Morgunblaðið - 23.01.2020, Side 68

68 MENNING
MORGUNBLAÐIÐ FIMMTUDAGUR 23. JANÚAR 2020
6 rétta leyndarmáls
matseðill Matarkjallarans
7.990 kr. á mann með fordrykk
Aðalstræti 2 | s. 558 0000
TILBOÐ
Sunnudaga – miðvikdaga í janúar
Helgi Snær Sigurðsson
helgisnaer@mbl.is
Frönsk kvikmyndahátíð hefst á
morgun, föstudag, í Bíó Paradís og
verður að vanda boðið upp á gott
úrval nýlegra og sígildra kvik-
mynda. Hátíðin á 20 ára afmæli í ár
og verður nú haldin í fyrsta sinn í
Bíó Paradís. Henni lýkur 2. febrúar
og auk kvikmyndasýninga verða
sérviðburðir á dagskrá, þeirra á
meðal glæpakvöld þar sem rithöf-
undurinn Yrsa Sigurðardóttir
ávarpar gesti á undan sýningum á
tveimur sígildum, svarthvítum
glæpamyndum leikstjórans Henri-
Georges Clouzot.
Áslaug Torfadóttir, dagskrár-
stjóri í Bíó Paradís, segir kvik-
myndir hátíðarinnar eiga það
sameiginlegt að hafa vakið mikla at-
hygli og lof erlendis. Þeirra á meðal
sé nýjasta kvikmynd Romans Pol-
anski, J’accuse eða Ég ákæri, sem
fjallar um höfuðsmanninn Alfred
Dreyfus sem var ranglega dæmdur
fyrir landráð og dæmdur í lífstíð-
arfangelsi á Djöflaeyju, og Portrait
de la jeune fille en feu, Mynd af
brennandi stúlku sem hlaut mikið
lof gagnrýnenda í fyrra og rataði
víða á lista yfir bestu kvikmyndir
ársins. Í henni segir af ungri lista-
konu sem tekur að sér að mála
portrett af tilvonandi brúði ríkrar
fjölskyldu og verður ástfangin af
fyrirsætunni.
Fagra veröld opnunarmyndin
Opnunarmynd hátíðarinnar er La
belle époque, eða Fagra veröld, eft-
ir leikstjórann Nicolas Bedos,
gamanmynd sem hefur verið að
gera það gott, að sögn Áslaugar.
„Hún er um mann á sjötugsaldri
sem er svolítið úr takti við nú-
tímann og finnst heimurinn vera að
fara fram úr honum. Hann þráir að
komast aftur til fortíðarinnar þegar
allt var einfaldara,“ segir Áslaug.
Manninum er boðið dag einn að
endurlifa fortíð sína, með leikurum
og sviðsmyndum og öllu tilheyrandi.
„Hún er mjög fyndin og skemmti-
leg og verið að spila með þessa for-
tíðarþrá sem er svo ríkjandi í dag,
þrá eftir einhverjum gömlum tíma
sem var kannski ekkert endilega
betri en nútíminn,“ segir Áslaug.
Sólveigar Anspach-verðlaunin
veitt í fjórða sinn
Ellefu myndir verða sýndar á há-
tíðinni og þar af er ein teiknimynd,
Dilili í París sem verður sýnd með
íslenskum texta. Á fyrrnefndu
glæpakvöldi verða sýndar tvær sí-
gildar glæpamyndir, L’assassin ha-
bite au 21 eða Morðinginn býr í nr.
21 og Les diaboliques eða Forynj-
urnar og mun Yrsa flytja erindi fyr-
ir sýningu beggja og fjalla sér-
staklega um glæpahefðina í
kvikmyndum og þá sérstaklega
frönskum glæpamyndum.
Heimildarmynd hátíðarinnar
nefnist Le vin se lève eða Guðaveig-
ar og fjallar um franska vín-
framleiðendur sem taldir eru leið-
andi í því að vinna vínið með
lífrænum hætti og náttúrulegum að-
ferðum framleiðsluháttum og með
sjálfbærni að leiðarljósi, en tæp 3%
um þrjú þúsund vínbænda í Frakk-
landi vinna með þeim hætti. Að sýn-
ingu lokinni verður sýningargestum
boðið upp á vínsmökkun á frönskum
náttúruvínum hjá Dóra DNA í sam-
starfi við vínbarinn Port 9.
Af öðrum viðburðum ber svo að
nefna afhendingu Sólveigar
Anspach-verðlaunanna 30. janúar
sem Franska sendiráðið á Íslandi
og Alliance Française í Reykjavík
efna til með stuðningi Reykjavíkur-
borgar, Kvikmyndamiðstöðvar Ís-
lands og kvikmyndaframleiðslufyr-
irtækisins Zik Zak. Tilgangurinn
með verðlaununum er að heiðra
minningu Sólveigar Anspach og
hvetja ungar konur til dáða í kvik-
myndaleikstjórn og eru verðlaunin
veitt konum fyrir fyrstu stuttmynd
þeirra á frönsku og íslensku. Verð-
launin verða veitt í fjórða sinn og
verða þrjár stuttmyndir á frönsku
heiðraðar og þrjár á íslensku.
Heltekinn af rúskinnsjakka
Sem fyrr sagði eru ellefu myndir
á dagskrá hátíðarinnar og auk
þeirra sem þegar hafa verið nefnd-
ar eru það Le daim eða Rúskinn
sem fjallar um mann sem er heltek-
inn af rúskinnsjakkanum sínum,
eyðir ævisparnaðinum og leiðist út í
glæpi til að bæta fyrir tapið; Matt-
hias & Maxime sem er kanadísk og
segir af vináttu tveggja ungra
manna sem stefnt er í hættu þegar
þeir þurfa að leika í stuttmynd
saman og kyssast. Deux moi eða
Tvö sjálf fjallar um ungt fólk í Par-
ís og varpar fram þeirri spurningu
hvort ekki þurfi að elska sjálfan sig
áður en maður getur elskað ein-
hvern annan.
Ellefta kvikmyndin er hin sígilda
Amélie frá árinu 2001 sem segir af
gengilbeinu sem helgar líf sitt því
að gleðja aðra, finnur ástina og læt-
ur drauma sína rætast.
Rík og fjölbreytt menning
„Það er gaman að fá að halda há-
tíðina hér í Bíó Paradís á tuttug-
asta aldursári hennar,“ segir Ás-
laug og er í framhaldi spurð að því
hvers vegna fólk eigi að sækja
Franska kvikmyndahátíð.
„Það er nú bara til þess að kynna
sér annan menningarheim. Frönsk
menning er náttúrlega afar rík og
fjölbreytt og á Íslandi hefur alltaf
verið mikill áhugi fyrir Frakklandi
og frönskum kvikmyndum,“ svarar
hún og bendir á þá fjölbreytni sem
einkenni hátíðardagskrána. Á henni
megi finna allt frá klassík yfir í
glænýjar kvikmyndir sem hlotið
hafi lofsamlegar viðtökur gagnrýn-
enda sem og kvikmyndaunnenda.
Hátíðin stendur yfir í tíu daga og
fer miðasala fram á bioparadis.is og
tix.is. Áslaug bendir á að árs- og
klippikort kvikmyndahússins gildi
líka á hátíðina og að heildardagskrá
og frekari upplýsingar megi finna á
vef kvikmyndahússins, biopara-
dis.is.
Morgunblaðið/Eggert
Frönsk veisla Áslaug Torfadóttir, dagskrárstjóri í Bíó Paradís, segir kvikmyndir frönsku hátíðarinnar hafa vakið
mikla athygli. „Það er gaman að fá að halda hátíðina hér í Bíó Paradís á tuttugasta aldursári hennar,“ segir hún.
Rík menning og fjölbreytileg
 Frönsk kvikmyndahátíð haldin í Bíó Paradís  Ellefu myndir eru á dagskrá auk sérviðburða
 Mikill áhugi hér á landi fyrir frönskum kvikmyndum að sögn dagskrárstjóra kvikmyndahússins
Fjölbreytt Úr fjórum kvikmyndum hátíðarinnar. Í efri röð frá vinstri Mynd af brennandi stúlku, Fagra veröld, Dilili
í París og Ég ákæri. Alls verða ellefu kvikmyndir sýndar á hátíðinni auk fimm stuttmynda sem tilnefndar eru til
verðlauna sem kennd eru við Sólveigu Anspach heitna en hundrað myndir bárust í keppnina að þessu sinni.