Bændablaðið - 22.02.2018, Síða 48

48 Bændablaðið | Fimmtudagur 22. febrúar 2018
Í Kerlingardal eru hefðbundin
bústörf á jörðinni. Ábúendurnir
Karl Pálmason og Victoria
Reinholdsdóttir reka auk þess
lítið sambýli fyrir fatlaða og
hafa gert frá 1997, sem skapar
þrjú til fjögur störf. Victoria
er grunnskólakennari við
Víkurskóla.
Býli: Kerlingardalur.
Staðsett í sveit: Mýrdalshreppi.
Ábúendur: Karl Pálmason og
Victoria Reinholdsdóttir.
Fjölskyldustærð (og gæludýra):
Karl, Victoria, Ásrún, Andrea,
Eyjólfur, Karl Anders, Olof Jóhann
og hundurinn Lappi.
Gerð bús? Blandaður búrekstur
ásamt rekstri á litlu sambýli fyrir
fatlaða.
Fjöldi búfjár og tegundir? 380
kindur, 80 holdanautgripir og 14
aliendur.
Hvernig gengur hefðbundinn
vinnudagur fyrir sig á bænum?
Hefðbundin bústörf eftir árstíðum.

Skemmtilegustu/leiðinlegustu
bústörfin? Vorið, burðurinn
og smölun þegar vel gengur.
Leiðinlegust er girðingarvinna í
vondu veðri.
Hvernig sjáið þið búskapinn
fyrir ykkur á jörðinni eftir fimm
ár? Svipaður búskapur ásamt
ferðaþjónustu.
Hvaða skoðun hafið þið á
félagsmálum bænda? Þurfa að
bretta upp ermar á flestum sviðum.
Hvernig mun íslenskum
landbúnaði vegna í framtíðinni?
Vonandi höndla menn að efla hann
og þróa.
Hvar teljið þið að helstu
tækifærin séu í útflutningi
íslenskra búvara? Geta verið á
mörgum sviðum en þarfnast meiri
eftirfylgni.
Hvað er alltaf til í ísskápnum?
Mjólk, smjör, ostur, egg, tyttu-
berjasulta og tómatssósa.
Hver er vinsælasti maturinn
á heimilinu? Kindasteik og
nautasteik.
Eftirminnilegasta atvikið við
bústörfin? Sauðburður í öskufalli
í Grímsvatnagosi.
Lambahryggvöðvi og kjúklingabaunaeftirréttir
Fólk er kannski ekki vant
því að borða eftirrétti með
kjúklingabaunum í. En það er í
raun hægt að gera ýmislegt með
kjúklingabaunum, eins og Bjarni
Gunnar sýnir hér fram á.
Vegan-marengs
› Safi úr einni dós af kjúklingabaunum
› 1/4 tsk. vínsteinslyftiduft (creme of
tartar) eða smá sítrónusafi
› Smá salt
› 3/4 bolli flórsykur eða sykur
Gott að vera með: Einn stór
sprautupoki og 1 stórstjörnu túða.
Setjið safann af kjúklingabaunum
beint í skálina á hrærivél með písk.
Það ætti að vera um 3/4 bolli vökvi.
Geymið baunirnar til annarrar
notkunar. Bætið vínsteinslyftidufti við
(eða smá sítrónusafa) og klípu af salti
og þeytið á miðlungshraða þar til þetta
er orðið mjög loftkennt. Þeytið áfram,
bætið svo sykri, einni matskeið í einu,
og haldið síðan áfram að þeyta þar til
blandan er orðin eins stíf og glansandi
marengs – í um fjórar mínútur.
Setjið blönduna yfir í stóran
sprautupoka sem er með stóra
stjörnutúðu. Sprautið toppa með
um tveggja sentimetra millibili
á smjörpappírinn. Bakið þar til
marengsinn er harður og ekki
lengur glansandi – í um það bil tvær
klukkustundir. Setjið efstu ofnplötuna
neðst og neðstu plötuna efst. Slökkvið
á ofninum og látið marengsinn sitja í
honum lokuðum eftir bakstur þar til
hann þornar í gegn, í um það bil eina
klukkustund (marengs mun haldast
góður í loftþéttu íláti í allt að 3 daga).
Hollara Snickers-stykki
Þetta sælgæti er hollara en það sem
gerist og gengur, gert með hollari
sætuefnum eins og hunangi eða
pálmasykri og sætum döðlum.
› 2 tsk. kókosolía
› 2 bollar döðlur
› 1/2 bolli (50 g) kakóduft
› 1 bolli (90 g) kókosmjöl
› Smá sætuefni, kókospálmasykur eða
hunang
› 400 g dós sigtaðar kjúklingabaunir
› 1/3 bolli (95 g) hreint hnetusmjör
› 2 tsk, vanilluduft eða fræ af
vanillustöng
› 1 1/2 bolli (225 g) ristaðar hnetur, má
nota saltaðar jarðhnetur
› 40 g ósaltað smjör
› 200 g dökkt súkkulaði, hakkað
1. Smyrjið 20 sentimetra breiða pönnu
með smjörpappír á. Fyrir botninn:
bræðið 1 tsk af kókosolíu í litlum
potti við lágan hita. Setjið döðlurnar
saman við og hrærið til að hita þær
í gegn. Flytjið yfir í matvinnsluvél
með kakói, þurrkuðum kókos og einni
matskeið af hunangi. Vinnið saman
þar til allt er vel blandað saman.
Dreifið yfir bakkann og þjappið
niður. Kælið fyrir næsta lag. Geymið
helming fyrir næsta lag.
2. Bætið hnetusmjöri við afganginn af
grunninum, ásamt kjúklingabaunum
og vanillu og vinnið þar til grunnurinn
er þykkur og með sléttri áferð.
Dreifið yfir döðlugrunninn og
jafnið yfirborðið með skeið. Kælið
í klukkustund.
3. Til að búa til hnetukaramellu:
Setjið hnetur, smjör og 2 matskeiðar
af hollu sætuefni eins og hunangi eða
pálmasykri í pott yfir lágan hita og
hrærið þar til þetta bráðnar saman.
Kælið örlítið og dreifið síðan yfir
hnetusmjörfyllinguna, pressið niður
til að búa til jafnt lag. Setjið í frysti
í eina klukkustund til að grunnurinn
harðni.
4. Bræðið súkkulaði í skál sem er sett
yfir vatnsbað (ekki láta skálina snerta
vatnið). Kælið örlítið. Hellið síðan
yfir hnetukaramelluna og sléttið með
sleif. Kælið í eina klukkustund, eða
þar til súkkulaðið er hart. Skerið þá í
lengjur og framreiðið.
Lambahryggvöðvi kryddaður
með lauk, hvítlauk og suðrænum
kryddum
› 2 lambahryggvöðvar
› 1 saxaður laukur
› 1 rif saxaður hvítlaukur
› 1 biti saxað engifer
› ½ ferskur chilipipar, kjarnhreinsaður
› 50 g púðursykur
› 2 msk ólívuolía
› 2-3 msk hvítvínsedik
› 100 ml tómatsósa
› 100 ml hrein jógúrt
› 2 msk mangó-chutney
› ½ tsk negull, malaður
› ½ tsk cumin, malað
› salt og pipar eftir smekk
Þegar þetta lamb er sett í ofninn fyllist
eldhúsið af suður-afrískri kryddlykt
sem sendir mann hálfa leið til Afríku.
Aðferð
Öllu er blandað saman og smurt yfir
lambahryggvöðvann sem búið er að
krydda með salti, pipar, cumin og
negul. Ofnbakað við 220 gráður í 10
mínútur og svo lækkað niður í 100
gráður í um 10–15 mínútur, eða þar
til kjarnhiti nær 62 gráðum.
Framreiðið með ristuðu rótargrænmeti
og sýrðum rjóma, með ögn af
mango-chutney sósu eða gamaldags
mömmusósu og kartöflum.
Bjarni Gunnar Kristinsson
Matreiðslumeistari
MATARKRÓKURINN
LÍF&LYST – BÆRINN OKKAR
Kerlingardalur