Bókasafnið - mar. 2020, Síða 30
30 Bókasafnið
Þetta var hrós sem ég fékk í síðustu viku. … Eða er þetta hrós? Jú, hann átti við síðu Borgarbókasafnsins sem ég stýri ásamt hópi af góðu fólki en hvers
vegna kom það félaga mínum á óvart að bókasafnið sé jafn
æðislegt í hinum stafræna heimi og það er í raunheimum?
Finnst ekki öllum bókasöfn vera æðisleg í alla staði?
Á flestum almenningsbókasöfnum á Íslandi er að finna
óeðlilega mikið magn af spennandi þjónustu, viðburðum og
að sjálfsögðu safnkosti. Áður en ég hóf störf á bókasafninu
fannst mér gaman að fylgjast með og taka þátt í umræðunni
á síðu Borgarbókasafnsins. Það var í uppáhaldi hjá mér og
mér þótti ekkert eðlilegra. Núna, þegar ég mæti í vinnuna
á morgnana og sé verkefnin sem starfsfólkið hefur komið í
verk þá langar mig helst að taka mér gjallarhorn í hönd og
arka um bæinn til að bera út fagnaðarerindin. Ég kýs þó að
gera það frekar gegnum stafræna miðla, þægindanna vegna.
Í þessari grein má finna góð en einföld ráð um viðveru
bókasafna í stafrænum heimi.
Með puttann á pylsunni
Stafræni heimurinn er
síbreytilegur. Líklegast verður
þessi grein þegar orðin úrelt þegar blekið þornar. Twitter,
Já.is, Instagram, Tik Tok, Pinterest, Spotify, Youtube,
Goodreads, Google Ads, LinkedIn, Tumblr og svo
framvegis. Stafræni heimurinn er stór og margt um að velja.
Hvar viljið þið vera?
Sem betur fer þarf ekki að vera sérfræðingur til að halda rétt
á spöðunum í netheimum. Ef þið þekkið markhópinn ykkar
þurfið þið ekki að fylgjast með hvort Snapchat ætli að búa
til nýja dansandi pylsu eða hvort hlaðvarpi verði spáð meiri
vinsældum á næstunni. Ef ykkar markhópur er fólk yfir 70
ára ætti stafræni heimurinn kannski ekki að vera í forgangi.
En þið sem viljið ná til unga fólksins ættuð að lesa áfram.
Verum sérkennileg
Gott er að eiga góðan grunn til að byggja á ef færa á út kví-
arnar. Með því að leggja áherslu á persónusköpun fyrirtækis
styrkirðu „brandið“ og auðveldara verður að aðlagast nýjum
aðstæðum. Þegar talað er um „brand“ er verið að meina allt
sem gerir ykkar bókasafn einstakt; lógó, nafn, litir, rödd,
leturgerðir og fleira. Röddin er einn mikilvægasti þátturinn
í að sýna samfélaginu hver persónuleiki safnsins er og hana
skal ávallt aðlaga að markhópnum. Bókasafn getur verið
formlegt eða fjörugt, talað ítarlega eða stiklað á stóru.
Bókasafnið, rétt eins og manneskja af holdi og blóði, hefur
talanda, áhugamál, uppáhaldsliti, uppáhaldsletur (halló! hver
á ekki sína uppáhaldsleturgerð?) og svo framvegis. Aðlag-
ið fyrir mismunandi miðla en haldið áfram að nota sömu
litina, orðalagið og letrið og fólk mun muna eftir ykkur
hvert sem þið farið.
Rödd Borgarbókasafnsins er skemmtileg og heyrist
bæði þegar fyrirspurnum er svarað og þegar efni birtist
á samfélagsmiðlum. Það er hressandi upplifun að
sjá færslurnar birtast á tímalínunni og safnið tekur á
móti öllum fyrirspurnum með opnum örmum. Það er
félagslynt og svarar athugasemdum á færslunum sínum.
Borgarbókasafnið talar einnig í fleirtölu um sjálft sig, og
leggur áherslu á að það er byggt upp af stórum hópi af
frábæru starfsfólki. Við forðumst að taka pólitíska afstöðu
en gerum þó grín að okkur og tökum þátt í umræðunni. Við
forðumst að kyngera lesendur; kjósum frekar að segja „verið
velkomin“ en „allir velkomnir“.
Svindlmiði fyrir samfélagsmiðla
„Hver hefði haldið að sú Facebook síða sem væri
í mestu uppáhaldi hjá mér yrði bókasafn!“
Esther Ýr Þorvaldsdóttir fráfarandi verkefnastjóri kynningar- og markaðsmála
Borgarbókasafnsins
Þessi pylsa hefur haft gríðarlega jákvæð áhrif á gengi Snapchat. En það
þýðir þó ekki að Snapchat henti bókasöfnum.