Fréttablaðið - 21.10.2020, Blaðsíða 2

Veður
Suðaustan 5-13 í dag og dálítil
rigning eða slydda öðru hvoru, en
hægara og þurrt eystra með hita
kringum frostmark. Hiti -2 til 4 stig
að deginum. SJÁ SÍÐU 16
43 þúsund undirskriftir
Samtök kvenna um nýja stjórnarskrá af hentu Katrínu Jakobsdóttur forsætisráðherra rúmlega 43 þúsund undirskriftir við Alþingi í gær. Við
af hendinguna mættu margir áhugamenn um stjórnarskrármál með skilti á lofti. Katrín sagði við Fréttablaðið að margt gott væri í tillögum stjórn-
lagaráðs en benti á að umræðum um þær á Alþingi árið 2012 hefði aldrei verið lokið og nú ætti þessi umræða að eiga sér stað. FRÉTTABLAÐIÐ/VALLI
FÓTBOLTI Eftirlitsmaður UEFA,
Mark Blackbourne frá Englandi,
skrifaði ekkert í skýrslu sína um
hegðun Þorgríms Þráinssonar,
starfsmanns Knattspyrnusam-
bands Íslands, KSÍ, eftir landsleik
Íslands gegn Rúmenum fyrr í mán-
uðinum og mun UEFA því ekki beita
sér neitt frekar í málinu. Þetta segir
í svari UEFA við fyrirspurn Frétta-
blaðsins.
Þorgrímur virti ekki tveggja
metra regluna og bar ekki grímu
þegar hann arkaði inn á leikvöllinn
eftir sigur á Rúmenum til að knúsa
mann og annan, meðal annars fyrir-
liða landsliðsins, Aron Einar Gunn-
arsson.
Hann greindist svo með COVID-
19 og fóru tólf starfsmenn í kjölfarið
í sóttkví, meðal annars landsliðs-
þjálfararnir. Þá keyrði hann lands-
liðsmenn í myndatöku með leyfi
Víðis Reynissonar yfirlögreglu-
þjóns. – bb
UEFA aðhefst
ekkert í knúsinu
Leikandi létt með Harpatinum
Jurtalyf sem hefð er fyrir til að draga úr vægum gigtarverkjum og vægum meltingartruflunum
eins og uppþembu, vindgangi og tímabundnu lystarleysi. Þetta lyf er jurtalyf sem hefð er fyrir og
tilgreindar ábendingar fyrir notkun þess eru eingöngu byggðar á langri sögu um notkun lyfsins.
Notkun: 2 hylki tvisvar á dag. Ekki ætlað yngri en 18 ára, þunguðum konum eða konum með barn á
brjósti. Notist ekki ef ofnæmi fyrir jarðhnetum eða soja, eða sár í maga eða þörmum er þekkt. Lesið
vandlega upplýsingar á umbúðum og fylgiseðli fyrir notkun lyfsins. Leitið til læknis eða lyfjafræðings
sé þörf á frekari upplýsingum um áhættu og aukaverkanir. Sjá nánari upplýsingar
um lyfið á serlyfjaskra.is.
Harpatinum er eina viðurkennda jurtalyfið á Íslandi til að draga úr vægum
gigtarverkjum. Fæst án lyfseðils í öllum apótekum.
SAMFÉLAG „Það er allt í lagi að vera
á Íslandi í smá stund, en bara taka
pásu, ekki stoppa,“ segir Katrín
Sif Einarsdóttir, sem líklega má
titla sem víðförlasta Íslendinginn.
Katrín, sem er 33 ára, hefur ferðast
til 222 landa á ævi sinni. Hún setti
sér það markmið að ferðast til 200
landa áður en hún yrði þrítug og
því náði hún nokkrum dögum fyrir
stórafmælisdaginn sem hún fagnaði
á Máritíus.
„Það er orðið lítið eftir um lönd
sem eru ný fyrir mér. Ég er samt búin
að ferðast mikið upp á síðkastið og
var mjög dugleg að heimsækja lönd
sem ég hafði farið til áður þangað til
COVID skall á,“ segir Katrín. Hún er
vön því að ferðast marga mánuði á
ári og fjármagna það með því að
stoppa við á Íslandi í nokkra mánuði,
þar sem hún vinnur sem fararstjóri.
Áður en faraldurinn skall á hafði
hún til að mynda nýlega ferðast til
Bandaríkjanna, Ítalíu, Frakklands
og Argentínu, sem er einn af hennar
uppáhaldsstöðum.
Faraldurinn hefur sett strik í
reikninginn hvað ferðalög varðar
og segir Katrín að mars og apríl hafi
verið henni erfiðastir. „Ég átti erfitt
með þetta í vor því að það var svo
mikil óvissa, það var mjög erfitt fyrir
mig að geta ekki einu sinni pælt í því
hvert ég ætlaði að fara næst,“ segir
Katrín en bætir við að hún hafi þó
notið sumarsins á Íslandi.
„Ég elska sumarið á Íslandi en
núna var enga vinnu að fá fyrir mig í
ferðaþjónustunni svo ég gat ferðast
hér sjálf og skoðað alla þá staði sem
mig langaði að sjá,“ útskýrir hún en
Katrín á lítinn húsbíl sem hún ferð-
aðist á um landið í sumar.
Á ferðum sínum um heiminn
hefur Katrín tekið ógrynni af ljós-
myndum og stefndi hún að því að
setja upp sýningu með myndum
sínum og sögu ferðalaganna í Flæði á
Vesturgötu um næstu helgi. Sýning-
unni hefur þó verið frestað þar til í
nóvember vegna faraldursins.
„Ég er búin að velja um 200 myndir
sem ég ætlaði að sýna ásamt kortum
og peningum frá þeim stöðum sem
ég hef heimsótt,“ segir hún en Katrín
hefur í fórum sínum gjaldeyri frá
öllum þeim 222 löndum sem hún
hefur heimsótt.
Spurð hvert hún hyggist fara næst
segist hún ánægð með að staldra við
um tíma heima á Íslandi, en hún er
þó farin að skipuleggja næstu ferð.
„Ég er ekkert að fara að hætta að
ferðast og eignast barn á morgun en
ég er alveg til í að vera hér aðeins á
meðan þetta gengur yfir,“ segir hún.
„Síðan er ég búin að skipuleggja ferð
til Sao Tome og Principe við Vestur-
Afríku sem ég ætlaði að fara í apríl,
en ég fer þangað um leið og ég get.“
birnadrofn@frettabladid.is
Hefur sótt næstum öll
lönd heimsins heim
Katrín Sif Einarsdóttir hefur ferðast til 222 landa og á fá lönd eftir til þess að
hafa ferðast til allra landa heims. Heimsfaraldurinn hefur sett strik í reikning-
inn, en Katrín Sif nýtur þess að ferðast á Íslandi á meðan hann gengur yfir.
Katrín Sif elskar að ferðast og skoða um leið heiminn. FRÉTTABLAÐIÐ/ANTON
Ég elska sumarið á
Íslandi en núna var
enga vinnu að fá fyrir mig í
ferðaþjónustunni svo ég gat
ferðast sjálf.
LÖGREGLUMÁL Viðbúnaður Lög-
reglunnar á höfuðborgarsvæðinu
verður með sama hætti og verið
hefur þrátt fyrir vetrarfrí grunn-
skóla á höfuðborgarsvæðinu. Um
15 þúsund nemendur eru í grunn-
skólum Reykjavíkur og þá er einnig
vetrarfrí í grunnskólum Hafnar-
fjarðar og mörgum framhaldsskól-
unum. Það má því búast við að ansi
mörg ungmenni muni hittast og
jafnvel gera sér glaðan dag.
Almannavarnadeild ríkislög-
reglustjóra og sóttvarnalæknir
hafa beint þeim tilmælum til fólks
að halda sig sem mest heima, ferðast
ekki að óþörfu og forðast hópa-
myndanir í heimahúsum vegna
faraldursins.
Í svari lögreglunnar er minnt á að
almenningur sæti ekki ferðabanni
en áfram verði tekið á brotum á
reglugerð um sóttvarnaráðstafanir.
„Vegna hópamyndana og ferðalaga
þá hefur verið höfðað til skynsemi
fólks og það hefur gefist vel.
Rétt er að hafa í huga að almenn-
ingur sætir ekki ferðabanni, en
afskipti eru höfð af þeim sem hefur
verið gert að vera í sóttkví eða ein-
angrun og því verður fram haldið.
Tekið verður á brotum á reglugerð-
um um sóttvarnaráðstafanir með
sama hætti og áður,“ segir í svari
lögreglunnar. – bb
Vetrarfrí kalla
ekki á viðbúnað
Búast má við að fólk verði á faralds-
fæti þegar vetrarfríið gengur í garð.
FRÉTTABLAÐIÐ/VALLI
2 1 . O K T Ó B E R 2 0 2 0 M I Ð V I K U D A G U R2 F R É T T I R ∙ F R É T T A B L A Ð I Ð