Fréttabréf Öryrkjabandalags Íslands - 01.12.1997, Blaðsíða 29

ábyrgð alls hópsins er um leið búið
að afnema þessa samtryggingu. Verði
komið á vali á milli sjóða er þess
skammt að bíða að sjóðirnir velji sér
sjóðfélaga, hvort sem það er gert með
því að velja ”vænlega tryggingakosti”
eða með því að verðleggja hina sem
lakar eru metnir hærra svo þeir þurfi
að greiða fleiri krónur fyrir minni
réttindi. Þeir sem halda því fram að
hægt sé að innleiða markaðslögmál og
gera lífeyrisréttindi fólks að verslun-
arvöru með samkeppni sjóða um sjóð-
félaga án þess að með því sé um leið
verið að tefla samtryggingunni í
núverandi mynd í tvísýnu eru einfald-
lega að segja fólki ósatt.
Fyrir utan það afturhvarf frá sjón-
armiðum samábyrgðar sem í þessu
felst er sá kostur einfaldlega óskyn-
samlegur því hann er óhagkvæmur og
verður lífeyrisþegum framtíðarinnar
dýrkeyptur.
Til að gefa ykkur hugmynd um
muninn á þeim réttindum sem
sameignarformið skapar fólki og því
sem býðst með séreignarforminu er
nærtækt að taka dæmi sem virt ráð-
gjafarfyrirtæki hefur reiknað fyrir þá
nefnd sem nú fer yfir drögin að
lögunum um lífeyrissjóðina:
Þar er gefin sú forsenda að fólk
þurfi aðeins að tryggja sér lágmarks-
lífeyrisréttindi sem nema helmingi
launatekna og geti svo valið um að
greiða það sem er umfram þessa lág-
markstryggingu og upp að 10%
iðgjaldinu annað hvort til séreignar-
sjóðs eða samtryggingarsjóðs. Þegar
litið er á það sem viðkomandi fengi
að lokinni starfsævinni fyrstu 10 árin
sést munurinn glöggt.
Karlmaður með 100.000 króna
mánaðarlaun hefði samtals tæplega 60
þúsund krónur í lífeyri samanlagt úr
blönduðu leiðinni. En með séreignar-
leiðinni fengi hann ríflega 80 þúsund
krónur fyrstu tíu árin.
Með því að reikna dæmið út frá
starfsævi frá þrítugu til sjötugs er
munurinn enn meiri eða um 36 þús-
und krónur á mánuði.
Það er þessi styrkur samtrygg-
ingarinnar sem gerir lífeyrissjóðunum
kleift að ábyrgjast örorkulífeyri,
makalífeyri, barnalífeyri og lífeyri til
æviloka.
Lífeyrisréttindin eru einhver
mikilvægasti þátturinn í kjörum fólks
og ekki síst öryrkja. Það ætla ég að
vona að fólk hafi ætíð hugfast þegar
fengist er við þennan málaflokk.
Grétar Þorsteinsson
Erindi flutt á kjararáðstefnu
ÖBÍ 17.okt.sl.
Létt hurð -
greið leið
Asíðsumardögum barst okkur
hinn fallegasti fjórblöðungur
norðan frá Akureyri með nafninu:
Létt hurð - greið leið. Útgefandi
þessa litskrýdda fjórblöðungs er
Sjálfsbjörg á Akureyri og nágrenni
en umsjón og ábyrgð hafa Snæ-
björn Þórðarson og Jón Hlöðver
Áskelsson. Á forsíðunni kemur
fram að 30.ágúst sl. var opið hús
og veitingar á Bjargi þar sem
félagið er til húsa.
í leiðara segja umsjónarmenn að
með þessu blaði sé hrundið af stað
átaki til að sjálfvirkur opnunarbún-
aður hurða verði sem víðast, en
blaðið fór út í 6500 eintökum á
Eyjafjarðarsvæðinu. “Sá sem
auðveldar fólki leiðina til sín
eignast fleiri vini”, segja þeir
kumpánar. Félagsmálastjórinn á
Akureyri, Valgerður Magnúsdóttir,
skrifar pistil m.a. í tilefni þess að
rúmlega ár er liðið frá yfirtöku
Akureyrarbæjar á málefnum fatl-
aðra sem reynsluverkefni, stærsta
nýja verkefnið segir hún vera
rekstur þjónustuíbúða fyrir geð-
fatlaða. Sagterfrástarfseminniað
Bjargi hjá Sjálfsbjörg þar: end-
urhæfingarstöð, göngudeild fyrir
psoriasis- og exemsjúklinga,
líkamsrækt, ljósabekkir, gufuböð,
vatnsnuddpottur, íþróttasalur, vegg-
boltasalur, salir fyrir hópþjálfun
o.fl. Endurhæfingastöðin er opin
frá kl. 8-16 alla virka daga, 9
sjúkraþjálfarar og 2 aðstoðarstúlkur
starfaþar. Hóparnireru: Vefjagigt-
arhópur, ófrískar konur og mæðra-
leikfimi, gigtarhópur, Parkinson-
og helftarlömunarhópur, hjarta- og
lungnahópar og bakskóli sem er
nýjung nú.
Á baksíðunni er Jón Hlöðver svo
með fróðlegt yfirlit um starfsemi
Sjálfsbjargar fyrr og nú. Félagið
er 40 ára á næsta ári og rekur Jón
Hlöðver söguna nokkuð: húsbygg-
inguna, verndaða vinnustaðinn o.fl.
Minnir á spilakvöldin, jóla-
skemmtun að undangengnu nám-
skeiði og vorhátíð. Hópferðalög
tvisvar á ári og skrifstofan sinnir
félögumvel. Einnig segir hann frá
Akri, íþróttafélagi fatlaðra og
vetrardagskránni nú sem lofar
góðu. Þetta er vel unnið blað og
vandað og vonandi að árangri skili
sem um muni.
Hlýjar kveðjur héðan norður yfir
heiðar.
H.S.
FRÉTTABRÉF ÖRYRKJABANDALAGSINS
29