Rit Búvísindadeildar - 01.07.1992, Blaðsíða 67

Raunkostnaðurinn er því 2.805 kr. - 1.116,28 kr. = 1.688,72 kr. Ágóði 35 ára
færður til núvirðis dugir því fyrir 253 mJ (428.391/1.688,72) aö gefnu að heildar-
rýmið sé ekki komið yfir 700mJ. Samkvæmt viðmiðunartölum í handbók bænda
ættu 500 - 600 mJ geymslur að taka ríflega ársframleiöslu grundvallarbúsins.
Samkvæmt dæmunum að ofan stendur ágóðin af góðri meðferð áburðarins
undir fjárfestingu í töluverðu rými. En einnig þarf aö taka tillit til að annir eru
oft miklar hjá bændum á þeim tíma sem heppilegast er að bera búfjáráburðinn
á og tíminn því dýrmætari en hann er á mörgum öðrum tímum.
Lokaorð
Eins og áður er að vikið þá er mikil óvissa til staðar við mat á magni og
verðmæti búfjáráburðar. Niðurstaða þessarrar greinar er þó sú að nýting
búfjáráburðar sparar útgjöld og hefur jákvæð áhrif á greiðslubyrði búsins. Þar að
auki er notkun búfjáráburðar viss trygging gegn snefilefnaskorti, og hefur ekki
verið gerð tilraun til að meta það hér til fjár. Einnig hefur verið litið framhjá
öðrum jákvæðum og neikvæðum áhrifum.
Vel er mögulegt að nýta búfjáráburð til landgræðslu, í honum eru lífræn efni
sem mynda jarðveg ásamt áburðarefnum. Ekki hefur tekist að hafa uppi á neinu
markaðsverði búfjáráburðar til slíkra nota. Forsvarsmenn hestamannafélagsins
Fáks hafa þó tjáð höfundum að nú kunni að hylla undir þá tíð að hestaeigendur
í þéttbýli þurfi ekki lengur að borga fyrir að fá hrossataðið fjarlægt en fái þess í
stað einhveija greiðslu fyrir þau verðmæti sem í því eru fólgin.
Heimildir
Magnús Óskarsson og Matthías Eggertsson 1991. Áburðarfræði. Búnaðarfélag
íslands.
Óttar Geirssons 1991. Búfjáráburður. Handbók bænda 41: 162-164.
Hagþjónusta landbúnarins (1991): Reiknilíkön.
61