Íþróttablaðið - 01.04.1989, Qupperneq 13

óvart því liðið hafði ekki komist í úr-
slitakeppnina undanfarin 14 ár. Ég
vissi að liðið hafði alla burði til þess
að ná langt en að standa uppi sem
sigurvegarar var einstakt og ánægju-
legt."
— Hvernig leið þér eftir skalla-
markið gegn Sovétríkjunum í úrslita-
leiknum?
„Tilfinningin er ólýsanleg en ég
mérfannst við þá þegar hafa náð stór-
kostlegum áfanga með því að hafa
komist alla leið í úrslitaleikinn. í
sjálfu sér skiptir ekki máli hverskorar
en það var ánægjulegt að sjá á eftir
boltanum í markið. Og ég tala nú
ekki um markið sem Van Basten
skoraði. „Once in a lifetime". Auðvit-
að þarf töluverða heppni til að skora
svona mark en að ná því í þessum
leik var stórkostlegt."
„Van Basten
virkar kaldur“
— Hvernig persónuleiki er Van
Basten? Er það rétt að hann sé hroka-
fullur?
„Nei, hann er það alls ekki. Þó
verður að viðurkennast að hann virk-
ar dálítið kaldur á þá sem þekkja
hann ekki. Hann er mjög viðkunnan-
legur náungi og einstaklega
skemmtilegur við þá sem hann þekk-
ir. Hann er ekkert að gefa of mikið af
sér gagnvart ókunnugum. Rijkaard er
svipaður persónuleiki og Van Basten,
virkar kaldur á ókunnuga en er hinn
Ijúfasti drengur. Menn skólast mikið í
atvinnumennskunni og taka öllum
með fyrirvara. Blaðamenn geta verið
óprúttnir og þeir eiga það til að hnýs-
ast í einkamál manns og reyna að
finna veikan blett. Vegna jaessa verða
menn að vera á varðbergi og gæta
þess að segja ekki of mikið."
— Eftir Evrópukeppnina í Þýska-
landi var það rætt manna á milli að
þú hefðir hugsanlega leikið of mikið
fyrir liðið á eigin kostnað þannig að
aðrir hafi fengið meiri athygli en þú.
Er þetta rétt?
„Ég var búinn að leika heilt keppn-
istímabil með AC Milan og gefa mig
allan í það. Við lékum vel og urðum
Ítalíumeistarar. Ef ég á að vera
hreinskilinn þá fór gífurlega mikil
orka í þetta keppnistímabil og átti ég
ekki mikið eftir þegar Evrópukeppnin
fór fram. Fyrir keppnina lék lands-
liðið marga æfingaleiki og varð ég
hreinlega að gæta þess að tæma
orkuforðann ekki alveg. Vegna þessa
varð ég að leika mjög skynsamlega í
Evrópukeppninni þ.e. á þann veg að
ofkeyra mig ekki strax svo ég entist út
keppnina. Það kom berlega í Ijós að
þeir sem höfðu leikið lítið fyrir
keppnina, sérstaklega Rijkaard og
Van Basten sem höfðu verið meiddir,
voru geysilega frískir og sólgnir í fót-
bolta. Mín hugsun var sú að leika
fyrst og fremst fyrir liðið, sem ég geri
raunar alltaf og spara hlaupin að
þessu sinni."
Félagar Ruuds Gullit eru í reggea-hljómsveit og hann fær stundum að taka
lagið með þeim á tónleikum.