anna Höskuldsdóttir saumaði
myndina fórum við fljótlega að tala
saman um verkið, og ég man að við
fórum á Þjóðminjasafnið og skoðuðum
þar refilsaumuð klæði til þess að gera
okkur betur grein fyrir möguleikunum
sem saumurinn hefur upp á að bjóða.
Klæðin á Þjóðminjasafninu eru öll fíg-
úratív, og mér fannst vel við hæfi að
þetta teppi yrði það líka.“
Teppið er 80x182 cm að stærð og
saumað í bláan ullardúk frá Álafossi.
Rúna segist fyrst hafa verið að velta
fyrir sér, hvort hún gæti notað hvítan
eða ljósan lit í grunninn, en svo hafi sér
fundist blái liturinn táknrænni fyrir
ísland.
„Það er orðið nokkuð langt síðan ég
hef skoðað teppið, og mér finnst núna
að það hefði ef til vill verið enn
skemmtilegra að grunnurinn hefði
verið fylltur, eins og gert var á gömlu
klæðunum. En liturinn á voðinni er fal-
legur og í samræmi við þann íslenska
blæ sem ég vildi reyna að gefa teppinu,“
segir Rúna.
Rúna gerði nákvæma litaskissu að
myndinni og auk þess teikningu í fullri
stærð. „Það var mikið nákvæmnisverk
að teikna á voðina. Svona fígúrur eru
vandmeðfarnar,“ segir Anna.
Garnið líkast litum
Gamið, sem myndin er saumuð með
er jurtalitað kambgarn og eingirni, auk
þess sem nokkuð er notað af hör. Hár
kvennanna á myndinni og augu er
saumað með svörtu togi, og Anna
skýtur inn í: „Togið spann Sigríður
Halldórsdóttir skólastjóri fyrir mig, en
það var af svartri kind, sem ég átti. Eitt-
hvað alveg sérstakt þurfti í augun, því
þau eru svo ákveðin. Ég verð að viður-
kenna að það var með því flóknara í
saumaskapnum að fá línurnar í hárinu
nógu léttar.“
„Það er alveg ótrúlegt, hvað hægt er
að fá af garni. Það er gríðarlega fallegt,
og jafn gaman að gramsa í því og að
gramsa í litum,“ bætir Rúna við.
-Hafa fleiri myndir eftir þig orðið
fyrirmyndir að útsaumi?
„Nei, ég held að ekki hafi verið unnið
neitt þessu líkt eftir myndunum mínum
fyrr eða síðar,“ segir Rúna.
—Og Önnu spyrjum við hvorthún gœti
hugsað sér að sauma aðra mynd álíka?
„Ég myndi gjarnan vilja vinna aðra
mynd með Sigrúnu. Það var sérstaklega
gaman að vinna að þessu verkefni. Þau
hjón komu oft til mín og við áttum
skemmtilegar stundir saman yfir mynd-
inni, á meðan ég var að sauma hana.“
„Það er vandaverk að færa blæbrigði
málaðrar myndar yfir í saumað teppi en
Anna vann verkið af mikilli alúð og
skilningi,“ segir Rúna.
Rúna segist ekki muna nákvæmlega
hvaðan hugmyndin sé komin að mynd-
inni á teppinu, en á því má sjá þrjár
konur og litla telpu, fugla, blóm og
fjöll. Myndin heitir Vorkoma eins og
áður hefur komið fram, og nú er það
Gestur Þorgrímsson, maður Rúnu, sem
grípur fram í:
„Ég man að þú fékkst hugmyndina að
myndinni niðri við Tjörn. Þar eru alltaf
konur á öllum aldri, krakkar og mikið
fuglager. .
Sigrún Guðjónsdóttir - Rúna
Listakonuna Rúnu er nær óþarft að
kynna, svo þekkt er hún af verkum
sínum. Hún erfædd í Reykjavík, stund-
aði nám við Myndlista- og handíða-
skóla íslands 1942 til 1945 og síðan við
Listaháskólann í Kaupmannahöfn
1946-1947. Hún hefur tekið þátt í
mörgum samsýningum og haldið
margar einkasýningar, þá fyrstu árið
1968, en tók fyrst þátt í samsýningu árið
1950. í ár, 1985, hefur hún unnið að
veggskreytingu í Hásselbyhöll í Svíþjóð
í samvinnu við mann sinn Gest Þor-
grímsson. Frá miðju sumri 1985 voru
þau hjón í Sveaborg í Finnlandi, þar
sem þeim bauðst að dveljast og vinna
um hálfs árs skeið. Rúna vann þar
meðal annars að því að teikna myndir á
flísar fyrir þýska stórfyrirtækið Villeroy
& Boch sem gerði við hana samning
vorið 1985 um skreytingar á flísum sem
framleiddar verða fyrir heimsmarkað á
næstu árum.
Anna M. Höskuldsdóttir
Anna stundaði nám við Bergenholtz
Dekoration Fagskole í Kaupmanna-
höfn 1961-1962. Hún lauk kennara-
prófi úr Handavinnudeild Kennara-
skóla íslands árið 1971. Anna hefur
verið stundakennari við Heimilisiðnað-
arskólann frá 1978.
Fríða Björnsdóttir
1. Hluti af Vorkomu.
2. Vorkoma, refilsaumað veggklæði,
80x181 cm.
Ljósmyndir: Guðmundur Ingólfsson.
2.
HUGUR OG HÖND 19