Morgunblaðið - 10.01.2020, Blaðsíða 32

starfað mjög náið með kvikmynda-
gerðarmanninum Jacques Debs í
París og heimildamyndin Walking
on Sound byggist á samstarfi hans
við japanska listamanninn og goð-
sögnina, Stomu Yamash’ta.
„Á þessu tímabili fékk ég mikinn
áhuga á því að vinna með heildarsvið
raddarinnar í gegnum ýmiss konar
raddhljóð, yfirtóna, barkasöng og
raddgjörninga. Má þar nefna krefj-
andi verkefni eins og Spa in Heaven
eftir Camillu Söderberg, radd-
innsetninguna Andi fyrir Listasafni
ASÍ og Listahátíð í Reykjavík. Einn-
ig SOLAR 5 í samstarfi við Huga
Guðmundsson, Hilmar Jensson,
land (2009). Sólógeisladiskur Sverr-
is, Grafskrift/Epitaph, var gefinn út
af alþjóðlega fyrirtækinu OpusIII/
Naive í París og hlaut „critic’s
choice“ hjá Gramophone Magazine í
London. Einnig má nefna að þau
hjónin stofnuðu veitingastaðinn Sól-
on Íslandus ásamt fleiri listamönn-
um og ráku staðinn til ársins 2000.
„Minnisstætt er hið magnaða óp-
eruverkefni Fjórði söngur Guðrúnar
eftir Hauk Tómasson, sem var sett
upp í stórri skipakví, þegar Kaup-
mannahöfn var menningarborg Evr-
ópu (1996). Verkið sló rækilega í
gegn og var sýnt sex sinnum í viku, í
heilan mánuð. Í kjölfarið var óperan
hljóðrituð í samstarfi við tónlist-
arhópinn Caput og hlaut síðar
Tónlistarverðlaun Norðurlandaráðs.
Japan hefur ætíð verið mér ofar-
lega í huga, enda við hjónin bæði
Zen Búddistar. Árið 2005 leitaði
Min-on fyrirtækið til mín með það í
huga að bjóða 15 íslenskum lista-
mönnum til Japans með tveggja
tíma sýningu, sem færi til 15 borga.
Ég tók að mér að halda utan um
þetta verkefni og nefndi hópinn Bo-
realis Ensemble. Undirbúningurinn
tók marga mánuði og í 2.000 manna
sali var alls staðar uppselt.“ Á und-
anförnum 15 árum hefur Sverrir
S
verrir Guðjónsson er
fæddur 10. janúar 1950 í
Reykjavík. „Ég ólst upp í
miðborginni og æfði
íþróttir af kappi og
keppti með unglingalandsliðinu í
knattspyrnu.“
Sverrir gekk í Austurbæjarskól-
ann, hann lauk stúdentsprófi frá MR
og BEd gráðu frá KHÍ. Hann
kenndi um 12 ára skeið við opna
grunnskólann í Fossvogi, en var síð-
an í London 1988-1991 og stundaði
„post graduate“ nám í tónlist og
kontratenórsöng. Hann lauk einnig
þriggja ára kennaranámi í Alexand-
ertækni við North London Teac-
hers’ School. „Alexandertæknin hef-
ur fylgt mér allar götur síðan og hef
ég starfað töluvert með leikurum og
sviðslistafólki, og kenndi Alexand-
ertækni í Listaháskólanum um
nokkurra ára skeið.“
Sverrir kom fyrst fram sem
söngvari á Hellissandi, þá sjö ára að
aldri. „Þangað fórum við á hverju
sumri og dvöldum hjá Hansborgu
ömmu á Grund. Síðar var ég fenginn
til þess að syngja á Arnarhóli 11 ára
gamall 17. júní, í beinni útsendingu
Ríkisútvarpsins. Var þá byrjaður í
söngnámi hjá Sigurði Demetz. Ég
söng inn á tvær vinsælar hljóm-
plötur 12 og 13 ára gamall og í kjöl-
farið vann ég með hinum ýmsu pían-
istum, auk þess að syngja með
hljómsveit föður míns á dansiböllum.
Síðar langaði mig að kynnast ólík-
um stílum í tónlist og starfaði með
þjóðlagatríóinu Þremli, Kór Lang-
holtskirkju, hljómsveitinni Pónik og
stórhljómsveit Gunnars Þórð-
arsonar á Broadway (1983-1986).
Það var á þessu tímabili sem
kontratenórröddin kom til sög-
unnar.“ Sverrir söng einnig í söng-
leikjunum Chicago (1985) og Vesa-
lingunum (1987-1988) í
Þjóðleikhúsinu.
Eftir heimkomuna úr náminu frá
Lundúnum 1991 söng Sverrir og
vann náið með ýmsum tónlistar-
hópum. Má þar nefna Musica Anti-
qua sem gaf út Amor (1996), Caput
sem gaf út Stokkseyri (2000) og Vo-
ces Thules sem gaf út Þorlákstíðir
(2006) og Sturlungu Battle of Ice-
Matthías Hemstock og videó-
listamanninn Joshue Ott, sem var
sýnt í Hörpu og tilnefnt til Tónlistar-
verðlauna Norðurlandaráðs 2014.
Raddverkið Harpa Ófelíu sem ég
samdi utan um texta Shakespears,
hlaut fyrstu verðlaun hjá UK Radio
and Drama Festival 2018. Einnig
radd-og hljóðverkið RAGNARÖK –
The Prophecy í samstarfi við tón-
skáldið Sten Sandell, sem hlaut
drama-verðlaun hjá Prix Marulic
Festival 2019. Þessa stundina er það
Draugasagan um Djáknann á Myrká
eftir Huga Guðmundsson, undir
merkjum Listar fyrir alla og mennta-
málaráðuneytisins. Við heimsækjum
grunnskóla víðs vegar um land og fæ
ég hið ánægjulega hlutverk sögu-
mannsins.“
Um þessar mundir er Sverrir að
undirbúa útgáfu á tvöföldum vínil, í
takmörkuðu, handstimpluðu upplagi,
sem hefur verið í undirbúningi á und-
anförnum árum og nefnist Rökkur-
söngvar. „Hér er um samstarf við
leiðandi íslensk tónskáld að ræða, sem
hafa samið tónlist sérstaklega fyrir
mitt kontratenór-raddsvið. Rökkur-
söngvar mynda ímyndað ferðalag á
mörkum ljóss og myrkurs, í átt til
dögunar og vonar og rammast inn af
vögguvísunni Litfríð og ljóshærð, sem
ég söng inn á vinsæla hljómplötu, þá
barn að aldri. Þeir sem vilja nálgast
plötuna næla sér í eintak af plötunni á
karolinafund.com eða á netfangi
Sverris, artcentrum@centrum.is.“
Strákarnir mínir fljúga með mig til
Osló á afmælisdaginn þar sem eldri
sonurinn býr með barnabörnin. Þeir
eru búnir að setja upp dagskrá fyrir
helgina. Mín eina ósk var snóker sem
ég hef leikið með mínum æsku-
félögum frá unga aldri.“
Fjölskylda
Eiginkona Sverris er Elín Edda
Árnadóttir, f. 23.8. 1953, leikmynda-
og búningahöfundur og myndlist-
armaður. Foreldrar Elínar: Edda
Ágústsdóttir, f. 28.10. 1934, vann á
saumastofu búningadeildar Þjóðleik-
hússins, og Árni Þór Árnason, f. 24.4.
1930, d. 5.5. 2003, véltæknifræðingur.
Stjúpfaðir var Kristján Samúel Júl-
íusson, f. 14.11. 1923, d. 12.5. 2006, tré-
Sverrir Guðjónsson tónlistarmaður – 70 ára
Listamaðurinn Sverrir fyrir utan heimili sitt í Grjótaþorpinu.
Rökkursöngvar Sverris
Morgunblaðið/RAX
Rökkursöngvar Ný plata Sverris.
32 DÆGRADVÖL
MORGUNBLAÐIÐ FÖSTUDAGUR 10. JANÚAR 2020
50 ára Oddur býr í
Garði og hefur alltaf átt
heima þar. Hann er
verkstjóri hjá Icelandair
á Keflavíkurflugvelli.
Oddur er gjaldkeri
björgunarsveitarinnar
Ægis og var formaður í
20 ár.
Maki: Berglind Fanney Guðlaugsdóttir, f.
1973, skólaliði í Gerðaskóla.
Börn: Geirdís Bára, f. 1993, Sólveig Sig-
rún, f. 1996, og Guðlaug Anna, f. 2004.
Barnabörnin eru Berglind Sara Balos,
dóttir Sólveigar, og Inga Jóna Björgvins-
dóttir, dóttir Geirdísar.
Foreldrar: Jón Hjálmarsson, f. 1951, for-
stöðumaður íþróttamiðstöðva Suður-
nesjabæjar, búsettur í Garði. og Bára Þor-
steinsdóttir, f. 1949, húsmóðir í Keflavík.
Oddur Jónsson
Stjörnuspá
21. mars - 19. apríl 
Hrútur Þú getur ekki frestað því deginum
lengur að framkvæma það sem þú tókst
að þér. Málin taka óvænta stefnu og áætl-
anir fara út í veður og vind.
20. apríl - 20. maí 
Naut Hreinskilnislegar og jarðbundnar
samræður við fjölskylduna koma til greina
í dag. Góðsemi þinni eru engin takmörk
sett svo þú mátt til með að taka þér tak.
21. maí - 20. júní 
Tvíburar Margt hefur verið stressandi í
vinnunni undanfarið, en allt er á réttri leið.
Varastu að taka að þér fleiri verkefni en þú
ræður við.
21. júní - 22. júlí 
Krabbi Þú vilt skipuleggja alla hluti sem
er í góðu lagi ef þú reynir um leið að vera
sveigjanleg/ur þegar það á við.
23. júlí - 22. ágúst 
Ljón Það gæti verið vandasamt að velja
réttu leiðina þegar fleiri en ein eru í boði.
Hristu af þér slenið og gakktu glöð/glaður
til starfa á nýjum degi.
23. ágúst - 22. sept. 
Meyja Það gengur allt vel fyrir sig í
vinnunni í dag. Breyttu á einhvern hátt út
af vananum og notaðu útgeislunina þína
að til að ná fram því sem þú vilt.
23. sept. - 22. okt. 
Vog Þeir sem leita ráða hjá þér hafa
stundum á orði að þú ættir að gerast laun-
aður ráðgjafi. Sýndu umburðarlyndi í um-
gengni við aðra.
23. okt. - 21. nóv.
Sporðdreki Þér ætti að ganga vel á heim-
ilinu og í fasteignaviðskiptum. Fáðu fólk til
til að taka höndum saman í sameiginlegu
máli og komdu hugmyndum þínum á
framfæri.
22. nóv. - 21. des.

Bogmaður Láttu það vera að flýta þér um
of því það býður hættunni heim. Leystu
því eigin vandamál áður en þú fæst við
vanda annarra.
22. des. - 19. janúar 
Steingeit Þú hefur gefið einhverjum vald
yfir hluta af lífi þínu og finnst núna eins og
hann stjórni þér í einu og öllu. Til þín er
leitað með forustu í ákveðnu máli.
20. jan. - 18. febr. 
Vatnsberi Það er eitthvað stórt í aðsigi
hjá þér í vinnunni. Að binda trúss sitt við
ranga fólkið getur leitt til þess að framfar-
ir stöðvist.
19. feb. - 20. mars

Fiskar Þú ert búin/n að hjakka svo lengi í
sama farinu að leiðindin læðast að þér.
40 ára Camilla er
frá Nuuk á Græn-
landi en fluttist til
Íslands árið 2002 og
býr í Reykjavík. Hún
er hjúkrunarfræð-
ingur að mennt frá
Næstved í Danmörku
og er hjúkrunarfræðingur á Melting-
arsetrinu í Mjódd og á Landspítal-
anum.
Maki: Halldór Steinsson, f. 1973,
íþróttakennari að mennt frá Laug-
arvatni og er íþróttafulltrúi í Fylki.
Börn: Erik Steinn, f. 2002, Rebecca, f.
2005, og Róbert, f. 2011.
Foreldrar: Hans Mortensen, f. 1945,
vélstjóri, og Arnannguak Mortensen, f.
1942, húsmóðir. Þau eru búsett í
Nakskov á eynni Lálandi í Danmörku.
Camilla Mortensen
Til hamingju með daginn
Hafnarfjörður Marcel Mieleszko
fæddist 9. mars 2019 í Reykjavík.
Hann vó 3.632 g og var 49 cm. For-
eldrar hans eru Agnieszka og Marcin
Mieleszko.
Nýr borgari
Útivist & ferðalög
innanlandas
NÁNARI UPPLÝSINGAR:
Katrín Theódórsdóttir
Sími: 569 1105 kata@mbl.is
PÖNTUN AUGLÝSINGA
fyrir mánudaginn 27. janúar.
SÉRBLAÐ
Glæsilegt sérblað um
Útivist og ferðalög
innanlandas fylgir
Morgunblaðinu
föstudaginn 31. janúar
Meira fyrir lesendur