Íþróttablaðið - 01.02.1966, Síða 19

Stjórn K.S.Í.
Ársþing Knattspyrnusambands Is-
lands var háð í húsakynnum Slysa-
varnafélags Islands 20. og 21. nóv-
ember. Þingið sátu tæplega 80 full-
trúar víðs vegar að af landinu. Þing-
forseti var kjörinn Hermann Guð-
mundsson, framkvæmdastjóri ISl,
en þingritari Einar Björnsson, for-
maður KHR. Gestir þingsins voru
m.a. Gísli Halldórsson, forseti Isl,
Benedikt G. Wage, heiðursforseti
ISl, og Baldur Möller, formaður iBR.
Skýrsla stjómarinnar bar með sér,
að þróttmikið starf hafði átt sér
stað á árinu, og einnig var þar
minnzt á verkefnin framundan.
Landsleikur við Frakkland er ákveð-
inn 18. september 1966, og einnig er
staðið í samningum við Norðmenn
og Austur-Þjóðverja um landsleiki.
I reikningum kom fram, að fjár-
hagur KSl er mjög góður og hefur
ekki verið betri áður. Þá var hagn-
aður liðanna í 1. deild meiri en
nokkru sinni fyrr, eða um 114 þús.
kr. á félag.
Stjórn KSl var endurkjörin.
Björgvin Schram, formaður, Guð-
mundur Sveinbjörnsson, Ragnar Lár-
usson, Ingvar N. Pálsson, Sveinn
Zoega, Jón Magnússon og Axel Ein-
arsson, allt menn, þaulkunnugir mál-
efnum knattspyrnunnar hér á landi.
Landsleikir.
Tveir landsleikir voru háðir á ár-
inu, báðir í Reykjavík. Hinn fyrri
var háður 5. júlí við „erkifjandann"
Dani og var það mjög skemmtileg-
ur leikur — einn bezti landsleikur,
sem háður hefur verið hér á landi.
Þetta var fertugasti landsleikur Is-
lands í knattspyrnu, og við verðum
enn um sinn að bíða eftir sigri gegn
Dönum, því þótt íslenzka landsliðið
hafi sigrað aðrar Norðurlandaþjóðir
í knattspyrnu, hefur því ekki tekizt
það gegn því danska, sem sigraði
að þessu sinni með 3—1. Mjög Itar-
leg frásögn var í júlí-hefti Iþrótta-
blaðsins um þennan leik og visast
nánar til þeirrar greinar, en ísl.
landsliðið var þannig skipað:
Heimir Guðjónsson, KR
Árni Njálsson, Val
Sigurvin Ólafsson, Keflavík
Magnús Jónatansson, Akureyri
Jón Stefánsson, Akureyri
Ellert Schram, KR, fyrirliði
Gunnar Felixson, KR
Þórólfur Beck, Rangers
Baidvin Baldvinsson, KR
Eyleifur Hafsteinsson, Akranesi
Sigurþór Jakobsson, KR.
Þrír leikmenn léku í fyrsta sinn í
landsliðinu, Baldvin Baldvinsson,
Magnús Jónatansson og Sigurvin
Ólafsson. Fyrri hálfleikur var mjög
fjörugur og ísl. liðið hafði greinilega
yfirhöndina fyrsta stundarfjórðung-
inn. Bæði mörkin komust í hættu,
en ágæt markvarzla Heimis og Max
Möller komu í veg fyrir, að mörk
væru skoruð. 1 síðari hálfleik náði
danska liðið yfirhöndinni og tókst
þrívegis að skora (Ole Madsen, Egon
Hansen og Kjeld Petersen) áður en
Baldvin Baldvinsson skoraði mark
Islands á lokamínútu leiksins.
Hinn landsleikurinn var við Irska
áhugamannaliðið (Eire) og var háð-
ur 9. ágúst. Þetta var jafn sviplaus
leikur og leikurinn við Dani hafði
verið skemmtilegur og lauk án þess
liðunum tækist að skora. Islenzka
liðið var þannig skipað:
Heimir Guðjónsson, KR
Árni Njálsson, Val
Jón Stefánsson, Akureyri
Magnús Jónatansson, Akureyri
Högni Gunnlaugsson, Keflavík
Ellert Schram, KR
Gunnar Felixson, KR
Ríkharður Jónsson, Akranesi,
fyrirliði
Baldvin Baldvinsson, KR
Eyleifur Hafsteinsson, Akranesi
Karl Hermannsson, Keflavík.
Árni Njálsson meiddist um miðjan
fyrri hálfleik og kom félagi hans úr
Val, Þorsteinn Friðþjófsson, I hans
stað og lék þar með sinn fyrsta
landsleik. Rétt fyrir leikslok meidd-
ist Heimir markvörður einnig og
kom Helgi Daníelsson, Akranesi, I
hans stað og náði þar með merkum
áfanga á knattspyrnuferli sínum -—
lék sinn 25. landsleik, og hefur að-
eins einn leikmaður leikið fleiri
landsleiki, Ríkharður Jónsson. Helgi
hlaut að launum gullúr frá Knatt-
spyrnusambandi Islands.
Landsmótin.
Eins og áður hafði stjórn KSl yfir-
umsjón með framkvæmd allra lands-
móta svo og bikarkeppninnar og
annaðist sérstök nefnd það verk,
sem skipuð var þremur stjórnar-
mönnum KSl, Jóni Magnússyni, sem
var formaður, Ingvari N. Pálssyni
og Sveini Zoega.
Nefndin skipulagði alla leiki I um-
ræddum mótum og sá um fram-
kvæmd þeirra I samráði við viðkom-
andi knattspyrnuráð.
Leikir fóru yfirleitt fram á tilsett-
um tíma, samkvæmt leikjaskrá
nefndarinnar, þó varð að færa til
nokkra leiki vegna utanferða félaga
og landsleikja. Er það hið mesta
vandaverk að raða niður öllum þeim
fjölda leikja, sem fram eiga að fara
á hinu stutta keppnistímabili okkar.
Alls tóku 19 aðilar þátt I mótum
þessum með samtals 86 liðum.
Leikskýrslur bárust frá öllum að-
ilum á réttum tíma, en því miður
hafa reikningsskil ekki ennþá borizt
frá nokkrum aðilum. Er slíkt að
sjálfsögðu til verulegra óþæginda
bæði fyrir nefndina og eins þá aðila
er eiga hagnaðarvon eftir mót sum-
arsins.
Eins og áður beindist áhuginn
mest að keppninni I 1. deild og varð
hún óvenju tvísýn, og tekjur af
henni meiri en nokkru sinni fyrr.
Aukaleikur KR og Akranes setti þar
auðvitað strik I reikninginn, en tekj-
ur af honum voru mjög miklar eða
rúmlega 375 þúsund kr. og er þetta
því langtekjuhæsti leikur milli ís-
lenzkra liða. Þá gaf leikur KR og
Keflavíkur á Laugardalsvelli einnig
vel — eða 127 þúsund kr. — en tekj-
ur af öðrum leikjum voru innan við
100 þúsund krónur. Annars voru leik-
irnir I Reykjavík mjög misjafnlega
sóttir — og t.d. gaf leikur Fram og
Vals I síðari umferðinni ekki nema
sjö þúsund kr. Leikirnir á Akureyri
voru ágætlega sóttir, en hins vegar
mun lakar I Njarðvíkum en sumarið
áður, enda Keflvíkingar sigurvegar-
ar þá, en blönduðu sér hins vegar
lítið I baráttuna um efsta sætið að
þessu sinni. Heildartekjur mótsins
voru rúmlega 1.6 millj. kr. eða næst-
um helmingi meiri en árið áður.
Lokastaðan I mótinu varð þessi:
19