Hugur og hönd - 01.06.1997, Blaðsíða 46

Munstur ofið:
Þegar komið er að munstri, er papp-
írsform mátað við uppistöðu og
brún þess látin nema við síðasta fyr-
irdrag. Um 1/2 cm ofan við síðasta
fyrirdrag er merkt við útlínur
munsturs, t.d. með skærlitum spott-
um, sem lagðir eru niður á milli
þráðanna til að afmarka hvar munst-
ur á að vera fyrir næsta fyrirdrag.
Hafið báðar skyttur sömu megin
þegar byrjað er að vefa munstur.
Stigmunstur fyrir munsturfyrirdrög
4. fyrirdrag, stig fyrir munsturflöt
4. fyrirdrag, stig fyrir grunnflöt
3. fyrirdrag, stig fyrir munsturflöt
3. fyrirdrag, stig fyrir grunnflöt
2. fyrirdrag, stig fyrir munsturflöt
2. fyrirdrag, stig fyrir grunnflöt
1. fyrirdrag, stig fyrir munsturflöt
1. fyrirdrag, stigfyrir grunnflöt
1. Dökkt ívaf frá hægri til vinstri:
Nú er stigið á 1. skammel og
fjölin lögð inn í skilið að fyrri
munsturmerkingu.
2. skammel er nú stigið niður
og haldið er áfram að ýta fjölinni í
gegnum skilið sem nú myndast,
að seinni munsturmerkingu.
Þá er stigið aftur á 1. skammel
og fjölinni ýtt áfram inn í skilið þar
til hún liggur þvert á alla þræði.
Fjölinni er nú ýtt að skeið, reist
upp á rönd og haldið þannig. Far-
ið er með dökkt ívaf í gegnum
skilið sem fjölin myndar, gefið
hæfilega upp í, fjölin tekin út og
ívafið slegið að.
2. Ljóst ívaf frá hægri til vinstri:
Munsturmerkingar eru látnar
óhreyfðar.
Byrjað er á að stíga á 2. skamm-
el og fara með fjöl í skilið að fyrri
munsturmerkingu. Þægilegast er
að ýta hjálparfjölinni alltaf í skilið
frá sömu hlið. (Hægra megin frá
fyrir rétthenta.)
1. skammel stigið niður meðan
fjöl er ýtt í skilið milli munstur-
merkinga. Og aftur stigið á 2.
skammel og fjöl ýtt inn í skilið.
Fjöl reist upp á rönd við skeið og
ofið með ljósu ívafi á sama hátt og
áður með dökku.
Nú eru báðar skyttur vinstra
megin. Munsturformið er lagt við
síðasta fyrirdrag og tyllt niður í
það með títuprjónum. Formið er
mátað við þræðina og merking-
arnar færðar til og lagðar niður á
milli þráða við útlínur munsturs.
Munsturformið er brotið yfir voð-
ina á meðan ofið er til að hægt sé
að slá vefinn.
3. Dökkt ívaf frá vinstri til hægri:
Stigið er á 3. skammel, fjöl ýtt í
skilið að fyrri munsturmerkingu.
4. skammel stigið og fjöl ýtt í skil-
ið að seinni munsturmerkingu.
Aftur er stigið á 3. skammel og fjöl
ýtt áfram inn í skilið. Fjöl reist upp
á rönd við skeið. Ofið með dökku
ívafi eins og áður en gæta þarf að
því að víxla skyttum við jaðar
þannig að báðir ívafslitir hylji
alltaf jaðarþræði.
4. Ljóst ívaf frá vinstri til hægri:
4. skammel stigið niður og fjöl
lögð inn í skil að fyrri munstur-
merkingu. 3. skammel stigið niður
meðan fjöl er ýtt í skilið milli
munsturmerkinga. Aftur er stigið
á 4. skammel og fjöl ýtt áfram inn
í skilið og reist upp á rönd. Ofið
með ljósu ívafi eins og áður.
Merkingar færðar til eftir papp-
írsformi.
Aðrir munsturmöguleikar
Ekkert er því til fyrirstöðu að vefa
tvö eða fleiri munsturform í einu,
en því seinlegra sem skiptingar
milli skammela eru fleiri.
Einnig er hægt að hafa fleiri liti
í mottunni.
Hrein munsturskil er hægt að fá
með því að byggja munsturfleti
upp á láréttum línum og skálínum
sem hliðrast til um tvo þræði við
annað hvert fyrirdrag. Þannig er
hægt að gera t.d. lágreista tígla,
skálínur eða skáskorna fleti.
Frágangur
Gengið er frá mottu með því að
hnýta saman 4 uppistöðuþræði og
leggja aukaþræði með í hnút til að
kögur verði gerðarlegra.
Herborg Sigtryggsdóttir,
vefnaðarken nari
Ljósmyndir: Guðmundur
Ingólfsson/ímynd
Teikningar: Herborg
Sigtryggsdóttir
Mikið úrval af eftti
til föndurgerðar
G4RN og
Smiðjuvegi 68 (gul gata) • Sími 564 3988
46 Hugur og hönd 1997