Bændablaðið - 22.02.2018, Page 32

32 Bændablaðið | Fimmtudagur 22. febrúar 2018
Blábankahraðallinn býður völdum frum-
kvöðlum í heimsókn á Þingeyri í vor
– til að starfa við nýsköpun eða listir í nokkrar vikur
Blábankahraðallinn á Þingeyri
býður völdum frumkvöðlum,
til dæmis sprotafyrirtækjum,
listafólki, einstaklingum og
hópum, til að dvelja í nokkrar
vikur í húsnæði Blábankans í
maí og njóta ókeypis gisti- og
vinnuaðstöðu. Að auki munu þeir
aðilar sem valdir verða til þátttöku
í hraðlinum fá aðstoð sérfróðra
leiðbeinenda.
Arnar Sigurðsson er einn
leiðbeinenda í Blábankahraðlinum
og forstöðumaður Blábankans
á Þingeyri, auk þess að vera
stofnandi og tæknistjóri Karolina
Fund. „Hraðallinn er fyrir allar
nýsköpunarhugmyndir, þurfa ekki
að tengjast Þingeyri neitt og er opinn
öllum hvaðanæva að.
Stuðningurinn felst í gisti- og
vinnuaðstöðu og aðstoð leiðbeinenda,
og einfaldlega því að komast út úr
sínu venjubundna umhverfi þar sem
áreiti hversdagslífsins truflar mann
oft við að einbeita sér að því að
vinna að sínu verkefni,“ segir Arnar.
Dagskrá mun miðast út frá
þörfum þátttakenda
Að sögn Arnars eru nokkrir
leiðbeinendur þegar staðfestir
sem koma víða að, en endanleg
dagskrá mun miðast út frá þörfum
þátttakenda sjálfra.
„Þetta er í fyrsta sinn sem
við höldum þennan hraðal,
en Blábankinn var opnaður í
september síðastliðnum, og hefur
því starfað í um fjóra mánuði.
Blábankinn er samstarfsverkefni
nokkurra aðila, bæði opinberra
og einkaaðila, um að búa til
frumkvöðlasamfélag. Hann er til
húsa þar sem áður var Sparisjóður
Vestfjarða á Þingeyri og síðar
Landsbankinn.
Innan veggja Blábankans
starfa frumkvöðlar, listafólk,
fræðimenn og einyrkjar; bæði
þeir sem búsettir eru hér og
gestir til skemmri eða lengri
tíma. Þá leitast Blábankinn við
að finna nýstárlegar leiðir til að
bæta þjónustustig á Þingeyri og
í Dýrafirði. Meðal annars hefur
hann gert samstarfssamninga
um gjaldkera-, bókasafns- og
bæjarþjónustu á svæðinu. Hér
eru svo haldnir fundir, viðburðir
og kynningar ýmiss konar,“ segir
Arnar.
Hraðallinn stendur yfir frá
9.–30. maí, en þátttakendum er
frjálst að dvelja í tvær vikur eða
allan tímann eftir hentugleika.
Umsóknarfrestur er til og með 1.
mars næstkomandi.
Nánari upplýsingar hraðalinn og
leiðbeinendur má finna inni á vef
Blábankans, www.blabankinn.is.

www.VBL.is REYKJAVÍK
Krókháls 5F
110 Reykjavík
Sími: 414-0000
AKUREYRI
Baldursnes 2
603 Akureyri
Sími: 464-8600
VARAHLUTIR Í DRÁTTARVÉLAR
John Deere
New Holland
Steyr
Case IH
Fiat
EIGUM Á LAGER OG GETUM ÚTVEGAÐ
VARAHLUTI Í FLESTAR TEGUNDIR DRÁTTARVÉLA
Útvegum einnig
varahluti í gömlu
dráttarvélarnar
Glerárgata 34b v/ Hvannavelli · 600 Akureyri
Sími: 461 1092 · E-mail: asco@asco.is ÁSCO
MENNING&LISTIR
Þingeyri við Dýrafjörð í vetrarbúningi.