Bókasafnið - mar 2020, Page 29
Bókasafnið 43. árg – 2019-2020 29
Málið var tekið fyrir á fundi Vísinda- og tækniráðs 23.
nóvember og Anna Sigríður Guðnadóttir á Bókasafni
Landspítalans var með s.k. ,,kveikju“ á fundinum, um opinn
aðgang að gögnum og opinn aðgang almennt.
Í desember var unnið að verkefnisáætlun og í lok árs var
búið að setja saman ofangreindan hóp, sem skilaði af sér
tillögur um opinn aðgang að niðurstöðum rannsókna fyrir
Ísland. Í framhaldi þarf síðan að halda áfram vinnunni
og móta stefnu um opin gögn, endurskoða stefnur þeirra
háskóla sem þegar hafa sett sér stefnu og aðrir háskólar að
móta eigin stefnu. Kynna þarf málið rækilega til að ná fram
viðhorfsbreytingu í íslensku vísindasamfélagi og tengja við
væntanlegt rannsóknasafn – CRIS (Current Research In-
formation System).
Úr gagnasöfnum Orkustofnunar. Til að búa um og pakka skjölum í yfirstærðum í hólka til varanlegrar geymslu er gott að hafa sög og stokk til að saga og
sníða pappahólkana í réttar stærðir. Sem forvörn er álpappír vafið vel utan um hólkinn og síðan kraftpappír þar utan um, næst er einu eða fleiri skjölum
vafið utan um hólkinn og stundum þarf silkipappír á milli. Að lokum er langri pappírsörk vafið utan um og jaðrar brotnir niður í hólkendana og bundið
utan um með bómullarbandi (bendlabandi). Merking er fest á með hveitilími. (Ljósm. Þórunn Erla Sighvats).