Víkurfréttir - 30.04.2020, Qupperneq 81

Þ rátt fyrir að flugsamgöngur til og frá Íslandi séu nær lamaðar þá heldur flugvélaeldsneyti áfram að streyma til landsins. Eldsneytisflutningaskipið
Amadeus hefur verið í Helguvíkurhöfn í vikunni.
Skipið getur flutt 50.000 tonn af eldsneyti og
kom hingað frá Baton Rouge í Bandaríkjunum eftir
næstum sextán sólarhringa ferðalag.
Amadeus er 183 metrar á lengd og rúmir
32 metrar á breidd. Skipið er fimm ára gamalt og
siglir undir fána Möltu.
Á myndinni eru einnig þeir Haki og Jötunn,
dráttarbátar Faxaflóahafna. Haki er með 40 tonna
togkraft og Jötunn með 27 tonna togkraft.
Myndina tók Hilmar Bragi með flygildi um há-
degisbil á mánudag. Eins og sjá má á myndinni eru
mikil átök sem fylgja því að koma stóru skipi að
bryggju og hafa dráttarbátarnir þyrlað upp leir af
botni hafnarinnar í Helguvík.
Fimmtudagur 30. apríl 2020 // 18. tbl. // 41. árg.
VíKurFrÉttir á SuÐurNESJum í 40 ár // 81