Bændablaðið - 22.02.2018, Blaðsíða 26

26 Bændablaðið | Fimmtudagur 22. febrúar 2018
„Viðtökurnar hafa farið fram
úr okkar björtustu vonum,“
segir Jóhannes Valgeirsson,
framkvæmdastjóri hjá Hjalteyri
Sea Snack.
Fyrirtækið setti á markað um
síðustu mánaðamót nýja vöru, Kalda
bjórsnakk (Kaldi Beersnack), sem
svo sannarlega hefur fallið í kramið
hjá neytendum.
Félagið setur vöruna á markað
í samstarfi við Bruggverksmiðjuna
Kalda á Árskógssandi, sem framleiðir
bjórinn Kalda og rekur að auki
Bjórböðin. Þar á bæ hefur gestum
verið boðið upp á þetta nýja snakk
á meðan þeir njóta bjórbaðsins. Að
félaginu Hjalteyri Sea Snack standa
þeir Jóhannes og Rúnar Friðriksson
og fer framleiðslan fram í verksmiðju
þess á Hjalteyri.
„Það hefur lengi blundað í okkur
að finna okkur sérstöðu á markaði
með sjávarsnakk. Það eru margir um
hituna þegar að hinu
hefðbundna kemur,
harðfiski og bitafiski.
Við höfum reynt að finna
okkar vöru farveg utan
þess hefðbundna, höfum
m.a. framleitt bitafisk eða
sjávarsnakk án viðbætts salts
og eins höfum við prófað að
nýta krydd af ýmsu tagi í okkar
framleiðslu og það hefur alveg
gengið upp. Við höfum sem
sagt verið að bjóða upp á fisk
án viðbætts salts, sem og fisk
með miklu salti eða kryddi,“ segir
Jóhannes.
Marinerað í IPA Kalda og
sítrónupipar
Hann segir að þeir félagar hafi legið
um skeið yfir stöðunni þegar upp
kom hugmynd um að útbúa snakk
sem upplagt væri að maula yfir
bjór, heima í stofu eða á börum og
veitingastöðum, þar sem tíðkast að
bjóða upp á hnetur, brauð eða jafnvel
popp með drykkjum. „Rúnar datt
niður á þessa snilldarhugmynd og
hafði samband við þau Agnesi og
Ólaf hjá Bruggverksmiðjunni Kalda.
Skemmst er frá því að segja að þau
tóku hugmyndinni vel og voru meira
en til í að lána sitt vörumerki, Kalda,
sem er þekkt á markaði. Við höfum
séð um þróun vörunnar, framleiðsluna
og að koma henni á markað.“
Kalda bjórsnakk er útbúið
með þeim hætti að fiskurinn er
marineraður í ákveðinn tíma í IPA
Kalda og sítrónupipar. Þar mallar
hann um stund og fer þá í gegnum
þar til gerða vél sem mótar fiskinn í
hæfilega bita. „Það gerast einhverjir
töfrar þarna í ferlinu, fiskurinn verður
loftkenndur og mjúkur, en samt um
leið stökkur.“
Betri viðtökur en við áttum von á
Kaldi bjórsnakk kom á markað um
mánaðamótin janúar og febrúar og er
m.a. til sölu í verslunum Krónunnar,
Iceland og 10/11. Dreifing er í fullum
gangi og það má nálgast vöruna
víða á suðvesturhorninu, austur
á Egilsstöðum, og svo má einnig
finna snakkið á nokkrum stöðum í
höfuðstað Norðurlands, Akureyri,
m.a. hjá sælkeraversluninni Fisk
kompaní. „Almennir neytendur
hafa tekið vel við sér og þá hafa
ferðamenn ávallt gaman af því að
prófa eitthvað íslenskt og þessi vara
virðist falla þeim vel í geð,“ segir
Jóhannes, en viðtökur voru góðar,
„betri en við áttum von á. Næsta
skref hjá okkur er að gera átak í
dreifingu og koma vörunni að sem
víðast. Við höfum trú á vörunni og
þetta fer vel af stað,“ segir Jóhannes.
/MÞÞ

www.VBL.is REYKJAVÍK
Krókháls 5F
110 Reykjavík
Sími: 414-0000
AKUREYRI
Baldursnes 2
603 Akureyri
Sími: 464-8600
DRIFSKÖFT OG DRIFSKAFTAEFNI
VANDAÐIR KROSSAR
ERU ÖRYGGISMÁLIN Í LAGI Á ÞÍNUM BÆ?
GOTT ÚRVAL AF ÖRYGGISHLÍFUM - HAGSTÆTT VERÐ
HÆGT ER AÐ KAUPA STAKA HLUTI Í
DRIFSKAFTAHLÍFAR OG KÚPLINGAR
MATVÆLI&MARKAÐSMÁL
Hjalteyri Sea Snack setti á markað um síðustu mánaðamót nýja vöru,
Kalda bjórsnakk (Kaldi Beersnack), sem svo sannarlega hefur fallið
í kramið hjá neytendum.
Hjalteyri Sea Snack framleiðir Kalda bjórsnakk:
Viðtökur fram úr björtustu vonum
Framleiðsla á Kalda bjórsnakki fer
fram í verksmiðjunni á Hjalteyri, en
samvinna er á milli Hjalteyri Sea
Snack og Bruggverksmiðjunnar
á Árskógssandi sem á vörumerki
Kalda.
Gjaldfrjálsar skólamáltíðir í Þingeyjarsveit
Skólamáltíðir við grunn- og
leikskóla í Þingeyjarsveit eru
gjaldfrjálsar. Sveitarstjórn
samþykkti við gerð fjárhags-
áætlunar fyrir árið 2018 að
bjóða upp á hollan og góðan
mat, morgunmat, ávaxtastund
og heitan mat í hádeginu í
mötuneytum skólanna. Tók
ákvörðun sveitarstjórnar gildi
um síðustu áramót og hefur
mælst vel fyrir meðal íbúa
sveitarfélagsins sem lýst hafa
ánægju með framtakið.
„Markmiðið er að bæta velferð
barna og unglinga í sveitarfélaginu,
gera góða skóla betri og meira
aðlaðandi. Þetta verður vonandi
einnig til þess að hvetja barnafólk til
að flytja í sveitarfélagið. Við höfum
fengið afar jákvæð viðbrögð og ljóst
að íbúar kunna vel að meta þessa
ákvörðun enda skiptir þetta máli
fjárhagslega fyrir fjölskyldur, til
að mynda sem eru með tvö og þrjú
börn í grunn- og leikskóla,“ segir
Dagbjört Jónsdóttir, sveitarstjóri í
Þingeyjarsveit.
Í sveitarfélaginu eru tveir
grunnskólar starfandi og þrír
leikskólar. Heildar nemendafjöldi
í Þingeyjarsveit er um 145
börn og unglingar, um 107
nemendur í grunnskólunum og
um 38 nemendur í leikskólunum.
Kostnaður sveitarfélagsins vegna
gjaldfrjálsu máltíðanna er um 12
milljónir króna á ári. Dagbjört
segir að undanfarin ár hafi töluvert
verið hagrætt í skólamálum með
sameiningu og því hafi skapast
frekara svigrúm í málaflokknum.
„Það er mikill metnaður lagður
í gott og faglegt skólastarf sem
og einnig allan aðbúnað fyrir
nemendur og kennara,“ segir
Dagbjört.
Kvaðst hún ekki vita til að önnur
sveitarfélög í landinu bjóði upp á
gjaldfrjálsar skólamáltíðir, „ég
þori ekki að fullyrða að við séum
fyrsta sveitarfélagið til að bjóða
upp á ókeypis máltíðir, en mörg
sveitarfélög bjóða upp á gjaldfrjáls
námsgögn og það gerum við líka,“
segir hún. /MÞÞ
Sveitarstjórn samþykkti við gerð fjárhagsáætlunar fyrir árið 2018 að bjóða
upp á hollan og góðan mat, morgunmat, ávaxtastund og heitan mat í há-
deginu í mötuneytum skólanna.