Fjölrit RALA - 15.03.1977, Síða 7

1
INNGANGUR.
Skýrsla þessi er unnin með svipuðum hætti og undanfarin ár og vísast.
til inngangs að fyrri skýrslum um vinnubrögð við samningu hennar. Reynt
er að gefa sem öruggastar upplýsingar um framkvæmd jarðræktartilrauna á
vegum tilraunastöðva Rannsóknastofnunar landbúnaðarins og samvinnuaðila
þeirra (Bændaskólans á HÓlum og ýmissa héraðsráðunauta) innan þess ramma
sem skýrslunni er settur. Yfirlit um tilraunastarfsemi tilraunastöðvar-
innar á Korpu og Bændaskólans á Hvanneyri kemur fram í öðrum skýrslum.
Ýmsar rannsóknir og tilraunir, sem gerðar eru af sérfræðingum á Keldna-
holti, án milligöngu tilraunastöðva, koma ekki fram í neinni af þessum
skýrslum. í þessa skýrsiu eru þó teknar með niðurstöður af nokkrum
tilraunum með áburð á úthaga og ógróið land.
Að gerð þessarar skýrslu hafa aðallega unnið Kristinn JÓnsson,
tilraunastjóri og Guðni Þorvaldsson, Sámsstöðum; Ingi Garðar Sigurðsson,
tilraunastjóri, Reykhólum; Bjarni Guðleifsson, tilraunastjóri, Möðruvöllum,
Matthías Eggertsson kennari HÓlum; Páll Sigbjörnsson, Skriðuklaustri, og
á Keldnaholti Hólmgeir Björnsson og Einfríður Aðalsteinsdóttir. Eru þá
ótaldir ýmsir þeirra sem önnuðust undirbúning og framkvæmd tilraunanna.
Vélritun önnuðust Lilja ólafsdóttir og Klara Sigurðardóttir.
Á árinu voru hafnar á öllum tilraunastöðvunum og víðar athuganir á
byggþroska, sem ætlunin er að verði fastur og staðlaður liður í tilrauna-
starfseminni framvegis. Niðurstöður þessara athugana eru dregnar saman
í sérstakan kafla sem. Þorsteinn TÓirasson og Áslaug Helgadóttir önnuðust.
Að endingu skal tekið fram að skýrsla þessi felur ekki í sér endan-
lega úrvinnslu af hálfu þeirra sem rannsóknirnar stunda og ber því að hafa
fyrirvara á ef vitnað er í skýrsluna. Henni er fyrst og fremst ætlað
að vera hjálpargagn og heim.ild við ýmis konar úrvinnslu.
Hólmgeir Björnsson.