Íþróttablaðið - 01.02.1966, Síða 44

Islandsmeistarar FH 1 karlaflokki 1965.
stakling'sins. Það voru sem sé tvö
ólík lið, sem mættust.
Rússum gekk vel til að byrja með
og náðu 2:0 forustu eftir 7 mínútna
leik. Islenzka liðið skoraði ekki mark
fyrr en á 8. minútu og var nýliðinn
Ágúst Ögmundsson að verki. Liðin
skiptust á að skora í fyrri hálfleik
og höfðu Rússar yfirleitt eitt mark
yfir, en Karl Jóhannsson jafnaði rétt
fyrir hlé úr aukakasti, 8:8.
Aðeins einu sinni í síðari hálfleik
náði Island forustu, 11:10, en rúss-
nesku leikmennirnir voru fljótir að
jafna og ná forustu aftur. Komust
þeir tvö mörk yfir, 13:11, og þetta
bil náði ísl. liðið aldrei að jafna, en
allt til leiksloka var viðureignin
mjög spennandi og fjórum sinnum
skildi eitt mark á milli. Þegar 7 mín-
útur voru eftir, var staðan 16:15, og
íslenzku leikmennirnir höfðu upp-
lagt tækifæri til að jafna stöðuna,
þegar þeir fengu knöttinn frá Rúss-
um, sem misstu hann klaufalega. En
I staðinn fyrir að leika upp á mark,
var skotið úr tvíræðri stöðu, og upp
úr því náðu Rússar knettinum aftur
og skoruðu 17:15. Spennan var geysi-
lega mikil á síðustu mínútunum og
hvöttu áhorfendur, sem voru um 3
þúsund, ísl. liðið ákaft. En allt kom
fyrir ekki, og Rússar sigruðu með
einu marki, eins og fyrr segir.
Síðari landsleikurinn gegn Rússum
fór fram daginn eftir, mánudaginn
13. desember. Islenzka liðið var
næstum því alveg eins skipað og
fyrri daginn, nema hvað Ingólfur
Óskarsson kom inn fyrir Þórarin Ól-
afsson.
Það er skemmst frá því að segja,
að þessi leikur olli gífurlegum von-
brigðum, því íslenzka liðið glataði
niður 3ja marka forskoti, sem það
hafði, þegar 11 mínútur voru eftir,
14:11, og tapaði 14:16. Á síðustu 11
mínútunum skoruðu ísl. leikmennim-
ir ekki eitt einasta mark, en á með-
an sigldi rússneski björninn fram úr.
Það var satt að segja grátlegt að
horfa upp á hvernig ísl. liðið missti
sigur úr höndum sér þetta mánu-
dagskvöld, sérstaklega vegna þess,
að ísl. piltarnir höfðu átt framúr-
skarandi góðan leik og haft yfir-
höndina nær allan tímann. 1 fyrri
hálfleik voru yfirburðir Isl. liðsins
hvað mestir, en um tíma hafði það
fjögur mörk yfir, 10:6, en Rússar
minnkuðu þetta bil niður I 2 mörk
fyrir hlé, 10:8.
Byrjunin í síðari hálfleik var einn-
ig góð, því eftir 19 mínútna leik var
staðan 14:11. Hvað olli því, að ísl.
liðið missti leikinn niður á mínút-
unum, sem eftir voru ? Fyrir því
vom margar orsakir, og segja má,
að allt hafi lagzt á móti ísl. liðinu,
44