Íþróttablaðið - 01.08.1995, Side 13

„ÉG VEIT EKKI HVORT
ÉG ERÁ HEIMLEIÐÁ
NÆSTUNNI!"
tel ég mig eiga mestu möguleika á
góðum árangri í framtíðinni í stöng-
inni," segir Vala en hástökk hefur
sömuleiðis verið hennar aðal keppn-
isgrein.
Vala æfir með stærsta frjálsíþrótta-
félaginu í Malmö en þjálfari hennar,
sem er pólskur, heitir STANISLAV
SZCZYRBA. „Það má kannski segja
að hann hafi tekið mig upp á sína
arma þegar ég var að leita eftir því að
fá að æfa í Svíþjóð og hefur reynst
mér afskaplega vel. Hann kemur
okkur oft á óvart með nýjum æfing-
um ogfer yfirleitt í minnstu smáatriði.
Sem dæmi þá segir hann að það sé
mjög mikilvægt, til að fá sem mest út
úr því að gera háar hnélyftur, að lyfta
tánum samtímis því að lyfta hnján-
um. Hann veltir hverri einustu hreyf-
ingu fyrir sér og hvernig hægt sé að
ná sem bestum árangri. Á sumrin æf-
um við yfirleitt tvisvar á dag en einu
sinni á dag á veturna."
— Að hvaða leyti eru æfingarnar
úti frábrugðnar æfingunum á ís-
landi?
„Æfingarnar eru að mestu leyti
áþekkar en ég hef tekið eftir því að
þegar krakkarnir hér á íslandi stunda
lyftingar á veturna I íkist það æfingum
lyftingakarla. í félaginu í Svíþjóð er
lyftingaæfingunum hagað þannig að
við reynum yfirleitt að líkja sem mest
eftir þeim greinum sem við keppum í
— reynum að ná upp meiri snerpu í
þeirri hreyfingu sem skiptir okkur
mestu máli. Það má kannski segja að
hér séu stundaðar kraftlyftingar, að
einhverju leyti, og síðan er unnið út
frá því en í Svíþjóð reynum við að
sameina kraftinn, snerpuna og hreyf-
inguna til að fá sem mest út úr æfing-
unum. Annars er ekki mitt að dæma
hvort gefur betri raun."
— Við hvaða aðstæður æfir þú í
Svíþjóð?
„Félagið á stóra íþróttahöll, með
200 metra hlaupabraut, sem við æf-
um íá veturna þannig að aðstaðan er
eins og best verður á kosið. Útiað-
staðan er Ifka frábær."
Vala getur keppt á flestum mótum
fyrir félagið sitt í Svíþjóð en á meist-
aramótinu verður hún að keppa sem
gestur. Eins og áður sagði er árangur
hennar í stangarstökki framúrskar-
andi og í hástökki á hún næst besta
árangurinn í Svíþjóð í sínum aldurs-
flokki, 1,81 m. Vala er sömuleiðis í
fremstu röð meðal jafnaldra í
sjöþraut. „Ég á að geta bætt mig tölu-
vert í flestum greinum sjöþrautarinn-
ar enda hef égekki lagt mikla áherslu
á sumar greinirnar."
— Miðast æfingar þínar í dag við
að þú munir keppa í sjöþraut í fram-
tíðinni eða kannski eingöngu í há-
stökki og stangarstökki?
„Ég hef verið að æfa fyrir sjöþraut-
ina að undanförnu en þjálfarinn
minntelurmigeigagóða möguleika í
sjöþraut og stangarstökki í framtíð-
inni. Það verður erfitt að ná toppár-
angri í hástökki að auki en þar sem
hástökk er grein í sjöþrautinni mun
ég ekki segja skilið við það. Mér
finnst gaman að hafa mjörg járn í
eldinum, stunda nokkrar greinar því
maður er alltaf að takast á við ólíka
hluti. Stangarstökkið er mjög spenn-
andi grein þótt maður hafi verið hálf
kjánalegur í upphafi. Það reynir á
snerpu, hraða, styrk, lipurð ogtækni
og það er mjög gaman að stunda
stangarstökk."
— Var ekki freistandi að taka
milljónartilboði Svía?
„Það er töluvert stór ákvörðun að
skipta um ríkisborgararétt og að auki
væri ég líklega fljót að eyða milljón-
inni. Eins og staðan er í dag mun ég
keppa fyrir Island en ég veit ekki
hvort ég er nokkuð á heimleið á
næstunni því aðstæðurnar í Svíþjóð
eru framúrskarandi og að vissu leyti
lykill að góðum árangri."
— Er gott að vera nemandi í Sví-
þjóð?
„Já, mér finnst menntakerfið þar
betra en á Islandi. Þar eru skyndipróf
með reglulegu millibili og eru ein-
kunnirnar látnar gilda sem lokapróf.
Þetta heldur manni vel við efnið allan
veturinn og maður kemst ekki upp
með neinn slugsahátt. Ég reikna með
að taka mér árs frí frá og með næsta
vori þegarég lýkstúdentsprófi en mig
dauðlangar síðan í læknisfræði. Það
yrði reyndar gríðarlega erfitt að sam-
eina það nám og íþróttirnar."
— Hvaða mögleika telurðu þig
eiga á heimsvísu í framtíðinni?
„Þegar ég fer á flug dreymir mig
um Ólympíugull og fleira í þeim dúr.
Það kostar gríðarlega vinnu að ná
toppárangri og það verður bara að
kom í Ijós hvort ég næ að einbeita
mér að íþróttum á næstu árum til að
eiga möguleika á að komast ífremstu
röð."
13